تجهيزات عرس او ولاده؟؟

ن

نونو2008

عروس نشيطة

28-12-2008 | 11:39 AM

بصراحه انا بدخل بالموضوع على طوول وادري كثير راح يعارضون

ويمكن احصل كلام ماله داعي بس عادي

احترم جميع الاراء

بصراحه صارت الولاده عندنا متكلفه زياده عن اللزوم

واالله يعين الازواج على هالحريم يعني بالله عليكم

لازم تفصلين مفرش للولاده وشنطه وخرابيط ولباس للطفل ولباس لك وكلها طقم

وتجيبين صواني مفصله للاكل ومن ارقى الاماكن مابقى الا تفتحين بوفيه

ولا عاد كله كوم والاستقبال في المستشفيات كوم ثاني حشا وربي مو ولاده بتعرس

الغرفه كلها ورووود وعبارات وخرابيط والام جالسه كنها طاووس والطفل عرضه للرايح والجاي

الناس ماصارت تجي لا عشانك ولا عشان البيبي صارت تجي عشان تشوف

اخر صيحات مفارش الولاده والنفاس والام وش لابسه ووش مخربطه بعمرها

يعني يكفي التعب بعد الولاده الام بحاجه الى الراحه وبحاجه الى سماع الذكر الحكيم بحاجه الى الدعاء والاستغفار بحاجه الى القراءه في الكتب المختلفه

بحاجه انها ماتحمل نفسها وزوجها فوق طاقتهم بس عشان عيون الناس

بحاجه الى طفلها يكون سليم معافى محصن بالادعيه مو بحاجه الى عرضه على الرايح والجاي

ياحريم الي تسوونه غلط في غلط وعيب بصراحه

اذا عندكم فلوس زايده اعرفوا وين تستثمرونها من متى الناس صارت تهتم بهالخرابيط

ليش مانكون واقعيين ونتبع الصح دايم نقلد الغلط

حتى في الولاده والنفاس دخلت الموضه وربي حرام الي جالس يصير

وبعدها طلعت لنا موضه الاكتئاب مابعد الولاده ماشاء الله تبارك الله

ادري ان الاكتئاب موجود ويحصل كثير وبسبب الهرمونات في ارتفاع ونقصان وغيره وتوتر

بس مااعتقد امهاتنا قبل عانو من الاكتئاب يمكن في عصبيه وغيره بس مو اكتئاب وبكي وغيره

تدرون ليه لانهم محصنين نفسهم اشتغلوا بذكر الله مااشتغلوا ب من وين افصل مفرش النفاس

ومن وين اشتري اغراض البيبي ومافي شي حلو والسوق بايخ ومن وين بجيب السرير وابي افصل جلابيات وثياب استقبال فخمه

الاكتئاب راح يجيك من ذا الخرابيط الي تسوينها بعمرك

طول فتره الحمل وهي بس تفكر في ذا الاشياء وتعمل من نفسها مثاليه وتبي تشوف طفلها

طيب قرئتي كتب التربيه قرئتي ان الام مفروض ماتسوي من نفسها مثاليه زياده عن اللزوم لانها راح تنصدم بالواقع بعد الولاده

عرفتي كيف تتركين كل شي يسير بااريحيه وتتكلي على ربك

طبعا ولاشي من هذا عرفتيه

سوري الموضوع يطول بس من جد في ناس عقولها مثل الجوزه الفاضيه وعذرا

b

bent el ba7rain

عروس مبدعة

28-12-2008 | 11:46 AM

حبيبتي انا احس مافيها شي كل شخص وقدر استطاعته والوحدة تحب تفرح بمولدها وتوزع الهدايا وكل من على قدر استطاعته

( وان الله جميل يحب الجمال ) ( وان الله يحب ان يرى اثر نعمته على عبده)

يعني اذا الشخص مستطاع والله معطيه من الخير ومو مقصر في امور دينه ودنياه ومؤدي واجب نفسه لها حق عليه خل يستانس ويسوي

جت عالولادة الحين الاعراس والملجات كلها نفس الشي صار شي الكل يسويه يعني بعد مب الوحدة بتستشقبل ضيوفها بالمستشفى حالتها حالة

وانا مااقول الاسراف لا ناااااااااااااااس وايد واعرفهم شخصيا اسراف وفوق طاقتهم كلها ديون وسلفات عشان بس هالموضة جدي الله مايرضى بعد بس انا اقصد اذا الوحدة تقدر وزوجها يقدر مافيها شي من رايي

والسموحة

ن

نونو2008

عروس نشيطة

28-12-2008 | 05:11 PM

ماقلنا تستقبل ضيوفها وحالتها حاله ومزريه لا انا ماقلت كذا

بس ماله داعي تفصل لها ثياب خاصه وفخمه وتكون هي كنها جزء من ديكور الغرفه !!

