صالون لبناني مشهور - ( قصة استشوار شعري)

هذا الشي راح اكتبه للعبره لكل وحده بتروح لهالصالون واكيد بتعرفونه
هو صالون لبناني مشهور كان له فرع في الهلال والان فتحو فرع ثاني في منطقة ابن عمران

القصه: كانت عندي مناسبه ورحت الصالون عشان يستشورون لي شعري .. واللي تستشور ماتعرف تستشور باين انها حتى ماتعرف تمسك الاستشوار وتستشور بس من تحت وفوق تخليه .. انا قلت لها لو سمحتي استشوري لي من فوق بعد طبعا كلمتها باحترام قالت لي انا اعرف شغلي!!!!!!! وهي تخزني وتطالعني بذيك النظره وسكت عنها.. والله والله ماكذب عليكم انها خذت الاستشوار من ورى ولصقته في شعري ومادري شنو الهدف من هذي الحركه.... وشوي خلتني وراحت ورجعت تكمل بعدين كملتني يمكن في ربع ساعه مع انه شعري طويل ومثل ماقلت لكم تستشور بدون ذمه وضمير ولما خلصت الا اشوف شعري كاش!!!!!!!!! ( طبعا بيكون كاش دام انها ماتعرف تستشور) وانا غلطت اني ماتركتها من البدايه ورحت .. ودفعت لها المبلغ كامل وكنت في البدايه ناويه انهم يسوون لي تسريحه بس لما شفت انها ماتعرف شي قلت لهم خلاص مابي تسريحه ..... وعلى طول اشغل سيارتي واروح الصالون اللي جنبهم وقلت لهم بسرعه مافي وقت سوو لي شعري عيدو عليه مره ثانيه ... والله انصدمت اللي في الصالون الثاني وقالت لي من مسوي لج شعرج؟؟؟؟؟ بعدين قالت باين انه مو مستشور عدل .... طبعا انا طول هالوقت قلبي يحترق بس قلت في قلبي خليني احضر المناسبه اللي عندي واستانس واليوم الثاني اكلم مسئولة الصالون ..... وعلى طول اليوم الثاني اتصلت في المسئوله وكلمتها .. طبعا ماراح تعترف بغلط الصالون وقالت هذي اللي استشورت لك زينه بس مادري ليش هاليوم سوت جذيه .. قلت لها اصلا هي ماتعرف تمسك الاستشوار !!!! طبعا قالت لي كلام وكلام المهم انهم مايعترفون بغلطهم وقلت لها المفروض انها تبتسم في وجه الزبون مو تطالع بهالطريقه وقلت لها المفروض تعطونها دورات تدريبيه وقلت لها عن الصالون اللي جنبهم عندهم وحده جديده بس مايخلونها تستشور وتخرب شعور الناس بس يخلونها تطالع وتساعدهم مع انه لها 3 شهور تقريبا بس مايخلونها تستشور الا لما تتمكن عدل.. وقلت لها شوفو شلون الصالون اللي جنبكم يستشورون شلون وشوفو شلون انتو تستشورون والله فرق السما والارض..... بس الحمدلله رجعو لي فلوسي .. لما رحت لموظفة الاستقبال اليوم الثاني عشان استلم فلوسي جيت لها وابتسمت انا وقلت لها لو سمحتي انا اللي سوو لي شعري وكلمت المسئوله ... الا كشرت في وجهي !!!!!كأني ضاربتها وتخيلو انا اللي ابتسمت لها .... ...واسفه طولت عليكم..