تجمع بنات مصر فى ركن العناية بالشعر الجزء (4)

S

Stacy

مشرفة سابقة

30-12-2008 | 01:15 AM

ازيكم يا بنات
عاملين اية

اولا دى الجزء الرابع من التجمع المصرى بتاعنا و يارب كل بنت مصرية تلاقى علاج او حل لمشاكل شعرها و ياريت يا بنات تقروا القوانين كويس الى كتباها منعا للمخالفات

ثانيا دى روابط الاجزاء الى فاتت

http://www.3roos.com/forums/t338267.html

http://www.3roos.com/forums/t356904.html

http://www.3roos.com/forums/t389865.html

ثالثا فكرة موضوع ( للبنات الجديدة معانا)

انا قررت نعمل هنا جزء كمان فى ركن العناية بالشعرللبنات المصريات فقط

( مش عايزين اخواتنا الى فى بلاد عربية تزعل )

و دا لسببين

اولا عشان فى منتجات فعلا موجودة فى بلاد عربية مش متوفرة
ثانيا عشان يبقى فى مكان واحد لو حد عايز يسئل على سعر او مكان حاجة

الموضوع دى هنتكلم فى عن طريقة عناية كل واحدة بشعرها و خصوصا ان معظمنا فى سن جواز يعنى لازم باختصار يكون شعرنا حلو اوى طويل و كثيف و ناعم

يلى بقى كل واحدة تدخل تقولنا ازاى بتهتم بشعرها من ناحية المنتجات و الاسعار و الاماكن و الخلطات
و كمان هيضمن الكوافيرات الكويسة فى القص و الصبغة و كدة

الموضوع دا هيبقى زى مرجع لاى واحدة مصرية عندها استفسار بالنسبة لشعرها

يلى كل واحدة تقولنا بتعمل اية لشعرها بنفس الترتيب الى هعملة دا

بس اولا تقولنا هى نوع شعرها اية و طولة الحالى و اية هدفها عموما يعنى
انة يتقل ولا يبقى ناعم اكتر ولا اية الظبط

1- الشامبو و البلسم ( اسمهم اية و بكام)

2- اية الفيتامين الى بتستخدمى لشعرك

3- و اية منتجات التصفيف العادية الى بتستخدميها زى السبراى و الموس و كدة

4- اية الماسك الى بتستخدمى

5- اية التونيك الى بتستخدمى

6- اية الخلطات الى بتستخدميها

7- اية الكوافير بتاعك و هل هو كويس فعلا و لا عايزة تغيرى ( عنوانة طبعا)

8- اية ماركة السشوار و الفير الى عندك و منين و بكام

رابعا: قوانين المشاركة فى الموضوع

شروط المشاركة فى الموضوع دى عشان يبقى مفيد لكل البنات و الكل هيلتزم بيها

1- الموضوع دى عن الشعر ( شعر الراس فقط ) و دى حاجة بديهية بس فى بنات للاسف مش قدرة تفهم دا
فا ارجوا عدم الخروج عن الموضوع الاساسى

2- مش عايزة القى واحدة عاملة مشاركة ازيك عاملة اية مرسى يا جميل وبس يعنى المشاركة تكتبى فيها سؤال عايزة تسئلى او اجابة على سؤال بنت تانية او معلومة عشان مش نتكر مشاركات على الفاضى و الى بيقرا الموضوع يبقى مش طايق نفسة

3- مش عايزيين مشاركات مكررة بمعنى سئلتى سؤال خلاص الى هيعرف هيجاوب و لو مش حد رد يبقى لانة مش عارف فا مش تعيدى السؤال تانى ياريت

*

*Alias*

عروس ماسية

30-12-2008 | 03:00 AM

أولا مبروك على الجزء الجديد
وبالنسبة للشامبو بستخدم دوف للشعر الدهني ومبستخدمش بلسم لإني بحس انه بيوقع شعري
وكمان بستخدم لوسيون هيلثي هير بس مش مداومه عليه قوي
وبالنسبة لمنتجات التصفيف بحب كريم باراشوت وصن سيلك الموف
وكمان بستخدم حمام كريم لوريس حلو جدا
وياريت أي واحده تعرف أنواع كريمات للشعر حلوة وبتنعمه وتكثفه تقولنا علشان نستفيد

