خايفه من الحمل شسوي !!!

انا بقولج تجربه امي الله يحفظها

بيني وبين اخواني كلهم 4 سنوات
احنا 4 \ صبيين وبنتين

فالاحسن اذا ولدج كمل الـ4 سنوات
تفكرين تحملين
عشان يكون كبران شوي
وفاهم :)
فهمتي علي !
هذا رايي وهذا اللي بسويه اصلا انا
لأنه مسؤوليه اثنين كثير صعبه
وخصوصا بوقتنا الحالي

الصراحه انا كل اللي اعرفهن يابو 2 ووقفو...~ والحمدلله ماشيه امورهم تمام
وكل وحده على حسب اللي يريحها
اذا تحسين انج من الحين ما بتقدرين على 2 فلا تحملين واجلي الحمل لين ما يكبر الياهل ..~ والله يوفقج

شوفي حبيبتي انا حملت في بنتي وولدي عمرة 8 شهور ويوم ولدت عمر ولدي سنه و4 شهور تتخيلين كيف كانهم توأم بس لو تشوفينهم حلوين يخافون على بعض ويلعبون مع بعض ويبوسون بعض ... وبالنسبة للتربيه الصراحه ما تعبت وايد لانه اهلي حوليني وعندي خدامة وبوم كنت اسويلهم اسوي كل شي مع بعض يعني اذا بدلت هذا ابدل البنت بعد اذا اكلت هذا اكلت البنت بعد يعني ما عانيت وايد

بالنسبة للطلعه من يم يبتهم الين الحين عمري ما خطت قبل لا اطلع طلعاتي كلها فجائية ..

يعني اذا انتي توكلتي على الله الله بيسهل عليج وكل ياهل ايي برزقه

والحمدلله الحين انا حامل بس تبين الصراحه هاي المرة انا خايفه لاني تهايزت ومالي بارض عالغارية بس ان شاء الله ربج كريم وبيخفف علي يوم بولد وبيحنن قلبي

مشكورين خواتي اللي رديتو عليي

انا السنه الجايه داشه الثلاثين عشان جذي احس روحي في سباق مع الزمن

يعني لو بعدني صغيره شوي جان عندي مجال اقعد اخلي فترات بين عيالي

بس دامني داشه الثلاثين و بخلي فرق بينهم يعني بظل للاربعين احمل و اولد !!!! ماتخيل روحي

عشان جذي متحيرة و طاقتني الطوف من جهه ابي اخلي فرق و اريح نفسي و من جهه ثانيه العمر يجري

توني اتكلم مع زوجيابيه يساعدني شوي بالقرار

هو عندده عادي و وده احمل من زمان بس فكرته على الياهل وين بنحطه كنت احط ولدي عند خالتي بس اهي الحين تعبانه مسويه عملية يقول ننطر لين تخف

بس حتى لو خفت مابي اودي الجديد عندها لانه تعبت من التربية بعد الواحد يحس على دمه

الحين ندمانه على اني ظليت فتره طويله مخطوبة جان تزوجت بسرعه و صار عندي مجال اسوي فرق بين اليهال من غير ما اشيل هم العمر :(

مراوي

انا بعد سنتين داخلة الثلاثين واختي من كمن شهر والده وهي متزوجه عمرها 32 والحين عمرها 33

طيب ليش ما تخلين الحمل يصير بشهر 3 او 4 !!
لان بعدين في الصيف بتكونين حامل في الشهور الوسطى يعني فترة امان وتقدرين تسافرين عادي ولو ان بتتعبين شوي ولازم بتحاسبين اكثر !!
وعلى ما تولدين بيكون ولدج عمره 3 سنوات ونص .. وهذا عمر مناسب علشان تيبين اخ او اخت لولدج :wink:


انا بحملي الثاني كنا مخططين نسافر وصادف اني حملت بشهر 3 لكن ما كنسلت السفر وسافرنا بشهر 7 وكنت حامل في الشهر الخامس والحمدلله استانسنا وايد :)


وعن التعب ان شاء الله الله بيقدرج عليهم اثنينهم ..

وبالنسبة عن اليهال وخالتج انتي ما بتحملين اليوم وبتولدين بكره .. الا يبيلج فترة وكفاية 9 اشهر الحمل وبعدين شهرين اجازة الوضع بيتكونين مع البيبي وما بتتركينه وبتداومين الا لين صار عمره شهرين يعني بعد في فترة طويله وبتكون خالتج صارت احسن ان شاء الله وولدج بيكون خلاص في سن الروضة يعني وقتها ما بيصير عندج الا الصغير وان شاء الله تقدر عليه خالتج :)

بجعه انتي بعد سنتين بتدخلين ال30 يعني زين يعني تقريبا مابتدخلين ال30 الا مخلصه و قاطعه شوط كبير في عدد حملاتك بس انا 30 و انا توني اول واحد غلطتي طولت الخطوبة وراحت عليي سنين من عمري عالفاضي مشيت ورا الكلام ان الخطوبة احلى فترات بالنسبة للبنت

================
ماما حسون مايناسبني احمل بشهر 3 او 4 لان حسب الجدول الصيني يكون ولد بإذن الله طبعا وانا ودي في بنت و بعد لاني مدرسة و حملي بشهر 4 يعني ولادتي بتكون نهايه السنة وبالتالي بتروح عليي اجازه الامومه في عطلة الربيع

ساعات اقول خلها لشهر 1 و ساعتها يحلها الف حلال لاني مليت من التفكير بس الحين انا فيني الدوره يعني اذا ابي بنت المفروض الجماع يكون في اليوم 11 من الدوره

من جذي احس ماعندي وقت للتفكير و هذا اللي ضاغط عليي

اهلين مراوي ..