حتى لو ربي منعم عليها وعلى زوجها

ان الله جميل يحب الجمال تعتقدين ان الاشياء هذي من الجمال المقصود في الحديث

ولا تعتقدين ان الله يحب ان يرى نعمته على عبده معناه اني اروح افصل لي مفرش وشنطه وملابس

وحتى البيبي يكون كله طقم هل هذا هو الجمال وهل هذه هي النمعمه المقصود فيها بالحديث

لاتفسرون الاحاديث مثل ماتحبون الحديث اشرف من انه يفسر بالاسراف والتبذير والحاجات الي مالها داعي

ولاتجعل يدك مغلولة الى عنقك ولا تبسطها كل البسط فتقعد ملموما

كلوا واشربوا ولاتسرفوا وهذا اعتقد مظهر من مظاهر الاسراف والتبذير لأنه شي ماله داعي

افرح بسلامتي وافرح بطفلي واقوم بالواجب بحدود مو اتصنع واروح اسوي لي واجهز اشياء مالها داعي

بس عشان فلانه وعلانه وعشان عيون الناس

مااعتقد هذا هو المغزى ابد

طوال فتره الحمل صارت الحين الحريم بس يفكرون بااعدادات الولاده والفشخره مايفكرون

بالاشياء الصح ويالي مفروض يفكرون ويهتمون فيها

انا اقول الافضل ان الوحده تكون متواضعه واذا عندها قروش توفرها لطفلها ولزوجها في امور اهم من خزعبلات

ومفارش النفاس والولاده:)

م

منارس

عروس جديدة

28-12-2008 | 05:23 PM

[GRADE="FF4500 800080 0000FF 800080 FF4500"]
في ناس مثل ما تقولين وفي ناس عادي
ما تهتم بهذي السوالف

ولادتي الأولى بس اللي فصلت لها وشريت الأساسيات بس
ودخلت عليي هدايا شكثر اشي مفارش وثياب وووووخيرات الله

بس الحملة الثانية اخذت الثياب وخفااااااااااايف
يعني ادوات التنظيف ومني ومناك بس
الحمد لله مو قصور في الفلووووس بس ما احب اتسوق وهالهرار
[/GRADE]

ا

ام فطومة الحلوة

عروس فضية

28-12-2008 | 05:51 PM

تيغين الصراحة كلامج صح لان هذا الي صاير الحين

ما اقول اني ماسويت شي في ولادتي سويت توزيعات وكلفتني واجد بعد بس تزيين غرفة وجلابيات نفاس وهالاشياء ماسويتها يعني خذيت ملابس مريحة للنفاس

وكل وحدة والي يريحها

&

јǿđ

عروس ماسية

28-12-2008 | 05:55 PM

كلامك صحيح 100%
وانا ما اؤيد هالفكرة اصلا
تفصل لها ثياب خاصه وفخمه وتكون هي كنها جزء من ديكور الغرفه !!

