بنوتات مصر المشاركات فى موضوع فرحك خلاص قرب ا(الجزء112)

*

*عروس حبيبى*

عروس مشرقة

01-01-2009 | 01:00 PM

بسم الله الرحمن الرحيم
قال تعالى *

ومن اياته ان خلق لكم من انفسكم ازواجا لتسكنوا اليها وجعل بينكم موده ورحمة ان فى ذلك لايات لقوم يتفكرون.

صدق الله العظيم

ازيكم ياقمرات
مبرووووووك علينا الجزءالجديد
وادي القوانين ويرجى قراءتها بدقة

القوانين
2_ عدم الدخول في دردشات جانبية والخروج عن مضمون الموضوع.

3_ يغلق الموضوع تلقائيا عند وصول عددالردود الى 1000رد.

4_ لامانع من ذكر اسماء المحلات .

5_ يمنع وضع ارقام الهواتف او البريدالالكتروني على العام .

6_ لايجوز للبلد الواحد فتح اكثر منقاموس.

7_ الالتزام بقوانين ركن العروس وهيمثبتة بنفس الركن.

8_ العروض التجاريه خاصه بالتاجرات فقطوتكون في قسم التسوق فقط.

9_ اي رد يحتوي على مخالفه سيتم حذف الردكامل ( يعنى محدش يعمل اقتباس لمشاركةمخالفة).

10_ اي رد يحتوي على اقتباس لرد مخالفسيتم حذفه.

11_ اذا زادت عدد المخالفات ووصلت لحدغير معقول سيتم اغلاق الموضوع لمده 48 ساعه ليومين.

12_ يمنع وضع ردود منفصله تحتوي على احاديث مثل (شكرا.عفوا.يعطيج العافيه.الله يوفقج.وحشتوني.ادعولي. حلوين.ماقصرتي.تحفه...الخ ) لكن يسمح بها اذا كانت ضمن رد يحتوي على حديث خاص بالتجهيز.

13_ الحديث حول الفرق الغنائيه(dj) والزفات الغنائية والاغاني ممنوع وسيتم حذف الردكامل.

14_ يمنع وضع روابط لمواقع اخرى.

15_ يمنع اضافه رد يحتوي على صور رمزيه فقط.

16_ يمنع وضع رابط لموضوع في موقع عروس اكثر من مره في موضوع التجهيزات.

17_ يمنع كتابه اكثر من 3ردود منفصله على التوالي.

18_ يمنع وضع ردود منفصله تحتوي على تبريكات بالجزء الجديد.

19_ في حال وجود ملاحظة او استفسار نرجومراسلة مشرفات الركن عبر الرسائل الخاصة.

20_ ما يخالف القوانين المذكورة سيتم حذفه دون اخطار صاحبه.

21_ في حال تكرار المخالفات سيتم رفع أمر العضو للإدارة لإتخاذ الإجراءالمناسب.

22_ من الضروري تضليل الوجه والأجزاءالعارية والظاهرة في كل صورة.

23_ عدم فتح موضوع جديد الابعد اكتمال عدد ردود الجزء 998 فقط عندها يسمح بفتح موضع جديد والا سيحذف تماما الجزء الجديد

إستفسارات العناية بالبشرة و الجسم
يالا قمرات مصر على الجزء الرابع4 لاستفسارتكم ووصفاتكم

إستفسارات المكياج/ الجزء التاسع
فينكم يا بنات يا مصريات يا حلوات ... الجزء التاسع

إستفسارات العناية بالشعر (3)
تجمع بنات مصر فى ركن العناية بالشعر الجزء (3)

