السلام عليكم ..
شلونكم كروشاتنا ؟؟ !
هالايام اشوف ماشاء الله واجد اللي يسألون عن جنس الجنين .. و بعد السونار ما يصدقون بعد ! و يتمنون لو فيه أخطاء :eek: ، طبعا هذوول اللي مخلين ببالهم جنس معين و يطلع عكسه .. !
الحمدلله البنت و الولد يهبلون و نعمة من رب العالمين ، و الله سبحانه و تعالي الأخبر و الاعرف بصلاح الانسان و معرفته .. لو كنتي تبين بنت و جاك الولد ، تأكدي انه الأفضل و الاقرب لمصحتك و مصلحته .. ! و العكس كمان صحيح ..
طيب بقولكم قصة زوجي اخوي .. البارحة كانت تسألني عرفتي بنت أو ولد ؟ قلت لها مو بالضبط :D و من هالكلمة بدأت القصة !
هي ماشاء الله عندها ولد اسمه علي الله يخليه و يسلمه عمره 3 سنوات .. و حملت و بخاطرها بنوتة بس عادي لو جا ولد ثاني يونس علاوي و يصاحبه :)
طيب وصلت للشهر الرابع .. و هي الفضووول ماكلها أكل خخخخ ، عشان تبي تعرف جنس البيبي .. و على فكرة هي ممرضة في قسم الولادة و ربعها كلهم دكتورات و نيرسات متخصصين بهالمجال .. !
جا اليوم اللي سوت فيه الالترا ساوند و خبرتها صاحبتها النيرس الهندية انها فيها بنت و طاااااارت من الفرحة و خلو لها اسم هي و اخوي و طبعا بدت تشتري الوردية و تواعدو هي و النيرس ان الشي يظل بينهم عشان مفاجأة للباقي .. !
لما دخلت الخامس سوت التراساوند من جديد كمان في وقت فراغهم و شافت البنوتة و تطمنت على صحتها و اكدت لها النيرس انها بنت حلوووة :D
و بالسادس و السابع مثل الشي .. طيب جا الشهر الثامن و تعبت و اضطرت تسوي سونار .. و كانت اللي تسوي لها مبتدئة .. قالت لها كل شي تمام الحمدلله و باين انه ولد .. تقول زوجة اخوي أنا حسيت بدوااار فضيع براسي و انا منسدحة على السرير عشان اني جهزت الاسم و الثياب و كل شي بنوتي شلون تقول ولد ؟؟ :(
نادت على الدكتورة المتمرسة و قالت والله انا مو باين معي شي ! و هذا الحبل السري مغطي ع المنطقة !
طيب رجع كل شي اوكي و صارت تتنظر موعد الولادة حتى ترتاح من الثقل و التعب .. !
و جااا يوم الولادة .. و طاقم التوليد كلهم ربعها و متشوقين أكثر منها حتى يعرفونه بنت او ولد خخخخ !
بعد التعب و التأخير و معاناة ألم الطلق ، طلعووووو البيبي ، و كلهم بصوت واحد Its a boooooooooy لووول !
عاد هي تقول انا صح هذيك اللحظة استغربت و تعجبت ليش ولدي كانو يشوفونه بنت ، بس الحمدلله اخذته و بسته و قلت لهم يالله كملو الخياطة ابي انام تعبانة :D
.............
يعني النتيجة ولد بعد تقريبا 5 مرات يأكدون لها انها بنت .. و يوم اللي ولدت امها اخذت اشياء تناسب الولد و اللي تناسب البنت كلها راحت للهدايا :D !
شرايكم ؟؟؟
يالله قيموني عشان القصة الاكشن :o
قصة زوجة أخوي مع جنس الجنين ! شوفوو العجب !
!
27-12-2008 | 10:56 PM
ر
27-12-2008 | 11:09 PM
سبحااااان الله ..
الولد والبنت متل ما قلتي نعمه من الله اهم شي يكونوا بصحه وعافيه ..
الولد والبنت متل ما قلتي نعمه من الله اهم شي يكونوا بصحه وعافيه ..
!
27-12-2008 | 11:11 PM
ايوة ياريحانة القدس ..
و الله الأعلم بما في الارحام
و الله الأعلم بما في الارحام
*
27-12-2008 | 11:16 PM
و الله انا قالو لي بنت .. و عندي موعد الاسبوع الجاي
اخاف يصير لي فلم اكشن مثل القصه وتنقلب بنتي الى ولد هههههه
اخاف يصير لي فلم اكشن مثل القصه وتنقلب بنتي الى ولد هههههه
ا
27-12-2008 | 11:17 PM
الحمد لله على النعمة اهم شي الطفل يكون بصحة كويسة
وزوجة اخوش مثل صديقتي كانت مجهزة كل شي وردي وجابت ولد
ولما زرتها كانت كاتبة على التوزيعات اسم بنت وحاطة الولد في مفرش وردي خخخخخخخ
وزوجة اخوش مثل صديقتي كانت مجهزة كل شي وردي وجابت ولد
ولما زرتها كانت كاتبة على التوزيعات اسم بنت وحاطة الولد في مفرش وردي خخخخخخخ
ر
27-12-2008 | 11:27 PM
بجد شي غريب ..