احس انه ماله امه داعي
كلها يومين وتردين البيت
الحمدلله ع كل شي

ربي يرزقج من خيراته اختي

إ

إكـليل

عروس نشيطة

28-12-2008 | 09:30 PM

خير الامور أوسطها

~

~sweety girl~

عروس متألقة

28-12-2008 | 10:02 PM

السلام عليكم

كلامك اللي قلتيه كله صحيح وماعليه اي غبار
وانا هذا اول حمل لي واستغربت كثيير في البداية لما عرفت ان في بعض الحوامل تجهز لنفسها اشياء مالها داعي واحسها دفشة من وجهة نظري, يعني ثوب الام وثوب البيبي وسلة البيبي والمفرش كله طقم و كله فوضى والسعر اللي ماله داعي وكل ماكان اغلى في وجهة نظرهم افضل!!,,
بالصراحة في البداية تأثر رأيي وفكري وعقلي :D, ولكن الحمدلله عدت الى رشدي ههه, صحيح كنت افكر اني ازين الغرفة والباب, ولكن فكرت قليلاً ليش هالإبذار والإسراف " إن الله لا يحب المسرفين" . بدل ما اسرف هالفلوس في اشياء مالها داعي استغلها مثل ماقلتي في امور افضل بالنسبة لي,>> اصلاً انا ماعندي فلوس زيادة كلها تروح للدراسة :tongue: ولو كان فعلاً عندي فلوس زيادة والله لأخجل اني اصرفها في هالاشياء التافهة, اول مابجي في بالي اني اصرفها على الفقراء والمساكين واولهم اهالي غزة مساكين كسروا خاطري, شلون يعانون ويموتون ومايحصلون قوت يومهم وناس مو عارفة ايش تسوي بهالفلوس..

بتكلم من واقع مجتمعنا واللي صار فيه
بقول لج الصراحة هذي الاشياء ماكانت عندنا احنا في البحرين بل صارت دخيلة علينا وعلى ما اعتقد من التقليد على حريم الدولة الشقيقة السعودية, كل هالاسراف وكل هالفشار اللي عندنا مكتسب من هنا وهناك..
وبس

B

Blossoms

مشرفة سابقة

28-12-2008 | 10:55 PM

في ناس يهتمون بهالامور وفيه ناس لا اهم شي شي مريح وحلو ومرتب وخلاص

اني بصراحة ماسمعت عن تجهيز غرف الولادة وغيره الا في النت

الوحده طول وهي حامل تدعي ربها تجيب البيبي سليم معافى وان الله يقومها بالسلامة

مشكورة على طرح الموضوع

ب

بسمة أطفالي

عروس ماسية

28-12-2008 | 11:03 PM

Blossoms;8236123:
في ناس يهتمون بهالامور وفيه ناس لا اهم شي شي مريح وحلو ومرتب وخلاص

اني بصراحة ماسمعت عن تجهيز غرف الولادة وغيره الا في النت

الوحده طول وهي حامل تدعي ربها تجيب البيبي سليم معافى وان الله يقومها بالسلامة

مشكورة على طرح الموضوع

(y)(y)(y)

ن

ناويه اعقل

عروس مبدعة

29-12-2008 | 03:49 AM

هذا اول حمل لي .. وفعلا" كلامك صحيح دائما" اشوف بذخ مو طبيعي في التجهيزات للبيبي وللولاده .. ماانكر اني جهزت .. بس أشياء بسيطه واحتاجها فعلا" لأنه اول مولود .. رغم ان الحمدلله ماعلي قصور مادي .. بس هالاشياء اللي شفتها بالنت مو من عاداتنا .. لأن النفاس غالبا" ماتكون الوالد محتاجه للراحه .. مو للفشخره .. والتكشخ ..المبالغ فيه ..

وهالشغلات كل قرايبي مايعتمدونها ابد ..والناس يختلفون عن بعض ..:tongue:

م

مــوظي

عروس مبدعة

29-12-2008 | 08:26 AM

الصراحة انا معاج اختي فالي تقولينة عني انا ماشفت حد في الامارات سوا جي بس يمكن فيه بس بالنادر يعني بس عرفت من المنتدى هالشي اما عن التوزيعات يسوون بس مب كثير

الصراحة انا فكرت اسوي توزيعاتي في بنفسي لانها بتي اقل سعرا مب منظر بس عسب تكون مثل الهدية للي بيي يزورني ويقدرني اما عن المفرش وهالخرابيط الحمد لله ماشفت حد قد سواها ولا بسويها

واذا عن بيزات المفرش احسلي اروح ارمم فيها نفسي بعد الولادة حق ريلي >>>>>الحبيبة سيارة واحنا ما نعرف

ا

الماسة و حساسة

عروس جديدة

29-12-2008 | 08:55 AM

~sweety girl~;8235481:

بقول لج الصراحة هذي الاشياء ماكانت عندنا احنا في البحرين بل صارت دخيلة علينا وعلى ما اعتقد من التقليد على حريم الدولة الشقيقة السعودية, كل هالاسراف وكل هالفشار اللي عندنا مكتسب من هنا وهناك..
وبس