إستفسارات الديكور
استفسارات بنات مصر ........تفضلوا

إستفسارات الأزياء (1)
فينكم يا مصريات يا حلوات....... الجزء الاول

استفسارت القاعات للأفراح
ملف كامل باسعار ونظامالأفراح فى فنادق مصر

عقبالنا كلنا يارب

واهم راااااااااابط بقى يابنات..
احنا بنجهز للدنيا..خلينا نجهز للاخره كمان
غير انه بجد طريق للسعاده فالدنيا
والف شكر لصاحبة الموضوع الجميله
عاوزين نتقابل فالجنه بنات مصر مخطوبين ومتجوزين

كمان يابنات عاوزين تبقى نيتنا فى التجهيز اننا بنجهز لبناء اسرة مسلمه ينتفع بيها الأسلام وبنية حسن التبعل للزوج

لينكات اجزاء سابقه

الجزء 106

الجزء 107
وادي ليسته العرايس وعقبااالكم كلكم يااااااااااارب

عرايس شهر ديسمبر

29-12-2008
كتب كتابmeraa

عرايس شهر يناير

30-1-2009
فرح roaanader

عرايس شهر فبراير

2-2-2009
فرح rozyyy

عرايس شهر مارس

1-3-2009
كتب كتاب dyana

عرايس شهر يوليو
17-7-2009
فرح danasam

عرايس شهر سبتمبر

25-9-2009
فرح sally2007

الف مبروك للعرايس وعقبالنا كلنا وربنا يتمم بخيير

L

LdayDo

عروس رائعة

01-01-2009 | 01:52 PM

منال و ساره ظهرو يا مرحبا وحشتونى قوىىىى

ساره يعنى أتكل على الله وأجيب النوفال أصل فرق السعر رهيب وانت عارفه أحنا فى الأخر بنحسبها بالشلن ههههه

m

manafola

عروس مبدعة

01-01-2009 | 01:53 PM

وحشتوني بجد خالص يا بنات يا رب تكوني فاكرني
مش بشارك دلوقتي عشان مشغوله قوي في كذا حاجه من ساعه جواز و سفر اختي
استلام الشقه بقي للي لسه فاكر مشكلتي هانت فاضل اسبوع و نحط الباب و نشتغل الكهربا اول حاجه دعواتكم بقي
و بس و نبدا معاكم بقي دوامه التجهيزات المتعه بجد عايزة اسلم علي كل اخواتي في المنتدي و كل الناس اللي سالت عليا انا مش عارفه ميييييين لان فاتني كتير قوي بصراحه بس ربنا يكرمنا كلنا يا رب

عايزة اقول حاجه اللبس الشتوي اللي في عمر افندي في ش شريف المتفرع من طلعت حرب تحفهههههههههههه بجد محدش يصدق ان ده عمر افندي و الله المفروض يبقي عمر باشا ههههههههه

ح

حبيبه مادو

عروس فضية

01-01-2009 | 03:05 PM

مبروووووووووووووك علينا الجزء الجديد كنت ناويه اعمله بس يلا البركه فيك يا قمر

ومبرررررروك عليكم السنه الجديده 2009

انا فرحى ان شاء الله فى شهر 9

عشاااااااااان تبقوا تكتبوووونى فى الليسته اخيييييييييرا ههههههه هنبسط اوووووى لما اشوف نفسى فى المنيو بس لسه مش حددت اليوم بالظبط لما احدده هقولكم بقى ان شاء الله

بصوا يا عرايس انا كنت عاوزه اعرف افضل حد يعرف النقاشين بياخدوا على المتر كام واللى بيركبوا السيراميك بياخدوا كام على المتر ؟؟ اللى جهزوا شققهم

M

Meroo012

عروس مبدعة

01-01-2009 | 03:17 PM

عرايس شهر 9 ان شاء الله هوا مش شهر 9 هايبقى رمضان طب ازاى طيب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حد يقولى يابنات بليز هوا المفروض الواحدة تعمل سويت ف السيكو سيكو قبل الجواز كتدريب كدة ولا ساعت الفرح وتبقى اول مرة

