رقم حسابك عزيزتي التاجرة

السلام عليكم

الظاهر انك تاجرة جديدة على النت .. و نصيحة .. استفسري هنا في الملتقى عن كل الي تبين و لا تسألين الزباين عشان ما تطلعين ما تعرفيبن شي ...

المهم :
حسابك البنكي مو بسهولة حد ممكن يسرقه .. و احيانا نستخدم للتجارة حسابات غير الي ينزل فيها الراتب او اي اموال غير التجارة .. عشان تقدرين تسيطرين اكثر على فلوس التجارة و ما تستخدمينها على طول اثناء سحوباتك العادية من حسابك العادي ... خليه حساب توفير طبعا ....

اما شدراك اذا الزبونة " فاطمة " او " مروة " الي ارسلت ... العملية بسيطة ... من كشف الحساب الي ينزل من البنك تعرفين من اي دولة جايك المبلغ و من الي ارسله .. و الزبونة طبعا بتقول لك .. انا ارسلت الحوالة من البنك الفلاني باسم فلان ......

مصاريف الحواله لازم تلتزم فيها الزبونة .. مو انتي .. و بلغي هالكلام للزبائن ان الي يوصلك الثمن دون خصومات التحويل ..

بالتوفيق و اي سؤال احنا ممكن نفيدك هنا .. اتمنى يكون شرحي مناسب و مفهوم

انا حلوة;8220126:
السلام عليكم

الظاهر انك تاجرة جديدة على النت .. و نصيحة .. استفسري هنا في الملتقى عن كل الي تبين و لا تسألين الزباين عشان ما تطلعين ما تعرفيبن شي ...

المهم :
حسابك البنكي مو بسهولة حد ممكن يسرقه .. و احيانا نستخدم للتجارة حسابات غير الي ينزل فيها الراتب او اي اموال غير التجارة .. عشان تقدرين تسيطرين اكثر على فلوس التجارة و ما تستخدمينها على طول اثناء سحوباتك العادية من حسابك العادي ... خليه حساب توفير طبعا ....

اما شدراك اذا الزبونة " فاطمة " او " مروة " الي ارسلت ... العملية بسيطة ... من كشف الحساب الي ينزل من البنكحواله لازم تلتزم فيها الزبونة .. مو انتي .. و بلغي هالكلام للزبائن ان الي يوصلك الثمن دون خصومات التحويل ..

بالتوفيق و اي سؤال احنا ممكن نفيدك هنا .. اتمنى يكون شرحي مناسب و مفهوم تعرفين من اي دولة جايك المبلغ و من الي ارسله .. و الزبونة طبعا بتقول لك .. انا ارسلت الحوالة من البنك الفلاني باسم فلان ......

مصاريف ال

مشكورة اختي حلوه انا فعلا جديدة عالتحويل البنكي لاني دايما اتعامل بالوستيرن يونين

زوجي قالي اذا بيحولون لك على الحساب بنكي يحسب عليي رسوم المعاملة بس مايدري كم بالضبط

انا قلت لو المبلغ بسيط مو مشكله اخصمه من ارباحي بدللا اكلف الزبونه مصاريف زياده

بس اذا كان مبلغ مرتفع يعني 3 دنانير ولا 5 دنانير صعبه اتحملها لان ربحي ما بيجي هالقد في القطعه

انا فكرت اني بفتح لي حساب جديد خاص بالتجارة بس لان ما بيمدي الحين

بس اختي حلوه الجزء اللي ظللته بالاحمر مافهمته اعذريني :o

يعني البنك يعطيني كشف حساب لكل عملية تحويل في حسابي ولا كيف

السلام عليكم

اختي في خطأ في ترتيب كلامي في الرد الاول ... اعيدي قراءة ردي و بتتضح لك الصورة ....لاني توني مكتشفة ان الكلام تلخبط شوي ...

مشكورة اختي حلوه

سؤال ثاني معليش

الحين على افتراض البنت حولت لي المبلغ و قالت لي انها حولت

المبلغ ما بينزل في حسابي الا بعد 3 او 4 ايام

وانا بكرة ابي اطلب البضاعه شلون اعرف انها حولت المبلغ فعلا

اخاف بعد 3 ايام يكون ماحولت شي للحساب ساعتها مافي فايده انا بكون خلاص طرشت الطلب و بيطيح طلبها في جبدي هذا على افتراض انها ما حولت يعني

هل اطلب منها تصور لي الوصل اللي يعطوهم بعد عملية التحويل؟ طيب اذا اهي محولة عن طريق حسابها عن طريق النت يعني مافي وصل تصوره كيف اتصرف؟

معليش استحمليني :)

اختي اغلب الحولات تنزل بحسابك خلال ساعتين اذا من نفس البنك

واذا بنك ثاني يوم واحد اول مرة اعرف انها تقعد 3او4ايام!!!!!!!!