S

Stacy

مشرفة سابقة

30-12-2008 | 03:25 AM

sandybell2;8252004:
أولا مبروك على الجزء الجديد
وبالنسبة للشامبو بستخدم دوف للشعر الدهني ومبستخدمش بلسم لإني بحس انه بيوقع شعري
وكمان بستخدم لوسيون هيلثي هير بس مش مداومه عليه قوي
وبالنسبة لمنتجات التصفيف بحب كريم باراشوت وصن سيلك الموف
وكمان بستخدم حمام كريم لوريس حلو جدا
وياريت أي واحده تعرف أنواع كريمات للشعر حلوة وبتنعمه وتكثفه تقولنا علشان نستفيد

حبيبتى البلسم مش بيوقع الشعر ولا حاجة طريقة استخدامة الغلط هى الى بتوقع الشعر يعنى المفرود بيتحط من نصف الشعر لحد الاطراف مش الفروة خالص
بالنسبة للكريمات انا جربت قبل جدة فعلا سن سيلك الموف و كان حلو اوى بس انا كنت باستخدام حاجة احلى بكتر زيت الحرير من biosilk بحط كمية نونو خالص و شعرى جاف او مبلول و هو بجد وهمى

م

ميااااااده

عروس ماسية

30-12-2008 | 03:28 AM

مبروك الجزء الجديد ويارب نفيد بعض كلنا انا عايزه
اعرف كريم براشوت اليه بجوز الهند موجود هنا في
مصر في اى مكان وبكام سعره وهل هو حلو للشعر
يعنى بينعمه

على فكره البلسم او حمام الكريم لو اتحط على فروه الشعر
بيسبب تساقط يعنى لما تيجى تستعملى بلسم او حمام
كريم حطى على شعرك كله ماعدا الفروه ودى الطريقه اليه
بستعملها والحمد لله شعرى مش بيتساقط

S

Stacy

مشرفة سابقة

30-12-2008 | 03:40 AM

ميااده2006;8252258:
مبروك الجزء الجديد ويارب نفيد بعض كلنا انا عايزه
اعرف كريم براشوت اليه بجوز الهند موجود هنا في
مصر في اى مكان وبكام سعره وهل هو حلو للشعر
يعنى بينعمه

حبيبتى كريم براشوت هتلاقى فى العزبى هو و الزيت بس مش فاكرة سعرة

s

sokarbanat

عروس مشاركة

30-12-2008 | 04:13 AM

مبروك الجزء الجديد ويارب ان شاء الله يكون فيه حاجات تفيدنا :)

انا بالنسبه لي بحب حمام كريم بوناويل جدااااا وريحته تحفه
وبالنسبه للزيت بحب زيت املا بس للاسف بيغمق الشعر :(

ادعولي يا بنات شعري يتظبط لحسن انا شعري بايظ اوي

:15::15::15::15:

m

maro18

عروس متألقة

30-12-2008 | 04:37 AM

انا كنت سالت عن زيت الحرير ده وهو عند سمير وليم اعتقد بس معرفتش بكام

I

Isis

عروس مبدعة

30-12-2008 | 06:33 AM

مبروك يا ستاسي على الجزء الجديد ... مبروك يا بنوتات و عقبال لجزء ال 100 و احنا كلنا بصحه و سلامه :15:
كمان كل سنه وانتوا طيبين عشان العام الهجري الجديد:15::15:(f)(f)

من فضلك يا ستاسي ايه زيت الحرير ده و هو احسن من الكريمات.. و يا ترى ينفع للشعر الجاف الهايش المقصف الي فيه كل العبر ولا للشعر العادي والناعم ؟؟؟ معلش بتقل عليكي:)

ساندي بيل يا قمر ... انا مش عارفه انتي تعرفي المعلومه دي ولا لأ .. بس هقولها وخلاص
لو عاوزه تصبغي شعرك .. لازم تستني لما تأثير و لون الحنه يروحوا خالص من شعرك , وده لسببين:

1- انك هترهقي شعرك و هتبوظيه خالص , لأن الحنه بتغلف الشعر بطبقه بتحافظ عليه فلما تيجي تحطي الصبغه , الصبغه تحاول تخترق والحنه تقاوم ... واحداث المعركه بتدور في شعرك وهو المتضرر .. طبعا بيتقطع ويضعف.

