محتاجة اختي لحل

بسم الله الرحمن الرحيم طبعا من عنواني وضحت لكم ان المشكلة ماتخصني بل تخص اختي وصديقتي وكل شيء بالنسبة لي هي لها متزوجة 10 سنوات ادري عمر بس بذلت فيها كل شيء تقدر تبذله في سبيل انها تحافظ على هالزواج هي تحب زوجها وخلفت منه 4 اطفال وهو ماادري اذا كان يبادلها نفس الشعور بس حياتهم كلها مشاكل وهي موظفة واغلب مشاكلهم على الراتب المهم هو اللحين صار ياخذ كل راتبها المهم صار وحصلت على بعثة لاكمال الدراسة باستراليا وبعد موافقة زوجها طبعا ربي يسر لها وراحت والفضل كبير له بعد الله سبحانه يعني من ناحية اكمال الاوراق والاجراءات هو طبعا متقاعد من فترة يعني فاضي وهي اللي قايمة بكل شيء المهم بمجرد وصلت لاستراليا حتى بدات المشاكل وعلى اتفه شيء صار يسب ويشتم صحيح هم يتعرضون لضغط نفسي كبير بس لهم فترة على هالحال يعني كل شيء تيسر لهم السكن والمصرف ومدارس الاولاد وهو كمان اقنعته يدرس ويكسب لغة لين صار يقدر يعتمد على حاله اول وين مايروح تكون معه لان لغته شوي ضعيفة وهي ماشاء الله عليها يعتمد عليها انا والله مااقول ذا على شانها اختي بس هي مو تاركه عليه قاصر ابد شايلته من عالارض شيل بس الشكوة لله اللحين على اتفه شيء صار يمد يده عليها يتعمد يهينها قدام اولادها ويشجعهم على العدوانية تجاه بعض واذا تدخلت قام يسبها ويشتمها ويدعي حتى عليها وهي ماشكت غير يوم طفح فيها الكيل لدرجة انها صارت حتى تخاف منه وصار يذلها على اش شيء يسويه حتى من ناحية نومته معها دايم يقول احمدي ربك علي وبس ومن هالكلام اختي طموحة كثير والبعثة بالنسبة لها كانت فرصة بس هو الله يهديه حطم كل شيء فيها ومفكرة اللحين ترجع وتترك الدراسة حاولت اقنعها بس ماقدرت هي خايفة منه لدرجة انها تقول يمكن يسوي فيني شيء وانا ببلاد الغربة وعلى قد ماتحملته وصبرت ماراح يتغير ابد هي اللحين تعبانة كثير وانا مو عارفة وش اسوي لها رجاء اللي عنده خبرة بحل مثل هالمواضيع لايبخل علينا ولا تنسونا من دعواتكم ومشكورين على كل شيء ...............