اصلى انا مش متخيله انى ممكن اعمل دلوقتى خالص حد يفيدنى ف الموضوع ؟؟؟

كمان امتى التخفيضات على لبس البيت الشتوى وايه احلى اماكن بتبيع ترنجات حلوة وشكلها جديد

ا

اسكندرنيه

عروس فضية

01-01-2009 | 03:32 PM

meroo012;8280810:
عرايس شهر 9 ان شاء الله هوا مش شهر 9 هايبقى رمضان طب ازاى طيب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حد يقولى يابنات بليز هوا المفروض الواحدة تعمل سويت ف السيكو سيكو قبل الجواز كتدريب كدة ولا ساعت الفرح وتبقى اول مرة

اصلى انا مش متخيله انى ممكن اعمل دلوقتى خالص حد يفيدنى ف الموضوع ؟؟؟

كمان امتى التخفيضات على لبس البيت الشتوى وايه احلى اماكن بتبيع ترنجات حلوة وشكلها جديد

لا اتدربي طبعا من دلوقتي وانتي كدا كدا مش هتقدري تعملي كله اول مره فهتعدي تتمرني ومره عن مره تعملي جزء اكبر على ما يجي معاد فرحك ان شاء الله تكوني اتعودتي وغير كدا هيبقا الالم اخف بكتر

بنات البنوته سالت الجزء الي فات توكيل كن ووود في اسكندريه فين

*

*عروس حبيبى*

عروس مشرقة

01-01-2009 | 03:38 PM

اسكندرنيه;8280885:

بنات البنوته سالت الجزء الي فات توكيل كن ووود في اسكندريه فين

انا ياقمر اللى سألت على توكيل كينوود:D

ياريت تقوليلى لو تعرفى(f)

ح

حبيبه مادو

عروس فضية

01-01-2009 | 03:39 PM

meroo012;8280810:
عرايس شهر 9 ان شاء الله هوا مش شهر 9 هايبقى رمضان طب ازاى طيب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حد يقولى يابنات بليز هوا المفروض الواحدة تعمل سويت ف السيكو سيكو قبل الجواز كتدريب كدة ولا ساعت الفرح وتبقى اول مرة

اصلى انا مش متخيله انى ممكن اعمل دلوقتى خالص حد يفيدنى ف الموضوع ؟؟؟

كمان امتى التخفيضات على لبس البيت الشتوى وايه احلى اماكن بتبيع ترنجات حلوة وشكلها جديد

ازيييييك يا قمر حيث انى انا من ضمن عرااايس شهر 9/2009 ههههه ارد بالنيابه عنهم اكيد يا قمر هيبقى بعد رمضاااان حبكت خلااااص فى رمضااان اكيد لا بعد رمضان ان شاء الله هو رمضان فلكيا 22/8 يعنى احنا نبقى فى الامان من يوم 24/9 ان شاء الله وده اللى خطيبى بيقولى على اليوم ده فعلا بس لسه مش حددت بقول اخليها 28 عشان خطوبتى كانت 28 برضو وبرضو لسه القاعه مش عااااارفه خالص يعنى
المهم بالنسبه بقى للسويت انا المفرررروض طبعا اننا نتدرررب على عمايل دى اكيد عشاااان مش تبقى صدمه قبل الفررررح ههههه عشان اكيد هتوقفى كل السويت قبل الفرح بشهرين ولا حاجه

d

dyana

عروس مبدعة

01-01-2009 | 04:22 PM

ساره وحشتينا جدا وربنا يفرحك بشفاء جدو ويفرح جدو بزفافك يارب
وكل سنه وكل اخواتى العرائس فى المنتدى طيبين وبخير وهنا