2- الطبقه العازله دي بتمنع لون الصبغه , فمش هتديكي لون مظبوط , وهتبقي ارهقتي شعرك عالفاضي.

المعلومه الاولى , من متخصصه في الاعشاب وصيدلانيه
المعلومه التانيه , من اي كوافيره وكل الناس عارفاها ....( بحب اوثق كلامي)

وبيقولوا ان لازم تستنى 6 شهور بعد اخر مره عملتي حنه ... بس انا منصحكيش لأن دي فتره مرنه لان في ناس الحنه بتقعد في شعرهم سنه , على حسب لون وطبيعه شعر كل واحده

ساره افندي ... احنا تعبينك معانا جدا , كله في ميزان حسناتك ان شاء الله(a)(a)
انا حاسه ان صوره اللون الي ورتيهالنا .. اشقر مادي فاتح مش اشقر فاتح ... يعني اللون الاصلي هو الاشقر الرمادي والمساعد هو الاشقر ... مش العكس :o:o
لأن الاشقر الفاتح بيبقى افتح من كده كتير .... :o:o

(معلش اعزري غبائي) طيب لو ده اشقر فاتح .... يبقى انا لو عاوزه اعمل اشقر رماضي فاتح اعمله ازاي؟؟؟؟:rolleyes:

كمان انتي لون شعرك اصلا كان ايه؟؟

و لو عملت تركيبات اللوان بصبغه تانيه غير كوليستون تنفع ؟؟؟
اصلها وقعت لماما شعرها جامد ونشفته اوي قبل كده رغم انها استخدمت لون بني شوكلاته يعني المفروض نسبه الامونيا فيه ضعيفه .. ومع العلم ان شعرها ناعم !!!
انا عاوزه اعملها لون روش كده بس طبعا مش بلوند اوي يعني و في نفس الوقت مضرهاش ... لان الحنه مبقتش جايبه نتيجه معاها واتعقدت من الصبغه .. بتبوظ شعرها و مبيطلعش اللون مظبوط :ss::ss:
معلش يا ساره ... ربنا يكرمك ويبارك لك يارب :15:(a)

اسفه اني طولت عليكوا :o:o ... (f)(f)(f)(f)(f)(f)(f)

ع

عضوة

30-12-2008 | 03:02 PM

فى شامبو ادفنس بتاع الشعر المصبوغ من افون سعره فى عرض يناير الحجم العائلى ب 55 جنيه هو كده سعره بعد الخصم؟؟ولا هو مش نازل عليه خصم فى الكتالوج كده
وكويس فعلا للشعر المصبوغ هو والماسك بتاعه ولا لأ اصلى قررت اجهز للصبغة:D
وفى داعى للبلسم بتاع نفس المجموعة ولا مش بتستخدميه؟؟

لا كده مش عليه خصم يانونا الصغير بتعاه والبلسم عليهم خصم بقوا ب15ج
حمام الكريم قبل الخصم ب35ج
انا بستخدم الشامبوه وحمام الكريم بس الاتنين كفايه اووووي وبستخدم بلسم بره المجموعه علشان اغير لشعري وميبقاش ليس اووووي
من ناحيت الجوده للشعر المضبوغ حلو جدااا وبيطري الشعر ومش بينشفه
وبيحافظ علي اللون كمان مده طويله

ع

عضوة

30-12-2008 | 03:20 PM

Isis;8253185:

ساره افندي ... احنا تعبينك معانا جدا , كله في ميزان حسناتك ان شاء الله(a)(a)
انا حاسه ان صوره اللون الي ورتيهالنا .. اشقر مادي فاتح مش اشقر فاتح ... يعني اللون الاصلي هو الاشقر الرمادي والمساعد هو الاشقر ... مش العكس :o:o
لأن الاشقر الفاتح بيبقى افتح من كده كتير .... :o:o
لا ياحبيبيتي زي ماقلتلك اللون المساعد ده الغرض منه او لزمته ابراز اللون اللي انتي حاطه ومساعده علي الظهور
متاكده لاني تاني مره ياجميل اعملها وزي ماقلت بعمل الخصل الاول وبعدها الصبغه وبعدها الخصل تاني واللون بيطلع زي الصور

