المقادير :
نص كيلو لحمه مقطعه شرايح زي الشاورما كده
نص كيلو بسله مسلوقه مع بصله
2 كوب ارز اي نوع انتي عايزاه
بصله مفرومه
سمن وملح وفلفل ومكعب ماجي
نبدأ العمل
اول حاجه نحط ملعقه سمن في الحله
وبعد كده نحط عليها البصل ونقلب شويه لغايه البصل ما تبقي شفافه
وبعدين حنحط عليها اللحمه الشرايح
ونقلب ونسيبها لغايه ما تنزل الميه بتاعتها وتشربها
وبعدين نكمل سوي اللحمه بشويه ميه لحد ما تستوي ونسيبها تتحمر شويه زي كده
وفي الوقت بتاع اللحمه تكوني بتسلقي البسله
حنحط البسله علي اللحمه
وبعد كده حنحط الملح والفلفل والماجي والميه بتاعت الرز
ونسويهم مع بعض لحد الرز ما يستوي
وكده خلالالالالاص
حنغرف الاكله معلش الغرف مش مرتب اوي لاني كنت جعااااااانه
جربوه وان شاء الله يعجبكم
اكله متكامله العناصر الغذائيه
النشويات والبروتين والفيتامينات
مش محتاجه حاجه معاها