ياااارب تكونو جمييييع بألف خير اليوم عملت ملوخية وصورتها لعيونكم وان شالله تعجبكم
عن جد كتييير لذيذة وسهلة ..... خلونا نبدأ
بعد غسل الملوخية شي 6 7 8 مرات ههههه لانها تحتاج غسل حتى تتأكدي من خلوها تماما من التراب نصفيها من الماء وننشرها اما على سفرة او على فوطة ممكن يومين حتى تنشف وتذبل الورقة تماما وهنا بعد مانشفت وذبلت
- اهم خطوة بهالاكلة اننا قبل كل شي نقللي الملوخية بقليل من الزيت على دفعات حسب الكمية اللي عنك نقليها حتى تذبل تمام مثل الصورة
شوفو قبل كيف
وهنا شوفوا بعد ما قليناها بزيت قليل وذبلت تماما
حتى تنتهي الكمية اللي عنا ومنشيلهم كلهم على جنب برا القدر حتى يجي دورهم:D
_ هلأ منبدا نطبخ بقى ومنكون مقطعين دجاج مكعبات او لحمة مثل مابدك انا عملت دجاج .... نقلي الدجاج بسمنة يقدر على النار
_ منحركهم مظبوط مع السمنة شي خمس دقائق بعدين منضيفلهم بهارات ومكعب ماجي والقليل من الماء قدر فنجان شاي بس ومنخليهم حتى يذوب الماجي وتغللي الماء
_ خليناهم شي 5 الة عشر دقائق يغللو ببعض من غير ماتنشف ميتهم((مرقتهم بقصد )) طبعا بعدين منجيب الملوخية اللي ركناها على جنب ومنطها فوقهم من غير اي تحريك وبس منخليها على نار هااااااادية شي نصف الى 3 ارباع الساعة واذا نشفت الماء منضيف شوية ماء قدر فنجان قهوة صغير (( مامنحبها تطلع مبلولة كتييير منحبها ناشفة تقريبا))
_ بهالاثناء منكون داقين 4 الى 5 فصوص ثوم ناعم ومنضيف عليهم كزبرة مفرومة ومندقهم مع بعض مثل هيك
_ وفي نهاية الثلاث ارباع الساعة اللي حكينا عنها منضيف خلطة الثوم والكزبرة عليهم
_ ومنحرك بقى كويس حتى يختلطو كلهم مع بعض
_ وبس نتركهم خمس دقائق على النار وهيك خلصت اكلتنا وقبل لا نسكبها او وقت السكب نزينها بمكسرات لوز وصنوبر اللي بتحبيه ومع الليمون تعصري عليها عند الاكل واللللله على الطعم والريحة
_ وتقدم مع الرز بالشعيرية اذا بتحبي لانها ممكن تاكل لوحدها بالخبز او مع الارز لذيذة وشوية مقبلات
يارب تنال على اعجابكم عن جد كتيييير طيبة جربوها ..... وبس دعواتكم وردودكم الحلوة(f)