(معلش اعزري غبائي) طيب لو ده اشقر فاتح .... يبقى انا لو عاوزه اعمل اشقر رماضي فاتح اعمله ازاي؟؟؟؟:rolleyes:
لو لون شعرك اساسا اسود ومفهوش اي صبغه يبقا كده بدمري شعري لان تفتيح اللون الاسود لااقصي درجه اللي هيا انتي عايزه بيقطع الشعر وبتقع بطولها هتعملي زي اللي بعملها بس هتزويدي نسبه البروكسيد ولازم تعملي الخصل الاول علشان شعرك يلقط اللون بسرعه ويفتح
ده زي ماقرت وزري ماانا بعمل ولازم تجربي لان كل شعر بيختلف عن التاني وانا جربت اللي هيا قلته وجازفت بس اخترت الالوان اللي هحستها هتطلع ونصيحه لو شعرك كله اسود بلاش اللون الفتاتح ده هيدمر شعرك
دايما في قاعده حتا تلاقي الكوافيرات كلها بتعملها عمره مافي واحده شعره اسود تدخل تطلع من عنده اشقر فاااااااااااااااااااتح
هتطلع دهبي بني غامق كده
لان الشعر الاول لما بيكون غامق لازم يفتح واحده واحده علشان اجهاد الشعر
انا شعري مصبوغ قبلها ووواخد اللون يادوب هعمل كام حاجه بسيطه وهيلقط اللون
فعلشان كده التفتيح معيا مش يبوظه واي حد هيعمل الوصفه ديه لاول مره هتديه لون بني غامق اللي هوا الارضيه الخصل ميه في الميه بتطلع اشقر او رمادي من بودره التفتيح
وعلي فكره الصوره فيها اشقر رمادي زي مابتقولي بس ده مش الارضيه ده الخصل
كمان انتي لون شعرك اصلا كان ايه؟؟

و لو عملت تركيبات اللوان بصبغه تانيه غير كوليستون تنفع ؟؟؟
اصلها وقعت لماما شعرها جامد ونشفته اوي قبل كده رغم انها استخدمت لون بني شوكلاته يعني المفروض نسبه الامونيا فيه ضعيفه .. ومع العلم ان شعرها ناعم !!!
انا عاوزه اعملها لون روش كده بس طبعا مش بلوند اوي يعني و في نفس الوقت مضرهاش ... لان الحنه مبقتش جايبه نتيجه معاها واتعقدت من الصبغه .. بتبوظ شعرها و مبيطلعش اللون مظبوط :ss::ss:
معلش يا ساره ... ربنا يكرمك ويبارك لك يارب :15:(a) الصبغه ديه معروفه انها قويه وبيستخدمها كل الكوافيرات لانها بتدي اللون بلظبط غير كل الانواع وكمان بتعد فتره كبيره في الشعر وكمان فيها تدرجات الوان كتيرررررررر غير باقي الانواع
ده بس علشان تعرفي ليه صحبتالموضوع اختارتها
في انواع كتير حنيينه علي الشعر بس مش بتدي اللون بلظبط ومش بطول في الشعر بتروح بسرعه ممكن بعدها بشهرين
بس مش بتنشف الشعر زي جرانيه
انا انا معرفش خلط الالوان في نوع تاني لاني زي ماقلتلك عملت تطبيق لكلم البنت بلحرف حتا الالوان ديه مكنتش موجوده وكنت هعمل بصبغه بلينت بس لاقيت الوانها محدوده اوووووووي فابعت جبت الالوان الناقصه من كرستولون2000
انا قريت كده في الاول انها بتنشف اووووي وبنات كتير كانت بتشتكي منها وماما الله يرحمها كانت بردوه اول ماتعملها شعرها يبقا ناشف بس تاني يوم عادي جداااااااااااااا ولا ناشف ولا حاجه
انا حصل معيا العكس من اول استخدم شعري زي ماهوا ولا نشف ولا حاجه ممكن من الشامبوهات وحمام الكريم اللي بيتعمل بعدها نوعهم لسه قايلهم لنونا
يعني لو هتعملي صبغه لازم عنايه شويه وكمان حطي في بالك وخاليكي واثقه انها مش هتطلع فاتحه اول مره