احلى واضمن حلل ضغط حلل المصانع الحربيه عندنا حله ضغط من 30 سنه والله اكبر زى الفل شغاله تمام ومفيش حاجة فيها اتغيرت ولا الكوتشه ولا الصفاره ولا اى حاجة

d

dyana

عروس مبدعة

01-01-2009 | 04:29 PM

احسن مكان لبيع الساعات الاورجينال جراج الاوبرا فى ميدان العتبه
فيه محلات ساعات البا واورينت وروليكس ورادو وكل الساعات الماركه
واسعارهم حلوه كتيييييييييير وكمان بيبقى فى موديلات عليها تخفضيات لحد 50%
انا عيد الام اللى فات جبت ساعه اورينت لحماتى وساعه لمرات بابايا وكان عليهم تخفيض كبير كمان وفاصلت كمان معاهم والساعات شيك جدا وقيمين

ل

ليللى

عروس نشيطة

01-01-2009 | 04:32 PM

بنات ازيكم ؟ انا عارفه انى مقصرة كتير معاكم بس ادعولى ربنا يفرج كربى وينصر اخواتنا فى غزة ان شاء الله

كنت عاوزه أسالكم بقى عن حاجه مهمه انا هفصل فستان سواريه لكتب الكتاب وكنت بفكر كان فى فستان لبسته الفنانه حنان ترك فى مسلسل اميره من عابدين كان لونة اسمر وفيه فيونكة حمرا كدا فاكرينه ؟
ياريت اللى عندها صورته تبعتهولى وتقولولى رايكم فيه ايه واعمله لون ايه ؟

*

*عروس حبيبى*

عروس مشرقة

01-01-2009 | 04:42 PM

بنات اللى جرب تلاجه كريازى يقوللى اخبارها ايه

لأن صاحبتى عقدتنى من توشيبا قالتلى بتسخن وضيقه من جوه

فى انتظاركم

d

dyana

عروس مبدعة

01-01-2009 | 05:10 PM

ثلاجه كريازى كانت عند اخويا وبصراحه هى كويسه مش وحشه بس مكنت عجباه كان بيقولى ان الفريز لما بيفصلوا الثلاجه بيفضل ينزل ميه لحد المطبخ ما يتغرق كله عشان مفيهاش حوض تحت الفريزر فهمانى
بس هو دلوقتى جايب ثلاجه LG كبيييييييييييييره وامكانيتها محترمه جداً

d

dyana

عروس مبدعة

01-01-2009 | 05:18 PM

ليللى;8281299:
بنات ازيكم ؟ انا عارفه انى مقصرة كتير معاكم بس ادعولى ربنا يفرج كربى وينصر اخواتنا فى غزة ان شاء الله

كنت عاوزه أسالكم بقى عن حاجه مهمه انا هفصل فستان سواريه لكتب الكتاب وكنت بفكر كان فى فستان لبسته الفنانه حنان ترك فى مسلسل اميره من عابدين كان لونة اسمر وفيه فيونكة حمرا كدا فاكرينه ؟
ياريت اللى عندها صورته تبعتهولى وتقولولى رايكم فيه ايه واعمله لون ايه ؟

اى كان تفصيلته او شكله يا قمر فستان كتب الكتاب ميختلفش كتييير عن فستان الفرح من حيث اللون يعنى ممكن تعمليه ذهبى او اوف وايت او كريمى و فضى وربنا يتمم بالف خير:wink:(f)

*

*عروس حبيبى*

عروس مشرقة

01-01-2009 | 05:20 PM

dyana;8281619:
ثلاجه كريازى كانت عند اخويا وبصراحه هى كويسه مش وحشه بس مكنت عجباه كان بيقولى ان الفريز لما بيفصلوا الثلاجه بيفضل ينزل ميه لحد المطبخ ما يتغرق كله عشان مفيهاش حوض تحت الفريزر فهمانى
بس هو دلوقتى جايب ثلاجه LG كبيييييييييييييره وامكانيتها محترمه جداً