الحمد لله على سلامتها ويتربى فعزها الكتكوت ..
الحمد لله على سلامتها ويتربى فعزها الكتكوت ..
!
27-12-2008 | 11:28 PM
*um_jihad*;8223116:
و الله انا قالو لي بنت .. و عندي موعد الاسبوع الجاي
اخاف يصير لي فلم اكشن مثل القصه وتنقلب بنتي الى ولد هههههه
ههههه لا مو شرط .. لا يجيك هوس الحين :D
و الله يتمم حملك على خير
!
27-12-2008 | 11:32 PM
كربلاء;8223127:
الحمد لله على النعمة اهم شي الطفل يكون بصحة كويسة
وزوجة اخوش مثل صديقتي كانت مجهزة كل شي وردي وجابت ولد
ولما زرتها كانت كاتبة على التوزيعات اسم بنت وحاطة الولد في مفرش وردي خخخخخخخ
:eek: يامسكين الولد !
خلوه بلمفرش الوردي .. يالله اكيد بعدين غيرته مو ؟
م
27-12-2008 | 11:32 PM
تصدقين
انا احس انه الالتراساوند واضح جدا وخصوصا لو الجهاز يديد يعني الصورة واضحه للأعمى انه هاي بنت وها ولد .. بس اعتقد والله اعلم انه رب العالمين يغير مافي الارحام و لو كان في يوم من الايام بنت ممكن يتغير جنسه ومافي شي بعيد على رب العالمين ..
يعني انا الدكتورة اللي اسيرلها السونار مالها وايد واضح ماشالله من اول الرابع انا شفت بوضوح انها بنت ومستحيل يكون هذا شكل ولد .. ولكن ما استبعد يكون جنس الجنين غير وقت الولادة لأنه كل شي بيد رب العالمين وهو قادر على كل شي وقادر لو أراد انه يغير جنس البيبي من بنت الى ولد .. :) وكل اللي ايي من الله حلو
انا عادي عندي بنت ولا ولد الصراحة .. كلهم حلوين
انا احس انه الالتراساوند واضح جدا وخصوصا لو الجهاز يديد يعني الصورة واضحه للأعمى انه هاي بنت وها ولد .. بس اعتقد والله اعلم انه رب العالمين يغير مافي الارحام و لو كان في يوم من الايام بنت ممكن يتغير جنسه ومافي شي بعيد على رب العالمين ..
يعني انا الدكتورة اللي اسيرلها السونار مالها وايد واضح ماشالله من اول الرابع انا شفت بوضوح انها بنت ومستحيل يكون هذا شكل ولد .. ولكن ما استبعد يكون جنس الجنين غير وقت الولادة لأنه كل شي بيد رب العالمين وهو قادر على كل شي وقادر لو أراد انه يغير جنس البيبي من بنت الى ولد .. :) وكل اللي ايي من الله حلو
انا عادي عندي بنت ولا ولد الصراحة .. كلهم حلوين
إ
27-12-2008 | 11:38 PM
تحصل كثير هالشغلات
أعرف وحده كانت حامل ببنت وزوجها مايبغى بنت يبغى ولد فلما ولدت جابت ولد زوجها طار من الفرحة .......وأخت هاللرجال حامل ببنت وزوجها متأمل إنه يحصل له نفس الشي
سبحان الله الناس ماتحمد ربها على كل حال ...والبنت والولد نعمة من رب العالمين ...اللهم أعطنا ولا تحرمنا
أعرف وحده كانت حامل ببنت وزوجها مايبغى بنت يبغى ولد فلما ولدت جابت ولد زوجها طار من الفرحة .......وأخت هاللرجال حامل ببنت وزوجها متأمل إنه يحصل له نفس الشي
سبحان الله الناس ماتحمد ربها على كل حال ...والبنت والولد نعمة من رب العالمين ...اللهم أعطنا ولا تحرمنا
.
27-12-2008 | 11:39 PM
سبحان الله
ا
27-12-2008 | 11:45 PM
كلهم حلوين بنت والا ولد نعمه من الله..
الله يسهل عليج يا انثى وع كل الحوامل ويرزق كل محرومه يا رب..