وانت لاتستقبلين طلبات وانت على وشك تشحنين من خارج الدولة علشان سوالف الحواله

مثال:

انت تجمعين طلباتك من السبت الى الاثنين لخارج الدولة ومن داخلها الى الاربعاء

بتطلبين البضاعه يوم الخميس والجمعه توصلينها

يعني خارج الدولة يكون قبل الشحن بكم يوم علشان سالفة التأخر بالحوالة

الله يوفقك يارب:)

يبي لي اسوي جذي اختي كرستالة بس شسوي

بعض البنات تقول صار عندها ظرف و انها بكرة بكرة راح تحول و فعلا حولو لي مساكين صحي متاخر بس استلمت منهم

باقي عندي وحده للحين ماحولت لي التمس لها العذر و اتمنى انها ما تكشت فيني لاني دفعت من عندي مكان طلبها لانها مصرة تبي القطع فقلت حرام مسكينة تبيهم و حرام ما اطلبهم لها

الله يستر

البنات ما شاء الله ما قصروا ،، لكن في شي بما انج جديده بينا ،،

لاتثقين في الزبائن من ناحية الجديه في الطلب ،،

مرات تلاقينهم يستذبحووون عليه واخر شي فص ملح وذاب

لاتحطين شي من ارباحج لانج ما بتكونين ربحتي شي في النهايه ،،

انا قبل كنت على نياتي ونفس الشي اقول عادي وماعليه ،،

واخرتها اكتشفت اني ادفع فوق خسارتي خساره ،، وبما ان دخلنا على سنه يديده ( كل عام وانتو بخير ) ،،

خلونا نراجع اخطائنا وما نكررها ،، والله يوفق الجميع ان شاء الله

اختي ممكن تشتركين مع البنك بخدمة الرسائل القصيرة ويخبرونج لما ينزل في حسابج شي على طول :)
وما تضطرين كل مرة تروحين تطلعين كشف حساب

نسيت اقول لج، لو ما حولت يخصمون منج فرق العملة او سعر التحويل، يعني مثلا انا لما يحولون لي من الامارات يكون ناقص 13 او 14 ريال، وكثر ما اعيد وازيد عليهم يعيدون نفس الغلط

فلازم تاكدين عليها تحول كامل السعر مع تكاليف التحويل

ما جربت التحويل البنكي بس إذا عن طريق الـ BBK بسهولة أون لاين تقدرين تتابعين شنو دخل في حسابج وشنو طلع

بالنسبة للتحويل صج... انا بعد تعبت معاهم

كل مرة يحولون لي المبلغ قاصر 40 ريال وأحياناً 50 ريال بعد

بعدها يطلع أن البنت ما دفعت رسوم التحويل وخصموها من المبلغ

وهم نفس الشي في بعض محلات الصرافة تحول لج البنت المبلغ على محل صرافة غير (يمكن هي عندها أرخص الله العالم) وبعدين لما انتي تروحين تستلمين ياخذون رسوم على الاستلام! وبجذي ضاع 3 أرباع المبلغ!!!

لا تتعاملين مع صرافة الزنج ولا صرافة اليوسف

عندش أحسن شي الوسترن يونيون و شركة البحرين المالية

وأكدي على زباينش أن يطرشون لش عن طريقهم مو عن طريق شي غير

الله يعينكن ياخواتي انا ماأوصل خارج الإمارات مب عشان هذي الأشياء لا بس لأني صار لي فترة بسيطة أتاجر عن طريق المنتدى وماعندي خبرة لكن شكلي بفك عمري من وجع الرأس وبخليني محليه فقط هههههههههههههههههههههههه

ماشاء الله البنات كفوا ووفوا ماخلولي شي أقوله

مشكورين خواتي التاجرات كفيتو و فيتو :)

اخت اوريانا انا عندي حوالة في اليوسف للحين ما استلمتها يعني بيخصمون منها؟؟

من كل صوب يقطعون منا ما صفينا على شي :(

إيه... بيخصمون حتى أنا تفاجأت اليوسف والزنج نفس الشي

يخصمون تقريباً دينارين إلى 3 دينار على الاستلام

أنا كان المفروض يوصلني 17 دينار ونص

وصلني 14 دينار!

ولما سألتهم ليش؟ قالوا أصلاً من أساس كان واصل 16 مو 17 ونص!
وبعد أحنا نخصم على الاستلام!

يعني الزبونات مع احترامي للجميع بعضهم لما تقولين لهم هالكثر يدزون لش أقل
وبعضهم ما يدفعون رسوم التحويل وينخصم
وبعضهم يختارون محلات صرافة تخصم من الصوبين التحويل والاستلام!

بالضبط ما صفينا على شي!!

عادي خيتو... الأخطاء اللي ألحين صادتنا بنتعلم منها :) حالي من حالش لأني

انا قايله لهم على الوستيرن يونين لانه مفتوح 24 ساعه في المطار

و حتى شركة البحرين المالية لكن لا حياه لمن تنادي

وحده حلوت لي على صرافه الامارات والله زينه يعني بعد ممكن هذي تستلمين عن طريقها و تحولين عن طريقها ارخص عن الوستيرن يونين

انا احول فلوس عن طريق الوسترين ياخون عليي 14 دينار رسوم و عن طريق حوالة الامارات يحولون لي نفس المبلغ و برسوم 6 دينار يعني اقل من النص و من غير ما يخصمون شي من المبلغ

حلو والله... وين مكانهم صرافة الإمارات؟ أنا في وحدة كانت بترسل لي عليها بس لأني ما اعرفها قلت لها على شركة البحرين المالية .. تعاملهم حلو لأن

خبريني وين مكانهم صرافة الإمارات

مقابل مجمع يتيم بالضبط من جهه المدخل مو من جهه الشارع العام