اسفه اني طولت عليكوا :o:o ... (f)(f)(f)(f)(f)(f)(f)

*

* كلاسيك *

مشرفة سابقة

30-12-2008 | 03:57 PM

مبروك يا بنات على الجزء الجديد وكل سنة وانتوا طيبين

انا كنت عايزة اسأل برضه على زيت الحرير ده ؟

والأملج يابنات حد جرب اى وصفه فيها املج ؟؟؟

د

دلوعة حمادة

عروس مبدعة

30-12-2008 | 03:58 PM

ستيسى مبروك الجزء الجديد يا قمر
بنات انا كنت عايزة اعرف حاجة عشان الشعر اللى بيهيش بعد السشوار

*

* كلاسيك *

مشرفة سابقة

30-12-2008 | 03:58 PM

اقتباس المشاركة الأصلية بواسطة sokarbanat ايوه ايوه انااا اللي سألت السؤال ده :D

ربنا يخليكي يا حبيبتي على ردك معلش تعبتك معايا مممممممممواه

خلاص انا هعمل زي ما قولتي وهاخد حته من النخاع مع زيت املا واجرب واقولكوا النتيجه
بس ادعوا يعمل معايا نتيجه لحسن انا شعري بايظ خااالص :(

ان شاء الله يا حبيبتي

اهم اهم حاجة الأستمرار والصبر

لان الحاجات دى بتحتاج فترة طويلة علشان نتيجتها تبان

وتشغلىمعاها بقى حاجات تانية

يعنى حمامات كريم

كريمات تصفيف وشامبوهات كويسة متنشفش كده يعنى

وابقى قوليلنا النتيجة اول باول اوكى ربنا معايا يارب وشعرك يبقى جميل :)

*

* كلاسيك *

مشرفة سابقة

30-12-2008 | 04:10 PM

مريم المسلمة;8257208:
ستيسى مبروك الجزء الجديد يا قمر
بنات انا كنت عايزة اعرف حاجة عشان الشعر اللى بيهيش بعد السشوار

جربتي السيروم .. تحطيه قبل السيشوار يعنى ؟؟؟

e

egyptiangirl

عروس مبدعة

30-12-2008 | 05:06 PM

مبروك يا بنات الجزء الجديد وكل سنه وأنتم طيبين كان فى بنوتة بتسال علىكريم باراشوت بجوز الهند ، أنا شفته عند بتوع الميك اب والشامبوهات اللى فى الموسكى

m

maro18

عروس متألقة

30-12-2008 | 05:56 PM

cico;8257195:
مبروك يا بنات على الجزء الجديد وكل سنة وانتوا طيبين

انا كنت عايزة اسأل برضه على زيت الحرير ده ؟

والأملج يابنات حد جرب اى وصفه فيها املج ؟؟؟

بصى انا من فترة طويلة سالت عن زيت الحرير عشان فى ناس اعرفهم كانوا بيشكروا فيه اوى
وعرفت انه عند سمير وليم
بس اللى اعرفه انه كويس اوى للشعر وبينعمه بس دى معلوماتى
الاملج بقى انا لسه جيباه وطحنته خلاص بس فاضل الاستخدام ساندى كانت حاطة طريقة لتساقط الشعر بالاملج وجوز الهند
وجربت بقى اخد منه معلقه اكل طعمه بشع جدا:(

*

* كلاسيك *

مشرفة سابقة

30-12-2008 | 06:37 PM

maro18;8258448:
بصى انا من فترة طويلة سالت عن زيت الحرير عشان فى ناس اعرفهم كانوا بيشكروا فيه اوى
وعرفت انه عند سمير وليم
بس اللى اعرفه انه كويس اوى للشعر وبينعمه بس دى معلوماتى
الاملج بقى انا لسه جيباه وطحنته خلاص بس فاضل الاستخدام ساندى كانت حاطة طريقة لتساقط الشعر بالاملج وجوز الهند
وجربت بقى اخد منه معلقه اكل طعمه بشع جدا:(