ازيك ياقمر

متشكرة على ردك واهتمامك

ممكن تقوليلى امكانيات التلاجه وسعرها وهى كام قدم؟

d

dyana

عروس مبدعة

01-01-2009 | 05:35 PM

الثلاجة LG اخويا جايبها 24 قدم وسعرها كان 6800 جنيه واخدها بعد الخصم 5400 جنيه
وامكانيتها حلوه الفريزر كبيييييييييييير جداً و فيها شاشه ديجيتال يمكنك انك تتحكمى فى درجه بروده الثلاجة وفيه نظام نو فروست كمان وحاجات والله كتير بس انا مش فاكراها بس جميله ومحترمة بجد

(

((K~A~T~O))

عروس رائعة

01-01-2009 | 05:47 PM

باقة مشاعر;8281379:
بنات اللى جرب تلاجه كريازى يقوللى اخبارها ايه

لأن صاحبتى عقدتنى من توشيبا قالتلى بتسخن وضيقه من جوه

فى انتظاركم

انا عندى توشيبا وبصراحة حلوة جدا وشغالة تمام وكمان كبيرة وكريازى كمام حلوة بس لو حبيت اختار بينهم هختار توشيبا

d

dyana

عروس مبدعة

01-01-2009 | 05:52 PM

انا يا بنات اشتغلت فى نقاشه الشقه وحعمل الشقه كلها لوووووون واحد منعاً لكثير من المشاكل ياترى ايه رأيكم فى اللون دا انا عملت منه الوش الاول بالفعل:eek:

t

thering

عروس مشاركة

01-01-2009 | 05:55 PM

باقة مشاعر;8281379:
بنات اللى جرب تلاجه كريازى يقوللى اخبارها ايه

لأن صاحبتى عقدتنى من توشيبا قالتلى بتسخن وضيقه من جوه

فى انتظاركم

حبيبتي انا سمعت ان كريازي مش حلوه انا عندي في بيت ماما جبنا تلاجه ايديال ايليت بس طلعت مش حلوه وبتسخن اوي انا ان شاء الله هاجيب ويت بوينت يا اما LG وطبعا اخواتنا هنا في المنتدي بيقولوا توشيبا وحشه برده فاياريت لو حد يعرف بقي نوع تلاجه كويس ياريت برده يعرفونا ونفيد بعض برده وربنا يتمم لينا علي خير

s

soshe bas

عروس نشيطة

01-01-2009 | 06:00 PM

ازيكم وحشتونى ومبروووك الجزء الجديد عايزين شوية همة نايمين ليه كده :)
المهم انا عندي مشكلة او شوية مشاكل : )
اولا خطيبى مسافر وهيرجع على ميعاد الجواز علطول ان شاء الله اللى هو المفروض يكون فى شهر 7 ان شاء الله
وبيقوللى العفش والحاجات دي هيجيبها لما ييجى :( وانا اصلا عايزة الشقة تخلص قبل ما هو ييجى علشان متهيألى الموضوع هياخد وقت طبعا وغير كده فيه حاجة كمان مش عايز يحجز لكتب الكتاب غير لما ييجى :( انا مش عارفة اتصرف معاه ازاي ؟؟؟
نيجى للسؤال بقى دلوقت انا جهزت حاجات المطبخ خلاص فاضلى الكوفرتات والملايات والكلام ده انا عايزة اجيب اشكال حلوة بس مش عايزة اماكن بعيدة عايزة مكان بيبيع بطاطين وكوفرتات وملايات يكون شيك كده واسعاره كويسة ويكون قريب من مصر الجديدة
اللى تعرف تدلنى جزاها الله خير
وتانى حاجة انا كنت سألت على الفواحة وواحده ربنا يكرمها قالتلى فى ميدان الالف مسكن انا روحت جري على هناك وجبتها
هى مكانتش اللى فى بالى بس اهى شغالة :) انا كنت عايزة اللى هى بتنور وبتطلع بخار دي عموما هى دي صورة الفواحة اللى انا جبتها بتحطيلها اي زيت عطري وتحطيها فى الكهربا وبس :)