امهات هل تؤيدون نوم اطفالكم بغرفه خاصة

شيكه 03-01-2009 28 رد 3,396 مشاهدة
ش
امهات هل تؤيدون نوم اطفالكم بغرفه خاصة؟

ومن اي سن؟

وكيف علمتوهم؟

له ايجابيات وسلبيات؟

ماتخافوا يمكن يستيقضوا ويبكون وماتسمعوهن؟


حابه اشارككم عندي طفلتين طفله سنتين وطفله 6شهور

مااقدر انوم وحده عندي والاخرى بغرفه لحالها لانه كبيرة تغار وماترضي

طبعا ال2 بعد ماانيمهم اشيلهم ينامون باسرتهم مقابل سريري

ومحتارة من هالخطوة ارتب غرفه مقابله لغرفتي وبينا باب

كل خووفي يبكون ومااسمعهم خصوصا صغيرة

اما كبيرة بتقوم وبتجي لغرفتي
t
الصراحه انا ايد بس ماعندي تجربه لهالفكره

ابي استني وشوف التجارب الي سوها الامهات لعيالهم واطبقها على بنتي :)

وعلى بنتك الصغيره 6 شهور انا فكرت احط بنتي يوم كانت 6 شهور بس لانها ترضع طبيعي كل شوي تصحي وتعبت معاها قلت بس افطمها راح احطها بغرفتها بس بنتك الي سنتين مفروض انها تعودت تنام بغرفتها

يالله بنتظار ردوود الامهات
ا
بصراحة ماعندي فكرة وبنتي بعدها صغيرة
وأنطر تجارب الأخوات عشان أستفيد منها
ويعطيج العافية
B
انا أوؤيد وبشدة
المفروض بنتك الكبيرة خلاص استقلت في غرفة لوحدها افضل وحتى لو نقلتي اختها معاها عادي اخذي لك الجهاز والحين تطوروا جابوا ابو كاميرا بعد تشوفين البيبي وتطمنين عليه وانتي مكانك

لي عودة بتجربتي
أ
امهات هل تؤيدون نوم اطفالكم بغرفه خاصة؟

أوأيد وبشده أكيد

ومن اي سن؟

من سنتين اظن مناسب

لان بيكونوا انفطموا وارتحتي لان صعبه رضاعه وياقايمه ياقاعده

وكيف علمتوهم؟

انا حاليا رحت اخذت لبنتي غرفه على ذوقها مع تعديلاتي

وللحين ماخلصت ولا ادري كيف بتكون عمليه نقلها لغرفتها

ان شاء الله خير


له ايجابيات وسلبيات؟

ايجابيات انك بترتاحي من الزحمه

وبنتك بتتعود تستقل بنفسها وبيكون لها مكانها الخاص لألعابها ونومها وعفستها

وبترتاحي من فوضه المكان وبيكون لك مكانك الخاص انتي وزوجك

هذا اللي اتوقعه اني طبعا

سلبيات مااظن فيه سلبيات بالعكس هي بترتاح وانتي بترتاحي وزوجك بعد



ماتخافوا يمكن يستيقضوا ويبكون وماتسمعوهن؟

مستحيل لاني الغرفه قريبه من غرفتي هذا اولا

وثانيا انا ناويه آخذ لها جهاز مراقبه الطفل بكاميرا ان شاء الله وهذا من أهم الاشياء حتى الأجانب من عمر صغير ينقلوا اطفالهم ويجيبوا لهم جهاز مراقبه



والله يعين الجميع ويحفظ لنا عيالنا الحلوين
ز
انا بنتي عمرها سنتين وثمانيه شهور وتنام معي بس في سرير منفصل وانا الحين حامل وان شاء الله حتى الثاني ينام معي وماني ناويه افصلها في غرفه ثانيه إلى إذا دخلتها المدرسه هذا رأيي في الموضوع_
ت
انا اايدج لكني فااشله حاولت مع بنتي كبيرة بوسنتين كل طررق بائت بالفشل بنتي خوااااااااااااااافه درجه اولى

ننتظر تجاارب
ا
والله بأيد هالشي اكيد وهذا لمفروض طبعا .... والموضوع له ايجابيات ان الطفل يعتمد على نفسه بهالخطوة ويصير بعد تعوده يروح لحاله لسريره حتى ينام لوحده من غير مساعدتك وكمان توفري جو مريح لكي ولزوجك بالاخص بعد عناء يوم كامل
ومثل ماقالوا الاخوات وازيد خللي باب الغرفة مفتوح عليهم وخللي الجهاز قريب على بنتك الصغيرة حتى تسمعيها ...... والله المستعان
~
وين نقدر نحصل الكاميرا

لاني نويت اخليها في غرفه بروحها بس خايفه
و
انا أأيد الغرفه الخاصه لان الوحده بتستقل وبتاخد راحتها مع زوجها وعشان يتعود الطفل اليه مكان خاص به بس انا ماعندي خبره لان ولدي توه صغير بس قاااعده اشوف تجارب الامهاااات والله يساااعدنا
ب
المفروض الطفل من يينفطم عن الرضاعة يكون ليه محل مستقر فيه

