المقادير:
2 كوب طحين رقم 2 يعني أسمر
5 كوب ماي
2 م.ك سمنة
1ونص كوب سكر
ملعقة وسط هيل + شوية زعفران + فلفل أسود
ممكن تضيفون شوية ماي ورد بس أنا مايعجبني طعمه
الطريقة:
- نحمس الطحين في جدر لين يصير أشقر
- نغلي كمية الماي كلها ونحطها في جدر ونضع معاه االسكر والهيل والزعفرانونخليه يغلي 10 دقايق على نار هادية
- الحين وصلنا للمهم نشيل جدر الماي والسكر من على النار ونجيب منخل الطحين وننخل الطحين على الماي والسكر ونحرك بشويش ...وحبذا لو تكون كميات بسيطة من الطحين حتى ما يتكتل معاكم لين تخلص كمية الطحين كلها
- الحين نرجعه على النار ونرش شوية فلف اسود + ملعقة وحدة من كمية السمن ونخليها على النار لين تصك وتغلط ما بتاخذ وايد من 5 ل 7 دقائق وبس خلصنا العصيدة... في بعض الناس ياكلون العصيدة مع بيض مقلي بالفلفل الأسود
صح شرح وايد بس ترى وايد سهلة ولذيذة...أنصحكم جربوها وهذي صورة بعد ماجهزت
وهذا صحن للتعذيب لوووول
بليييييييز بنات شجعوني هذي أول مشاركة لي بالقسم :)
