جوفو لي حل تعبت صرت اتمنى المموت

الروح الجميلة 02-01-2009 18 رد 995 مشاهدة
ا
السلام عليكم
راح اقولكم قصتي واتمنى تعطوني حل لانه مالي غيركم
انه اصغر اخواني وخواتي ابوي مدلعني وايد وعندي اخت اكبر مني تعاملني بقسوه والله والله وكاني مو اختها
تعبت وياها وايد وايد
اتعاملت معاها بطرق وايد
تعاملني بقسوه كاني خدامه عندها
يمكن تقولون لي ان كل الخوات جذي
بس اختي تكرهنيي
احيانا اتمنى اموت بس لا اعيش معاها
على طول تحرجني قددام الناس على شكلي
والله والله شكلي مافيه شي
من تقريبا سنه حاولت اني انسى همومي وتعرف على واحد
اهو مو من بلدي بس حسيت معاه بالحنان
نساني الدنيا-حبيته وحبني
انسان وايد طيب وعنده حنان الدنيا كلها
عمره ماغلط ماقالي كلمه غلط
كان محترم نفسه ومحترمني
بس انه الحين ماابيه لانه اعرف علاقتنا مالها نهايه واهي غلط بالاساس
بس انه احبه حاولت اني اتركه بس ماقدرت

بنات ساعدوني ابي حل الى اختي اهي السبب الي خلاني اتعرف عليه لو ما اهي انه مافكرت في هالشي وابي انساه لانه غلط اني اكلمه:confused:
M
اختي الحال من بعضه انا اختي اللي اكبر مني بثلاث سنوات من تزوجت واهي متغيره 180 درجه ومطلعه عيني انا وامي بتصرفاتها لدرجه حتى زوجها ماقام يحترمنا وغير طنازه على شكلي كاني سباله جدامها رغم انه شكلي عادي نفس حالتج المهم انا كنت مثلج اضايق وايد واتمنى اموت ومرات افكر بالانتحار بس عقب فكرت بيني وبين نفسي اللحين اهي سعيده ومرتاحه في حياتها وانا اللي حاطه على نفسي هموم الدنيا ونفسيتي تعبانه احسن حل تتجاهلينها وتحاوليين المكان اللي اهي فيه تتجبنبينه وكل ما حقرتي اهي بنتنقهر يمكن تزيد في البدايه بس عقب فتره بتحس بالملل وانج مطنشتها ومو حاطه لها اهميه.وبالنسبه للشاب اللي تكلمينه طبعا هالشي غلط حبيبتي وزين انج عرفتي انه غلط حاولي تتركينه بهدوء وربي بيعوضج بالزوج الصالح اللي بنسيج كل الهموم اللي عشتيها مع اختج الله يهديها ودايما ادعي لها بالهدايه وانه تخلييج في حالج..
بس مثل ما قلت لج الحل التنطنيش وعلى قولة القايل الحقران يقطع المصران
ا
انه اقول جذي بعد بس مااقدر وانه في غرفتي تتهجم علي واطقنيوعلى فكره اهي لو عرفت اني اكلم واحد بتقتلني احسها تغار مني وايد من ساعه تقريبا رحت ابي اقعد معاها طردتني وصرخت علي انه اقول هاي انسانه معقده محتاجه دكتور نفسي التصرفات الي اتسويها مالها معنى
وانشالله اقدر انساه مع اني قلت له ماابيك وخلاص يعني بس اهو مو رااضي يحاول وياي كل يوم وانه خايفه ياثر علي حتى لو اني قايله بس ماابيه
يالله الله كريم وخلصني منها

ومشكوورة اختي ماتقصرين وانشالله ترتاحين منها
M
ليش ما تخليين احد من الاهل يدخل دام توصل لدرجه الطق يعني خل ابوج او امج يوقفونها عند حدها على الاقل ما تمد يدها علييج .وانتيي دام اهي جذي لا تحاوليين تحتكيين فيها او تروحين لها غرفتها عيشي وكانها موموجوده في حياتج واهي كثر ما تنطشينها بتحاول تغير معاملتها لانه بتحس روحها منبوذه.وهالشاب لو اهو مصر علييج معناته خل يتقدم لج والله يتمم الموضوع ع خير بينكم وبالحلال
د
حبيبتي .. امج و ابوج شرايهم بالموضوع ؟؟

اذا مثل ما تقولين .. ابوج مدلعج ..كلميه قولي له عنها و انها تطقج .. الكلام وممكن نتحمله بس الطق لا ماينسكت عنه ..

واذا مافاد الكلام معاها .. حقريها مثل ما قالت لج كمام الامل .. ترى احسن حل الحقراان ..

وعن اللي تكلمينه والله اعرف شقول لج .. بس حاولي تتركينه شوي شوي .. و الله يرزقج بالزوج الصالح ..
ف
الله يعينج اختي واحس فيج لان اللي يصيدني من اختي وريلها مب شوي يمكن مصيبتج اهون مني لان بينج وبين اختج شلون حالتي مع اختي وريلها وفضيحتنا جدام الناس اذا ماسكت عنها ورديت عليها لان اذا سكت وطنشت بموت قهر

الله يهدي اختج لج وييسر اموركم
m
هونيها وتهون ياعمري

صدقيني همج مو أكبر من همــي

همي ذبحني بس أملي بالله كبير وأن شاء الله راح يجي اليوم اللي تتغير فيه حياتي

وأطمئني ياقلبي ربج موجود والزمن كفيل بالنسيان أقرأي القرآن بكثر وأدعي بخشوع والله بيستجيب دعائج..