طيب وتاكليه ليه يا حبيبتي بس :D

بصى كان فى وصفه هنا ف المنتدى من وصفات فرد

الشعر بالمواد الطبيعيه اكيد مش فرد فرد يعنى بس تقريباًَ تقصد تنعيم

وهى املج + زيت سمسم وكان بجرامات محددة بس مش فكراها

وتدهنى بيها شعرك زى الحنه دى الوصفه اللى انا ناوية اجربها ان شاء الله

ايه رأيك نحدد يوم وانا وانتى نعمل ونشوف :) ؟

وسؤال هو زيت الحرير ده عادى يعنى ممكن نجيبه من عند العطار ولا ايه لانى مش من القاهره ؟

I

Isis

عروس مبدعة

30-12-2008 | 07:43 PM

ساره افندي يا جميله , ربنا يخليكي , وميرسي على ردك عليا , معلش تعبتك
انا لون شعري مش اسود ... بني غامق في فاتح .... لان لون شعري الاصلي كان ذهبي فاتح وبعدين اتحول لبني دهبي وبعدين بني فاتح وبعدين غامق , داخل عالاسود بس مش اسود ... انا مع الاسف مش هقدر اعملها دلوقتي لان ظروف شعري الحاليه متسمحش ... بس ان شاء الله لما اقدر الون شعري هعمل الي قلتيلي عليه بالظبط

انا كنت عاوزه اعملها لماما , و تقريبا هجرب جارنيه حتى لو مش هتظبط اوي .. انا عاوزاها تدعيلي مش تدعي عليا .. وهي شعرها في تدرجات الوان , بواقي حنه فالنص على شويه صبغه عند الجذور ... هجرب و زي ما تيجي تيجي

ميرسي يا قمر وربنا يرحم والدتك ويسكنها فسيح جناته

حد يقولي زيت الحرير ده ايه فايدته يا جماعه و بكام واجيبه منين والاسئله المتوقعه دي ؟؟؟

ع

عضوة

30-12-2008 | 08:08 PM

Isis;8259589:
ساره افندي يا جميله , ربنا يخليكي , وميرسي على ردك عليا , معلش تعبتك
انا لون شعري مش اسود ... بني غامق في فاتح .... لان لون شعري الاصلي كان ذهبي فاتح وبعدين اتحول لبني دهبي وبعدين بني فاتح وبعدين غامق , داخل عالاسود بس مش اسود ... انا مع الاسف مش هقدر اعملها دلوقتي لان ظروف شعري الحاليه متسمحش ... بس ان شاء الله لما اقدر الون شعري هعمل الي قلتيلي عليه بالظبط

انا كنت عاوزه اعملها لماما , و تقريبا هجرب جارنيه حتى لو مش هتظبط اوي .. انا عاوزاها تدعيلي مش تدعي عليا .. وهي شعرها في تدرجات الوان , بواقي حنه فالنص على شويه صبغه عند الجذور ... هجرب و زي ما تيجي تيجي

ميرسي يا قمر وربنا يرحم والدتك ويسكنها فسيح جناته

حد يقولي زيت الحرير ده ايه فايدته يا جماعه و بكام واجيبه منين والاسئله المتوقعه دي ؟؟؟

جرانيه هتعجبك اووووووي لنعومتها علي الشعر وكمان معها كيس بلسم حلو خالص
بس مشكلتها الالوان
بس الحنه جرانيه مش هتلاقط معها وممكن تديكي اورنك
انتي حاولي تعملي الجوزر لحد الحنه بس وكده يبقا لون واحد بدل ماتحطي عليها وتقلب لون تاني

o

om asmaa

عروس ماسية

30-12-2008 | 09:18 PM

مبروك الجزء الجديد وعقبال المليون
قولولى بقى ايه رايكم فى حمام كربم لوريال الاوانج