مفاجأة أختي لخطيبها في يوم ميلاده

في البداية كل وحدة تدخل الموضوع تقول ما شاء الله وتصلي على النبي

اللهم صلي على محمد وعلى آل محمد


شخباركم عرايس منتدى عروس ولله ليكم وحشه وحشتوني ووحشتني مواضيعكم وردودكم الحلوة اليوم جايبه ليكم موضوع حلوة بس انا اول مرة اشارك بهذي النوعية من المواضيع بس عجبتني التجربة واجد المهم ما اطول عليكم نبدأ


اختي سافر عنها خطيبها السنة وراح يأدي مناسك الحج تقبل الله من جميع حجاجة صالح الأعمال وهي بدأت تفكر شنو تهدية قررت انها تشتري له عطر وكافلنك ( دبابيس للثوب) ودبدوب وشوكلاتة طبعا التغليف والابداع على شوكلاتة مرة الي هي انا اشترت اختي الهدايا مع بوكسين على شكل قلوب حمراء والدبدوب المفضل عند الجميع وعطتني اياهم عشان اغلفهم هي جهزة كل هذا وخطيبها في الحج لانه اذا هو معاها ما يخليها تروح مشوار بروحها كل يبغي يوديها هو وهي تبغي تفاجأة فجهزة كل شي من قبل وانا كملت تزين الهدية على راحة لانه عندي وقت رجع خطيب اختي بالسلامة من الحج وانشغلت وياه في استقبال الزوا.

عيد ميلادة يصير بتاريخ 27| 12| 2008 يعني بعد رجعته من الحج بقرابة الاسبوعين قبل موعد الحفلة بكم يوم قعدنا نفكر في حركات رومنسية وقترحت انا عليها الشموع والبالونات والورد المنثور على الطاولة يعني تاخذ روزة وتقطع ورقها وتنثرة وطبعا ما ننسى البخور بعد ترتيب الغرفة هذي مجموعة من الافكار البسيطة ليكون احتفالهم رومنسي بهذة المناسبة وطبعا طغى الون الاحمر على الجو اشترت اختي كاسات صغار حمران للشموع وشمعتان كبيرتان حمران وصحن صغير احمر بالونات حمراء الون مكتوب عليهم I Love you وجا اليوم المحدد للاحتفال طلعت ويا اختي على اساس بتسوي باقة ورد حمراء ونشتري كم روزة حمرة عشان انقطعهم ودخنى السبع دوخات على هذي الباقة وما حصلنا روز احمر لانه كان يوم جمعة وكل مكان مسكر وفي النهاية حصلنا محل وسوت له باقة وردية على فوشي احسن من ولا شي وخذنا الروز الاحمر ورحنا البيت جهزة اختي الغرفة و رتبتها ونفخنا معاها البالونات لان الكمية كبيرة بس الي ساعدنا كان عندنا بم الي ينفخ البالونات جهزت اختي زاوية جنب السرير
للهدية وتوابعها وكتبت البطاقة ورتبت الهدية مع الشموع نثرت اوراق الورد على الطاولة وفي صحن الشمعة حطت البوكية على السرير وبعدين حطت معاه بعض البالونات بخرنا الحجرة وسكرنا الباب

يتبع لا احد يرد قبل ما انتهي من الموضوع