الدورة الشهرية لمرت أخوي غريبة .. بليز دكتورة نبي مساعدتج

السلام عليكم ورحمة الله وبركاته

مادري دكتورة إذا ألقى جواب لسؤالنا لو لاء

الله يسلمج زوجة أخوي دورتها مب منتظمة وغريبة

ماينزل عليها دم .. ينزل عليها مثل الوسخ ومثل الكدرة لكن لونه أسود

هي قبل ماتتزوج دورتها عادية مثل كل البنات دم أحمر .. ولما تزوجت

بعد فترة قصيرة من زواجها صار ينزل عليها دم لكن قلييييل و أحيانا الدم ينزل مثل القطع

و قليل جدا وفي أول ثلاثة أيام بس .. بعدين زادت الأمور سوء مثل مايقولون

صار ينزل عليها هذا الوسخ الأسود .. لونه صاير مثل دم الدورة لما يكون على قماش أبيض بعد يوم أو يومين

آنه بصراحة لما شفته اخترعت .. عبالي هذا دم من اليوم اللي طاف وألحين صار لونه جذي

إلا تقول لي .. هذا توه جديد نازل عليها .. لونه صاير مثل الكدرة يعني بني غامج على أسود ومافيه ولا نقطة أحمر

راحت للمستشفى مافي فايدة .. الدكتورة قالت لها هذا شي طبيعي .. هذا مب طبيعي

لأنها قبل لاتتزوج كانت اتييها الدورة عادي حالها حال كل البنات وماندري شلون نعالجها

وماندري هالشي يأثر ع الحمل لو لاء لأن صار لها ثلاث سنوات متزوجة ولا حملت

المشكله إنها تتعالج في طب خاص والدكتورة ماتعرف الخمسة من الطمسة ..

سوت لها مسح للرحم ولا تعرف أصلا ان نتيجة الفحص طلعت وتقول لها مافي شي .. شلون مافي شي

أرجوج نبي حل لهالمشكلة .. مع جزيل الشكر ويزاج الله خير الجزاء