ر
27-12-2008 | 11:54 PM
زوجة اخوك مثل اختي قالو لها ولد الى قبل الولاده وقالو الولاده لازم قيصريه
وهذا كان حتى قبل الولاده باسبوع وقت الولاده غيرت المستشفى من الخوف ولدت طبيعي وجابت بنت
يعطيك العافيه
وهذا كان حتى قبل الولاده باسبوع وقت الولاده غيرت المستشفى من الخوف ولدت طبيعي وجابت بنت
يعطيك العافيه
ف
27-12-2008 | 11:58 PM
بصراحه ضحكت بس هذي السالفه وااااااااايد اتصير
ح
28-12-2008 | 12:03 AM
مسكييييييييينه خلف جبدي
مثل مرت حالي بالضبط
عندها ولد وحملت وقالوا ليها انه فيها بنت
ووقت الولادة طلع ولد
واسم الله علييه يجنننن ومن حلاوته كأنه بنت
مثل مرت حالي بالضبط
عندها ولد وحملت وقالوا ليها انه فيها بنت
ووقت الولادة طلع ولد
واسم الله علييه يجنننن ومن حلاوته كأنه بنت
&
28-12-2008 | 12:07 AM
سبحان الله
يعطيج العافيه انثى على القصه
يعطيج العافيه انثى على القصه
ح
28-12-2008 | 12:13 AM
صدق قصة اكشن
كررررريه اذا يصير غلط
اني الحمد لله سويت اشعة مرة وحدة بالشهر الخامس وقالو لي ولد وواكدت لي انه ولد وكان واضح جدددا لكن في التجهيز ما اخذت ولا شي بحري كل شي كااان بلون محاايد والحمد لله انه طلع ولد واهم شي انه سلللللليم وبصحة وعافية
كررررريه اذا يصير غلط
اني الحمد لله سويت اشعة مرة وحدة بالشهر الخامس وقالو لي ولد وواكدت لي انه ولد وكان واضح جدددا لكن في التجهيز ما اخذت ولا شي بحري كل شي كااان بلون محاايد والحمد لله انه طلع ولد واهم شي انه سلللللليم وبصحة وعافية
س
28-12-2008 | 12:17 AM
تسلمين يالغلا .. وبالنسبه لجنس الولد دائما ماتكون اخطاء
وانا عاينت حاله مثل هذي بالدوام كل ما تيجي وحده يقولها الدكتور ولد
بالاخير خلفت بنت وكانت الصدمه شديده < لاني كنت اعرفها شخصيا
وانا عاينت حاله مثل هذي بالدوام كل ما تيجي وحده يقولها الدكتور ولد
بالاخير خلفت بنت وكانت الصدمه شديده < لاني كنت اعرفها شخصيا
V
28-12-2008 | 12:18 AM
سبحان الخالق
انا بحملي الاول من الشهر الخامس بينت بنت وااضحة
وبهذا حملي كنت حاسة انه فيني ولد لان فيه اختلاف كبير عن حملي ببنتي
بالسونار بداية الشهر 4 قالولي بنت
وبالشهر 7 اكدولي بنت
نهاية ال8 قالولي بنت وشفت الاعضاء بعيني
معقوووولة تتغير
كل شي بيد رب العالمين
اهم الشي تمام الخلقة واولد هالمرة طبيعي
ويسهل علي وعلى كل الحوااااااااامل يااااااااااارب
انا بحملي الاول من الشهر الخامس بينت بنت وااضحة
وبهذا حملي كنت حاسة انه فيني ولد لان فيه اختلاف كبير عن حملي ببنتي
بالسونار بداية الشهر 4 قالولي بنت
وبالشهر 7 اكدولي بنت
نهاية ال8 قالولي بنت وشفت الاعضاء بعيني
معقوووولة تتغير
كل شي بيد رب العالمين
اهم الشي تمام الخلقة واولد هالمرة طبيعي
ويسهل علي وعلى كل الحوااااااااامل يااااااااااارب
&
28-12-2008 | 12:24 AM
اعتقد اغلب الامور اللي تكون مش صحيحه ومش واضحه من جهاز الالتراساوند القديم المتواجد في المستشفيات الحكوميه من زمان
لكن في اغلب العيادات الخاصه تكون اجهزتهم متطوره بتصوير ثلاثي ورباعي
وكل شي يبان بوضوح ..
والبنت والولد نعمه من رب العالمين .. اهم شي الصحه والعافيه
يعطيك العافيه يا انثى على موضوعك الجميل ..
لكن في اغلب العيادات الخاصه تكون اجهزتهم متطوره بتصوير ثلاثي ورباعي
وكل شي يبان بوضوح ..
والبنت والولد نعمه من رب العالمين .. اهم شي الصحه والعافيه
يعطيك العافيه يا انثى على موضوعك الجميل ..