ألم كالبرق .. أسفل الســــرة ..

مساء الخير ..

خواتي ابي مساعدتكم اذا كنت طبيه او شعبيه او حتى اذا سامعين عنها او مجربينها لا سمح الله ..

انا من 3 اسابيع تقريبا شلت ولد اختي وكان ماشاء الله وزنه تقريبا 40 كيلو ..

ومشيت ل10 امتار تقريبا وبعدين هديته ..

وانا وزني تقريبا 65 ولكن المشكله صارت بعد ما شلته ..

حسيت بالم شديد اسفل السره وفي السره نفسها ..
استمر فتره ووقف شوي والحين رد مره ثانيه واحس مثل البرق يصير بسرتي من الالم ..
يعني كانه احد يجرها من داخل او كان احد يشق بالسكين من سرتي لي تحت ..

انا مادري لين اروح الطبيب شقوله اقوله الم بطني والا سرتي ولا حتى على قولة اختي يمكن ارحامي صار فيه شي .. على فكره انا بنت مو متزوجه .. ولين شلت ولد اختي تاخرت الدوره علي 3 ايام ..

انقذوني ترى والله التفكير ذبحني ..

تتوقعون اثر علي كبنت .!!
ذبحني التفكير ..

اسعدكم ربي يلي تساعدوني ..