معليش يا بنات الي يبغى يكتب رايه يكتبه بعيد عن الاسماء و بعيد عن التحديد

يعني بس السعودية الي فيها هالشي و بس السعودية هي اساس هالشي؟؟

طيب و بنات السعودية عمرهم ما كان اهتمامهم بالعبايات المطرزة و الي مدري كيف جاية تقولي كنها فستان عرس و جات من خارج السعودية لأن التقليد زي ما قلتي و الواحد بيشوف في التلفزيون و السفر كمان يخليه يشوف حاجات عمره ما شافها

لكن مو الشي ما يعجب تحطوه في السعودية الي بتقولوا عليها الشقيقة

الله يهديكم بس

رجاء ما في داعي نحصر الأشياء في بلدان محددة و كلنا دول شقيقة و نحب بعض و انا احب البحرين و اهلها و ما افكر اني اكتب كلمة احصرها فيها بعمل معين

و اذا هالشي عندنا فالأكيد انه من طريق مكان ثاني غير السعودية

ارجو من صاحبة الموضوع التنبيه على هذي النقطة و جزاكم الله كل خير

+

+سديم+

عروس مبدعة

29-12-2008 | 02:03 PM

أنا معاكم شوي

يعني بصراحه احب الإعتدال في كل شي ،،، يعني فيه ناس مره تبالغ وبأسعار خياليه

انا بصراحه وماكذب عليكم فكرت في كل هالأشياء ،،، بس بإعتدال ،،، يعني سويت كل شي بأسعار معتدلة ومعقولة،،، يعني زي ماتقولين اول فرحه ومبسوطه ،،، بس من دون اشياء مالها داعي

مثلا بسوي توزيعات حلوه بس طبعا مرح اسوي زي مايسوون هالحريم ويشترون التوزيعات بمبالغ توصل 4000 ريال واكثر ،،، لا بسوي شي حلو وبسعر معقول ،،،

الإعتدال حلو بكل شي

الفكره مافيها شي ،،، بس تنفيذها عند بعض الحريم يكون غلط ،،، من تبذير وإسراف

يعطيكي العافيه حبيبتي على هالموضوع الحلو ،،، بصراحه حلو النقاش فيه

c

coucou_rosa

عروس رائعة

29-12-2008 | 05:19 PM

atafik ma3aki okheti nono 2008
jazaki lah koli khire 3ala mawedo3e

b

bent el ba7rain

عروس مبدعة

30-12-2008 | 08:42 AM

نونو2008;8232376:
ماقلنا تستقبل ضيوفها وحالتها حاله ومزريه لا انا ماقلت كذا

بس ماله داعي تفصل لها ثياب خاصه وفخمه وتكون هي كنها جزء من ديكور الغرفه !!

حتى لو ربي منعم عليها وعلى زوجها

ان الله جميل يحب الجمال تعتقدين ان الاشياء هذي من الجمال المقصود في الحديث

ولا تعتقدين ان الله يحب ان يرى نعمته على عبده معناه اني اروح افصل لي مفرش وشنطه وملابس

وحتى البيبي يكون كله طقم هل هذا هو الجمال وهل هذه هي النمعمه المقصود فيها بالحديث

لاتفسرون الاحاديث مثل ماتحبون الحديث اشرف من انه يفسر بالاسراف والتبذير والحاجات الي مالها داعي

ولاتجعل يدك مغلولة الى عنقك ولا تبسطها كل البسط فتقعد ملموما

كلوا واشربوا ولاتسرفوا وهذا اعتقد مظهر من مظاهر الاسراف والتبذير لأنه شي ماله داعي

افرح بسلامتي وافرح بطفلي واقوم بالواجب بحدود مو اتصنع واروح اسوي لي واجهز اشياء مالها داعي

بس عشان فلانه وعلانه وعشان عيون الناس

مااعتقد هذا هو المغزى ابد

طوال فتره الحمل صارت الحين الحريم بس يفكرون بااعدادات الولاده والفشخره مايفكرون

بالاشياء الصح ويالي مفروض يفكرون ويهتمون فيها

انا اقول الافضل ان الوحده تكون متواضعه واذا عندها قروش توفرها لطفلها ولزوجها في امور اهم من خزعبلات

