طريقة عمل حلاوة لازاله الشعر بمشروب فانتا .. الطريقة سهلا جدا
وللبنات اللي يحبون يتعلمون طريقتها
الموضوع من جهدي الشخصي .. واي بنت بامكانها نقل الموضوع على انها فقط ما تنسبه لنفسها
لنبدأ
المقادير :
نصف لتر مشروب فانتا
ربع كيلو من مسحوق السكر ( سنيده)
نمزح الفانتا مع مسحوق السكر
ونحركها الين يدوب السكر
وحطي الفانتا على نار هاديه .. خلها ع الاخر
مده الطهي تقريبا 55 دقيقه ( انا خليتها من ساعه 6:08 الين ساعه 7:03) ولاتخلونها تحترق بتصير كلها رغوه كثيفه واذا شلتوها بتصير على شكل عسل ثقيل
بعدين شيلي الفانتا من على النار .. اتركيها بس دقيقتين وجيبي كيس بلاستيك يكون سميك افرشي اي صحن بالبلاستيك وصبي عليه الفانتا ..
حتى ما تلتصق بعدين بالاناء .. والبلاستيك يساعدك
انا مالقيت الا كيس بلاستيك اسود سميك ومشيت بيه حالي
بعدما تبرد شوي الفانتا راح تصير متماسكه بس تكون دافيا وبامكانك لمسها اخديها ومدديها باصابعك الين يصير لونها كده
وبحركه كده الين تصير جاهزه
والحين الفانتا صارت حلاوه جاهزه وراح تكفي اكثر من بنت
اعملي فيها كورات واستعملي القدر اللي يكفيك والباقي بامكانك تحتفظن به بالثلاجه
ووقتما تبينها ماعليك الا تدفينها بيدينك الين تتمدد وتصير لينه واستعمليها لازاله الشعر
الحلاوه تمدينها على عكس منبت الشعر وبخفه تشلينها
ومبروك تعلمتي عمل حلاوه الفانتا لازاله الشعر
نسيت اذكر ان الشعر يطلع بعدها اخف من الاول وتقريبا بعد شهر من استعمالها
ملاحظه يا بنات : اذا استعملتي الحلاوه للوجه وشلتي الشعر خدي زبادي بارد جدا وضعيه على وجهك (للمغربيات جيرفي الاطفال احسن زبادي )
ولاتنسون التقيييييم يا بنات