السلام عليكم ورحمة الله وبركاته
شلونكمـ حبايبـ قلبـي ..
حابة احط لكم طبق سهل وسريع وماياخذ منج وقت ابداً وأهم شي مافي تعب هههههه
هالطبق من أطباق منال العالم .. (f)
بس انا خذت الفكره وماتقيدت بالمقادير بالضبط .. أتمنى يعجبكم الطبق :)
بسم الله نبدأ .. ماشاء الله تبارك الله
قطع دجاج أي نوع تفضلين أنا اخترت الأرجل ( الكمية حسب الرغبة )
2 بطاطس
2 طماطم حجم كبير
1 بصلة
فلفل أخضر بارد
[COLOR=slategray]بهارات ( ملح ، فلفل اسود ، كركم ، بهارات مشكلة ، كاري ، فلفل أحمر [/COLOR])
زيت زيتون
ماء
- نقطع ( البطاطس ، الطماطم ، البصل ) إلى شرائح
- نصف البطاطس في صينية البايركس بعدين البصل واخر شي الطماطم ..
- نتبل الدجاج بالبهارات ونصفه فوق الطماطم ، ونصف الفلفل بين الدجاج يعني الفلفل راح يكون فوق مع الدجاج ..
- نسكب شوية زيت زيتون وشوية ماء بين الدجاج عشان يروح تحت بين الخضار ( بس مانكثر من الماء لأن الخضار بالأساس راح تطلع ماء )
- نغطي الصينية بورق الألمنيوم ونفتح فتحات بالسكين لخروج البخار ..
- ندخله في الفرن لين ينضج الدجاج والخضار وبعدها تاكلونه مع الخبز أو الرز وعليكم بالعافية .. ( انا سويته للعشا وكلناه مع الخبز ) :wink:
وهاذي صورة للطبق بعد ماجهز ..
وهاذي صورة أقرب راح تلاحظون ان الخضار شوي بدت تطلع على فوق ..
سامحوني ماعندي صور الطريقة لأن التصوير من فترة .. :o
وإن شاء الله تكون الطريقة واضحه ويعجبكم الطبق .. (f)