الشي مو سهل طبعا بس بالتعويد لازم بيتعود الطفل وبكون افضل له ولامه ولابوه

وقرات واجد عن الطفل اللي بكون مع والديه وعمره فوق السنتين

سلوك خاطئ نتبعه نحن الامهات بحجة الخوف عليهم

وتكون النتيجة سلبية للطفل والوالدين

فكرة الجهاز واجد عجبتني اتمنى نشوف هذا الجهاز وين يتواجد
m
انا أأيد لازم يتعودون يكون لهم مكانهم

وبعدين عشان عقب لي كبروا مايخافون يقعدون بروحهم
م
أنا فصلت ولدي عني من عمر السنتين ونص.... يمكن كان كبير وايد بس مادري ليش كنت متخوفة لكن الحمدلله التجربة من بدايتها كانت ناجحة.. خذيت له غرفة كاملة ورتبت العابه بجهة وحطيت بوردر على الحائط وصارت الغرفة حلوة وخليت شرشف السرير على توماس شخصيته المفضلة ذاك الوقت طبعا عجبته ونام فيها.. شغلت السماعات بالغرفة وخليت السماعة الثانية عند راسي .. صحيح اول الأيام كان متعبني شوي بس عقبها تعلم يواصل نوم في غرفته للصبح...هذي الأيام مادري شقصته ماتصير الساعة ثلاث الفجر الا هو داخل في وسطنا وتارك غرفته....

بخصوص الإيجابيات.. الحمدلله صار الولد مستقل عنا والأهم صارت لنا حرية أنا وزوجي لوحدنا بالغرفة....

السلبيات.. إذا قام بالليل وناداني آضطر أقوم من سريري وأروح عنده ويخرب نومي شوي وخصوصا هذي الأيام مع البرد....
s
انا طبعا أأيد ينامون عيالي بروحهم
ومن يومين دخلت ولدي الاصغر بو سنة و3 شهور عندهم بسريره

اصلا اريح للأم
والاب
ويحسون بالاستقلالية من هم صغار
والحمد لله نجحت بها الشئ
ق
اؤيد بشدة من عمر ال3 سنوات الاستقلالية في النوم ..بس صرااحه تعبانة مع ولدي اللي في الروضة مب راضي ينام بروحه:( يخااااااف
*
انا اؤيد هالفكرة وبقوة ويوم علمت بناتي الكبيرة كان عمرها 3 سنوات و5 شهور

والصغيره سنتين وشووي وصج راحه

والحين يقولون لي خلي التوينز ينامون معانا ههههه

بس ماقدر لانهم لين الحين ما اعتدل نومهم وبالذات فليل
د
حبيبتي انا بناتي توام فصلتهم بغرفتهم وعمرهم 3 شهور ونص

الحمد لله غرفتهم ملاصقة لغرفتي يعني اقدر اسمعهم

وانا اعرف امهات مافصلو اولادهمبدري وتعبو معاهم

وفي كاميرات واجهزة صوت مخصصة لغرف الاطفال تلاقينهم في محل مستلزمات الاطفال


الله يعين الجميع
د
والله صدمت لما قريت الردود سنتين و3 سنوات وينامو مع اهلهم

غلللللللللللللللط بعدين كيف ياخد الاب والام راحتهم بغرفتهم

انا حطيتهم بغرفتهم وهم عمرهم 3 شهوووووووووووووور ونص

اريححححححححححح
س
مرحبا


بالنسبة لعيالي ( بنت سنتين ونصف + ولد 8 شهور) .. ينامون معي الى سن 4 شهور وبعد كذا في غرفتهم .. بس معهم الشغالة ... احس صعب اخليهم ينامون لوحدهم بدون شخص كبير

بس تصدقون نفسي ان بنتي تنام معي على سريري .. ما تحب تنام في غرفتي ولما اروح انسدح جنبها في سريرها .. اذا انعست قالت " ياللا ماما .. برئ برئ !! " وتجلس تبكي الين اطلع

ترى مافيه احلى من حضن الام في النوم ... الى الأن اتذكر لما اخاف بالليل واروح انام مع امي وانا صغيرة كانت لحظات مميزة

نرجع للموضوع .. انا اشوف ان الاستقالالية حلوه بس يعتمد على طبيعة الطفل اذا كان اتكالي فهذا مايصلح ينام لحالة .. او كان من النوع اللي يصحى كذا مره بالليل
اما اذا كان يسحبها نومه متواصلة فهذا يكون لوحده وماعليه شر ان شاء الله
u

أنا الصراحه أأيد إن يكون للطفل غرفه خاصه به بس يكون في سن ما ينخاف عليه إذا خليتيه ينام بروحه .. إن شاء الله يوم ولدي يكمل سنتين وشوي بخليه ينام بروحه لأن بهالطريقه يكون للأم خصوصيتها في غرفتها و هم بعد الطفل يبدأ يتعلم إن يستقل بنفسه .. و بتوفيق للجميع
X