شحالكم بنات؟
شخباركم؟
اليوم انا يبت لكم شي
نااااااااااايس ناااااااااااااايس
بس غريبه صار له فتره عندي وكل يوم اقول بحط عنه موضوع بس عقب اتردد واقول اكيد يعرفونه
بس ماشفت حد تكلم عنه
حرام المنتجات الباقيه هضمت حقه:angry:
هو تقدرون تستخدمونه كـ بلاشر و كـ قلوس
ولونه رهيييييب طبيعي وحلو
والاهم من هاي كله مايروووووووووووووح
مايروح
مايروح
:sm240:
وطبعا على حسب الكميه كل ماحطيتي زياده غمج اللون
بس انا احب احط خفيف فـ يبين طبيعي
مره كنت حاطته الصبح ولين الظهر ماراح
غسلته
وشلته بمزيل المكياج بس بعد بقى شوية حمار طبيعي
وتمت شفايفي حمرا تينن
:21_195:
ورفيجتي نفس الشي حطته الصبح اخوها شافها الظهر قالها شبلاها خدودج محمره؟
قالت له مافيني شي من الحر خخخخخخخخخ
ورجع بالليل يقولها شفيها خدودج ؟ للحين حر؟:think:
خخخخخخخخ
سويت لكم دعايه صح؟
اسمه
modelco
cheeky tints
" cheek and lip tint "
وهاي صورته
في منه 3 الوان
البرونز
والتوتي
والاحمر المارون
طبعا انا اخترت الاحمر المارون عشان لما احطه خفيف يبين طبيعي:shy:
تحصلونه بـ فيسس
اذا ماخاب ظني سعر مابين الـ 80 \ 120
وايد حلو
جربوه وعطوني رايكم:8875:
