مرحبا عروسات و بنوتات ...
شلونكم ؟ شخباركم ؟ مشتاقتلكم وااااااااااااااااااااايد والله .. من زمان عنكم (f)
طبعا آنا الفترة اللي طافت كنت لاهيه حدي بالتجهيز و تأثيث الشقة و حووووسه الزواج أنتوا عارفينها طبعا :D
و كان زواجي يوم الخميس 25/12/2008 .. بس للأسف ما سوينا حفلة عرس كبيرة لأن صارت عندنا حالة وفاة بالعايله فلغينا الحفلة :( .. بس سوينا عزيمة عشا محفوفه في بيت أبوي عشان ألبس فستان العمرررر :wink: .. و لبست نفنوف أبيض ناعم و طرحة عن خاطري و صورت مع زوجي و أهلي المقربين عشان يكون عندي صور بالفستان الأبيض للذكرى .. و بعد العشا كنا حاجزين في فندق ليلتين وبسسسسس :wink:
و حبيت أنزل لكم صور فستاني الأبيض و إن شا الله يعجبكم :)
الفستان كان أبيض طويل مع ذيل خفيف .. و موديله أكثر من ورا صاير فيه حركة غريبة من الدانتيل .. و من جدام ناااعم وااايد بس فيه ربطة عريضة تنربط تحت الصدر لونها أخضر ومرصعه بشوارفسكي سلفر بأشكال و أحجام مختلفة .. و في منتصف الربطة بروش مصنوع من كريستاله كبيرة
و الطرحة كانت قصيرة و بسيطة جداااا من طبقتين و أطرافها فيها نفس دانتيل الفستان .. الطبقة القصيرة كانوا مسوين لي فيها حركة مع التسريحة ، لامينها لي تحت التسريحة .. و الطبقة الأطول كانت مفروده على جتوفي و ظهري :)
إن شا الله عجبكم فستاني و في انتظار ردودكم الحلوة (f)
زوزا الروزا