ومفارش النفاس والولاده:)

حبيبتي احنا مافسرنا الاحاديث بكيفنا وانا من رايي مافيها شي اذا احد الله منعم عليه ومو مقصررررررررررررررررر في امور دينه يعني وناس عندهم هذا مو اسراف على حد مايمتلكونه بلنسبة لهم شي عادي او بسيط اكا ناس ماعندها تاكل ماظل شنطة ب 500 دينار ولاعباية ب 500 الا لبستها يعني هذا بعد اسراف انتي جدي جدي بتجهزين يعني جلابيات للنفاس ولبس للمولود فكل وحدة ميزانيتها راح تحدد شنو تجهز واذا على كلامش توفر قروشها لطفلها او زوجها انا تكلمت عن احد مقتدر وموفر ومو مقصر بشي يعني الله ناعم عليه انا ماتكلمت على اللي تتدين وتاخد قروض وهالسوالف عشان هالشي يعني كل واحد وحسب اقتداره

وارد واقول انا مااقصد الاسراف في هالسوالف بل الاعتدال للمستطيع والحين صار هالشي منتشر عندنا بالخليج ومن الاولويات ومو شرط شي غالي يعني الكل حاب يسوي لو شي بسيط

s

snfOOrh

عروس مبدعة

30-12-2008 | 05:44 PM

احترم رايج بس انا مااوافق على هالكلام

انتي لو رايحا عرس قبلها بشهر بتجهزين الفستان والنعال والشنطه الطقم

وسايره افخم صالون.........بعد عيالنا لهم حق علينا

وهذا مب تبذير...........(ان المبذرين كانو اخوان الشياطين)

يقصد بها اللي يلعب بالفلوسه يعني شرا شي ماله لزمه لكن انه الوحده

طالعه من ولاده مغبره تعبانه ...........اوكيه رتبي عمرج لاتنسين في ريال بيشوفج

اللي هو ابو الطفل كيف بيشوفج المفرش يلعب دور المكان يلعب دور كبييييييييييييير

ولا تستهونون بهالكلام طبعا في المشتشفى التعديلات اعتبرها مبالغه لكن البيت

ظروووووووووري والسموحه على الاطاله

خ

خلود321

عروس مشرقة

02-01-2009 | 05:36 AM

كلامك تمام والى بيفرح يفرح على قدو من غير كلفه وتحمل زوجك مالا طاقه له
تاني شي الاخت سوتي قير والكلام الى قالتو (بتكلم من واقع مجتمعنا واللي صار فيه
بقول لج الصراحة هذي الاشياء ماكانت عندنا احنا في البحرين بل صارت دخيلة علينا وعلى ما اعتقد من التقليد على حريم الدولة الشقيقة السعودية, كل هالاسراف وكل هالفشار اللي عندنا مكتسب من هنا وهناك..
وبس)يعني السعوديه هي الخراب والاسراف والبحرين والامارات وقطر وعمان والكويت كل مكان فيه الاسراف اش معنى السعوديه تذكريه والتانيه لا ولا حاقده على اهلها انا اشوف كلامك كبير اللى قلتيه والسعوديه بلد الخير والدين الحمد لله والله يكفيه شر الحاسدين.

ب

بسمة حبيبي

عروس مشرقة

03-01-2009 | 09:14 AM

يا بنات ترة سويتي ما قصدها شي هي ذكرت السعودية لانها قريبة من لبحرين ولان بنات البحرين يروحون يتسوقون من السعودية لا تفسرون كلامها غلط واحمل اخاك المؤمن على سبعين محمل وماله داعي التجريح وكل وحده ادرى بمصلحتها وشكري الجزيل الى صاحبة الموضوع
بعض البنات تشوف هالاشياء اساسية وبعضها تشوفها شي غريب وماله داعي وفي النهاية كل وحده تعرف انها مسؤؤولى ومحاسبة

م

مليك روحي

عروس جديدة

03-01-2009 | 10:53 AM

حالكم عويصة ..

يبه اللي عندها فلوس تجهز لعرس

و اللي ما عندها تمد رجولها على قد لحافها ..

و سويتي تعالي عدلي ردش ..

أكلوا البنية ما تسوى عليها