وحجزن عند صالون مشكبار

ست الدلال 17-06-2003 10 رد 2,153 مشاهدة
س
عندنا حفلة وحجزن عند صالون مشكبار

تعديل خاص ب 800 درهم

شو رايكم خواتي

أسعفوني لأن الحفلة هالخميس

واللي بتنقذني بدعيلها دعوة

:s2
ع
هلا اختي اذا حجزتي ودفعتي الفلوس خلاص فأنصحج تاخذين كريم


اساس من عندج لأن الكريم اساس مالهم مول مب حلو...


اما اذا بعدج على البر انصحج تغيرين الصالون فيه صالونات مكياجهم احلى


لأن مكياج مشكبار وان كان هندي ومطلوب بس نفس المكياج مكرر هذا


رايي والله يوفقج ...
س
مشكورة على النصيحة


البقية ... وينكن أبا أسمع أرائكن:confused:
X
أنا كلامي من كلام الغاليه عروس دبي وما بضيف اي شي.. وأأيد كل كلمه من الي قالتها.. وتسلمين..:shy:


[RAM]http://www.enshad.net/audio/Tahaanina_D_-_02_-_Badr_Al-Tamaam.rm[/RAM]
f
وانا بصراحه ماعندي فكررره ابدا
ع
انا الصراحة انا اشوف المكياج ررووعة


بس


خذي الاسفنجة من عندج
أ
ست الدلال،،، تبين الصدق،،، احس موشكوبار استوت مال اول لو انه مكياجها غاوي،، لكن كريم الاساس عندها تعبان عسب انه عجب فتره يخترب وانا روحي لاحظت ها الشي وسمعت كذا مرة الكلام نفسه من بنات يعلقن على بنات في العرس على كريم الاساس مالهن،،،، وعلى فكرة انا بغيت احجز عندها حك ليلة عرسي بس خدمتها كانت وايد تعبانه كل ما اتصل ما احد،، ما عندها موبايل،، ويوم أخيرا حصلتها كانت مب مهتمه مول وبندت بسرعة وقالتلي لازم اي عسب احجز،،، والحجز هم يحددونه بغض النظر اذا يناسبج والا لا،، جان اطنشها،، واتخيلي متى اتصلت عسب تحدد البروفا،، قبل العرس بيوم بالرغم انه الموعد مكتوب عندها،،، عسب جيه ما انصحج لاني اشوف ان مستوى الخدمه هواهم شي ها الايام وهواللي يجذب الزبون ويخليه يرد،،، المهم جان يخبروني عن وحدة في الشارجة مواطنه تسوي مكياج ومتعلمتنه في لبنان لكن شو مكياجها رهيب ،،، صدق اقولج مكياج يديد ويجنن،، انا سويت عندها حج العرس وطلع مكياجي يجنن وكل حد كان يسألني عنه،، واسمع من بنات يخبروني عن مكياجها كيف عيبهم في الاعراس،،، المهم اذا بتسوين عندها هي اسمها هند الاميري،،، واذا حك حفلة بــ 200 اذا بتسيريلها البيت واذا تيج اظن 250 او 300،، الزبده احسن بوايد عن موشكوبار،،،بيتها في الشارقة في منطقة الشهبا،، تقريبا ورا مستشفى القاسمي..واذا بغيتي تشوفين البروفا تقدرين تسرين عندها وتشوفين كيف تسوي حج البنات،،، على فكرة الوان الشادو مالها غريبة ووايد حلوة،، المهم انتى تشاوري وخبريني شو رايج وعلى شو رسيتي،،،
ع
الصراحه يمكن الاخت غلطانه اذا قالت معاملتهم مش اوكي انا الصراحه اخترت مشكوبار علشان معاملتهم الزينه والله واحترامهم

يعني اهتمام كبير والله احسن صالون في المعامله انا جربت كذا صالون وعيبني مكياجهم لكن ما احب الوحده اللي تخليني اسكت وما تكلم واقول اللي اباه

مشكوبار تسمعج وتسويلج اللي تبينه مكياج هندي ولبناني حتى اذا بغيتي كريم اساس من عندج بتحطلج ما عندها مانع لكن شغلها وايد مرتب ونظيف


انا والله ما كنت ناويه اسوي عندها في عرسي وهذا كان اخر شي اتوقعه بس من اسلوبهم ومعاملتهم الزينه ارتحت لهم والله

الله حق وكلمة الحق تنقال ......
أ
مرحبا عروس 2003،،
يمكن يكون كلامج صح،، بس ها اللي استوى ويايه،،، يمكن مزاجها كان متعكر يوم ترمسنى بس بعد المفروض انها تعامل زباينها باهتمام خصوصا العرايس وترحب فيهن بدل ما تطفشهن ،،، والسياسه معروفة،، اذا تبا تربح لازم انت تركض وراء الزبون مب الزبون هو اللي يركض وراك،، وهيه ما شاء الله من كثر الزباين ما تنلام،،،وعلى فكرة سواءا حجزتي عندها والا لا كله واحد،، عندها اللي يي قبل يبدون فيه،، وكل مرة اسير صالوناها اشوف الزحمة عندها ومعظم البنات يتحرطمن طول الوقت والسبة انه ما خذين دورهن،،، يعني بما انها بزنيس وومان،، المفروض تحترم مواعيد الحجوزات عندها،، وتنظم وقتها،، واذا فاضت عنها طلبات الحجز المفروض انها تعتذر من زباينها،، مب ازجرهم وماشي مكان اصلا،، حتى المساعدات اللي في صالونهن تحصلينهن يبتسمن بالغصب حج الزباين من كثر الارهاق والتعب،، عنابوه الا بشر هن،،، ويوم تكلمينهن ليش ما يرتبون المواعيد يقولولج هيه ما تهتم بشي اسمه مواعيد بس المهم انج ما تردين الزباين،، وعلى فكرة ها الشي وايد غلط لانه بدل من يجذب الزبون يطفشه وانا روحى اسمع البنات يقولن،، مرة ثانيه مب حاجزيين عندها،،، مرة قالتلي ان صالونها سوى مكياج حك 80 وحدة في يوم واحد،،، :eek: :eek:

لكن ها كله ما يمنع ان مكياجها وايد حلو،،، وهاي كلمة حج اقولها.

وسلام يا اماميير،،،،،
ع
هلا

اخواتي صالون مشكبار معروف وما شا اللة لة زباين ووايد
أ
مرحبااا اختي اوركيد ممكن تعطيني الرقم الممكيجه الي ساكنه بشهبا
X