وعسى ربي يوفقج يارب ياكريم
ز
الله يعينك يارب ويقدر لكي الخير حيث كان

مودتي!
R
كلميها واجهيها واذا لزم الامر قوليلها اذا ماتكفين شرج عني بعلم الوالد وهو يتصرف
ومن ناحية انها تظربك مو من حقها وهالشي ماينسكت عنه ماطول انتي محترمتها ومامتعديه عليها وما اقول الى الله يهدي اختك ويحنن قلبها عليج

بنسبه لشاب الي تعرفينه وسبب اختك اختي لاتزعلين هاذا موعذر حاولي انك تنقذين نفسك مو لان اختك لودرت بتموتك لا لان انتي عارفه انه غلط وعارفه انه مافي اي بنت تمشي بهاذا الطريق وتتوفق لزم يجي يوم تندم وتخجل من نفسها انها خانت الامانه وهي ثقة اهلها فيها وربي يوفقج ويسر امورج ياارب
d
عزيزتى: إستغفرى الله

ربما أختك أصاب قلبها الحزن حين شعرت بتفضيل والدك عنها وإن كان شعورها غير واقع وإنما هذا ما شعرت به..

تقربى منها وتوددى إليها وإصبرى قد لا تحصلى على النتيجة المرجوه فى البداية وإنما مع الإجتهاد والصبر سينولك الله الخير ... وتحدثى لأمك بأن تنصح والدك بأنه حين يدللك يدللها هى الأخرى فى نفس الآن ..

ولا تستعينى على البلاء بالذنب فلن تخرجى من من بلاءك بهذه الطريقة وإنما إستعينى بالله رب العالمين ..
الله معك..
غ
مثل ما قالت اختي العزيزه روز ..
كلميها ..

اول ما تصارخ عليج او شي .. قولي لها يا فلانه انتي ليش جذي تسوين !!!!
مب ملاحظه انج زودتيها .. مب ملاحظه انه تصرفاتج مالها معنى !!!
قوليلها : اذا انا ساكته مب يعني انا مب قادره ارد عليج ..
لأ انا ساكته بس عشان اشوف حل او تفسير للي قاعده تسوينه ..

و قولي لها : احترمتج لأنج اختي الكبيره .. و مديتي ايدج و ما قلنا شي ..
بس المره الجايه راجعي نفسج قبل لا تقولين اي كلمه او تمدين ايدج ..


<--------- مادري ليش انا داخله متحمسه جني انا صاحبه المشكله ..








ترا و الله مب كل الخوات الكبار جيه ..
انا اخت كبيره لـ بنتين
اعاملهم جنهم ربيعاتي .. و احيانا اعاملهم جنهم بناتي ..

انصحهم .. اخاف عليهم .. ما اسمح لأحد انه يهينهم .
او حتى امي او ابوي اذا بغوا يطقونهم ما اخليهم .. حتى هواش ما اخلي احد يهاوشهم ..




ماقول الا الله يهدي اختج . و يصلح حالكم ..



و بالنسبه للشاب اللي تكلمينه ..
ابد هذي مب غلطه اختج .. لا تحطين اللوم عليها ..

كلنا كبار . و كلنا مسؤولين عن اخطائنا و تصرفاتنا ..
محد يجبرنا ع الغلط .. ^__^




الله يسهلها عليج ..
C
اذا صار عندك خوف من الله راح تتركينه بلا نقاش
ما تفكرين في المسكينه اللي تحت يدين الريال آآآه آآآآآآآه الله يهديك
S
اختتتي سكتي عنها وحقرييها او ردددي عليها كاانج تقرينها يعني شنو حارج انا حرة كيفي ..وسمعي مني وطنشي مني
ا
مشكورييييين ماتقصرووووون والله
من البارحه لي الحين انه مطنشتها
يات الصبح تصرخ
بس ماعطيتها ويه
يارب يفيد معاها هالشي وافتكك منها
ا
عندي حل واتمنى انه ما يزعلج \

زوجي اختج للشاب اللي تكلمينه

وبجذي ترتاحين منهم الاثنين

والله ما لقيت غير هالحل واتمنى تتقبلينه بصدر رحب
h
الله يعينك
س
السلام عليكم

مالج الا الحقران
والحقران يقطع المصرااااااااااان
واستغفري ربج وطمنينا عليج
شصار معاج وبالتوفيق


ام أريام

هههههههههههههههههههه ضحكتيني
هذا حل والا مشكلة ؟
يلا بالتوفيق
ن
انا بختلف معكم و اتمنى ما يصير زعل فاختلاف الآراء لا يفسد للود قضية
حياتي لين ضربتج و لين ذبحتج غلط ما قلنا شي بس مستحيل انها تكرهج
اسمعي مني الاخت ما مثلها شي
اكيد تتذكري له موقف زين يشفعلها عندج
وكل اللي يصير الحين ما يقدر يوريك حقيقتها
انشالله بكرة تتزوجين وتصير لك حياة وما رح تكونوا في بيت واجد
بس لين احجتي احد اكيد اول من تلقينه يمك هي
بعدين هذي الالشياء احيانا لها اسباب عضوية
مثلاً نقص الحديد يسبب العصبية و يصير الواحد ما يستحمل اي ضجة او توتر
ما اقول ان هذا السبب
بس انو اكيد في تفسير اي شي الا انها تكرهك
قدمي انت السبت و فوتي لها و اكيد بتلقي الاحد
آسفة طولت عليك
يعطيكم العافية
م
من ترك شيئاً لله عوضه خيراً منه ..
X