.gif)
شخباركم امهات سيدات الامارات، حبيت أعرض عليكم غرفة ألعاب عيالي الحلويـــن
أقصد أولادي
بس أرجوكـم: أذكرو الله، وقولو ما شاء الله، ذكر الله واجب فديتكم :)
وهذا مجهودي بروحي انا وريلي فديته، انا بحثت بالنت عن بعض الاشياء وخاصة المواقع الاجنبية
واخترت هالديكورات لغرفة اطفال وخاصة أولاد، واهو نفذها لي وطبعا كل يوم نضيف شئ جديد، يعني الغرفة ما ترتبت بسرعة خذت لها وقت لين انضبطت
وكل صور بشرحها لكم

شكل قوس القزح وايد عجبني بها الطوفة وايد حلو،والبيت الي ظاهر بالصورة شاريته من البيبي شوب اكيد اتعرفونه، هذا يحبه ولدي الصغير وااايد كله يدش ولعب بالكور
__________________________________________________________
هذي بعد جزء صغير انا قسمته بالنص بلوح خشبي ، فصلته عند النجار ولونته ، بس مب مبين بالصورة الحين
الارضية مثل ما تشوفون، خليتها النايلون اللي يحمي الاطفال من السقوط، وفعلا المكان هذا وايد مريح لهم، ومب بارد بعد، وكل شئ يركضون يطلعولي الارقام والاحرف هههه

هذا الباب :
للي موجود مع الفاصل الخشبي اللي حطيته بالغرفة، يعني قسمت نص الغرفة بها الفاصل وخليته 3 غرف,ما اعرف فهمتوني والا لا!!
رحت ايكيا وتويز ار اس، دورتا بواب تنفعني >>> ما حصلت كلها مب حلوة وخفيفة وممكن ينكسر، فصممت لي واحد على مزاجي وبالالوان افضل من كل اللي شفته

الباسكت بول: هذي اللعبة يموت فيها ولدي
شريت له نفسها بس ارضية، واشتريت الحديد وعلقتها له، وكل شوي يبي الكرة علشان يفرها داخل،بس حلوة اللعبة اضافت موهبة يديدة لولدي الكبير

بهذي الصورة مبين الحاجز اللي تكلمت عنه قبل، والاغراض مثل ما اهي واضحة
نوعت بالمشتريات، منها من اي مكتبة عامة، منها من بيبي شوب، تويز ار اس، ايكيا ..اللي يعجبني آخذه

مكتبتين صغار، حطيت فيهم الكتب التعليمية

هذا الرف نفعني وايد واكيد من ايكيا، شليت الاقلام والصلصال، وحطيته فوق علشان ما يلمسونه الا انا اييبه لهم ونلعب كلنا فيه، وفيه سيارات ولدي الي يموت عليها،

هذي قسم من الغرفة قبل الترتيب وطريقة الصبغ واضحة والستاير من ايكيا

الكراسي والطاولات من ايكيا والزولية بعد

هذا صندوق من الصناديق اللي مالية الغرفة كلها
فيه من الصناديق فيها العاب تعليمية
وفيه العاب عادية مثل الدباديب
المهم مليانات ما شاء الله

وفيه تلفزيون والسيديهات كل شوي اغير لهم
يا تعليمي
يا ترفيهي
او اغاني اطفال

والحمد لله من سويت الغرفة، وانا مرتاحة منهم
الغرفة لها باب خارجي نفس الباب اللي شفتوه باول الصور بس اكبر، واقفله بالمفتاح والحمد لله الغرفة اماااااااااااااان

هذا اللي قدرت اصوره الحين، لأني تعبت
وانا اصور وانزل واحمل علشان يطلع الموضوع ان شاء الله يعجبكم
وسلامتكم
الموضوع من مجهودي وتصويري الخاص وتعبي،
فما اسمح لأي حد ينقله لمنتدى ثاني
انتظر آرائكم يالغاليات
والله يسخر لي زوجي وعيالي ويجفظنا يا رب
الموضوع من مجهودي وتصويري الخاص وتعبي،
فما اسمح لأي حد ينقله لمنتدى ثاني
انتظر آرائكم يالغاليات
والله يسخر لي زوجي وعيالي ويجفظنا يا رب