الحلوة ديه من الحلي الايطالي المعروووف هنا.........و الياكل منها يدمنها من جمالها........
يالا نبتدي.......
المقادير..................
3 بيض مفصول البياض عن الصفار..........
كوبايه سكر
علبتين جبنه مسكربوني .(500 جرام)
بسكوت صوابع الست الخاص بالحلويات...
عصير اي نوع تحبي انا استخدمت عصير برتقال و كاكاو.....( اصلا فنجان قهوه من غير سكر...بس انا و زوجي مش بنحب القهوة)
الطريقة..............
علي بخار مائي نخلط السكر بصفار البيض و نقلب لغايه ما السكر يذوب مع صفار البيض
بعد كدة نضيف الجبنة المسكربوني و نقلب كويس
بعد كدة نضيف بياض البيض و( طبعا بعد منضره بالميكسر و يبقي مرينج صلب) علي الخليط و نقلب ببطي شديد جدا........
و بكده جهز خليط التيراميسو...
بعد كده نغمس صوابع الست في العصير او الكاكاو او القهوة......بس نغمس بسرعة و نطلعة بسرعه و نحطه في قالب الكيك او اي قالب عندك........
تحطي صف من صوابع الست و طبقه من الخليط طبقه من صوابع الست و طبقه من الخليط..........
بعد كده نرش كاكاو و نحط التيراميسو في التلاجه لمده 24 ساعه مش اقل
تتقدم بالهنا و الشفا........( ممكن كمان للشياكه في التقديم تعملي ده في كاسلت الايس كريم.....تحطي طبقه من صوابع الست و طبقه من الخليط و هكذا.....و برده تترك لمدة 24 ساعه في التلاجه......)
يا رب تعجبكم و ادعولي بالذرية الصالحة.........