بالنسبة عن الجدول الصيني لا تصدقيييييينه :eek:

انا بولدي الاول طلع معاي مضبووووط اما بالثاني صار الحمل بدون تخطيط وحسبت في الجدول الصيني طلع لي بنت واتذكر صديقتي العضوة ( جمانة ) حملت معاي بنفس الشهر وطلع لها ولد وبعدين صار العكس انا جبت الولد وهي جابت البنت دليل على ان الجدول الصيني ما يصددددددق وهذه كتجربة شخصية وفي بنات اعرفهم وحسبت لهم وما صدق معاهم الجدول (n)

وعن موضوع اجازة الوضع بتصادف اجازة الربيع فأنا اشوف ان انتي مضطرة ولازم ما تفكرين في هالاشياء الحين <<< هذه وجهة نظري يعني ( حتى لو صادف انج بتولدين في العطلة الصيفية عادي ما دام انج حابة تحملين الحين (a) )

وعن العمر انتي عكسي ههههههههههههههه انا ما طولت ابد في الخطوبة .. انخطبت وتزوجت وانا عمري 19 وحملت مبااااشرة وولدت وانا عمري 20 سنة وبعد سنتين حملت بولدي الثاني ( بدون رغبة ) وولدت وانا عمري 23 سنة وكل احس روحي ما استانست مع زوجي من بدايتها حمل وعيال واتمنى لو يرجع الزمن ورا كنت رتبت اموري بحيث ان اظل مخطوبة مو اقل من 5 سنين :D والحين عمري 25 سنة وما افكر في الحمل نهاااائي رغم ان زوجي بدا يحن شوي ع العيال لكن رافضة رفض قااااطع :o

بقولك بختصار .. !


انا لما فكرت بالحمل هالمرة ابدا ما فكرت براحتي او ظروفي .. و لو اني ناوية ادرس ان شاء الله !


فكرت بس بولدي شلون بيكبر و مامعاه اخ او اخت بالبيت .. ! و قررنا الحمدلله و كلش مو متخوفة من بعد الولادة بتربية 2 و لو اني توي 21 عمري ، بس سعادتي بتكوين اسرة حلوة .. خل اتعب بس أهم الشي التنظيم ، و كل شي بوقته حلو !

مراوي انا مثلك بنتي عمرها سنتين ونص ومخططة اني احمل بس اوقات اتردد واخاف اني اتعب معاهم ومرات احس افضل علشان يربون مع بعض
بس انتي تقولي عمرك 30 وانتي تبي بنت والجدول الصيني شهر 3 و4 بنت مش ولد ؟؟؟ وشهر و1 ولد للي عمرها 30 ؟؟ انا هاذا الي قريتة لما اطلعت على الجدول والله ايش رايك

الله يرزقني الحمل يارب عاجلا قريبا ادعووا بالحمل يابنات واللي ماتحمل بسرعه شلون تنظم حملها ؟

مدامش وصلتين الثلاثين

نصيحة من اخت لاختها ،، احملي الحين وجيبي الثاني احسن لج

والسفر لاحقة عليه ،، وحتى تقدرين تسافرين وانتي حامل << مجرب اني الوضع

وعلى التربية مو صعب لديك الدرجة انا جبت اطفالي والفرق بينهم لا يتعدى السنتين وربيتهم لوحدي بدون مساعدة أحد ..

والحمد لله وفقت في التربية واكو هم يكبرن مع بعض

أنثى ماشاء الله عليش صغنونة

ليال احمد;8203892:
مراوي انا مثلك بنتي عمرها سنتين ونص ومخططة اني احمل بس اوقات اتردد واخاف اني اتعب معاهم ومرات احس افضل علشان يربون مع بعض
بس انتي تقولي عمرك 30 وانتي تبي بنت والجدول الصيني شهر 3 و4 بنت مش ولد ؟؟؟ وشهر و1 ولد للي عمرها 30 ؟؟ انا هاذا الي قريتة لما اطلعت على الجدول والله ايش رايك

هلا اختي ليال احمد

اشوى في وحده تحس فيني
انا دخلت الحين عمري 29 سنه و شهر يعني دخلت الثلاثين و الجدول الصيني يحسب السنوات الصحيحة و تتركين الاشهر يعني الحساب يكون على ان عمري 29

انتي لو اصغر مني بسيطة عندك مجال تاخذين راحتك بالتفكير بس لو انتي من سني تقريبا شنو ناوية تسوين؟؟ ساعديني

شمس 31116;8205426:
الله يرزقني الحمل يارب عاجلا قريبا ادعووا بالحمل يابنات واللي ماتحمل بسرعه شلون تنظم حملها ؟

هلا اختي شمس
ترى الصعوبة في الحمل أول مره بعدين يصير عادي تحملين
لاني اعرف وحده كانت ظلت 6 سنين مو حامل مع انها ماعندهم مشاكل هي و زوجها بس من الله و بعدين سوت تلقيح و حملت و جابت توم بنات
و على بالها ان حملها صعب فأخذت راحتها مع زوجها و حملت عليهم بعد 4 شهور يمكن و جابت بنوته

و وحده ثانيه بعد اول زواجها ظلت 8 اشهر ماحملت و بعدها حملت بعد ماتعالجت
و المره الثانيه بعد تجربتين بس حملت على طول يوم قررو انهم يبون الثاني

بسمة أطفالي;8206426:
مدامش وصلتين الثلاثين

نصيحة من اخت لاختها ،، احملي الحين وجيبي الثاني احسن لج

والسفر لاحقة عليه ،، وحتى تقدرين تسافرين وانتي حامل << مجرب اني الوضع

وعلى التربية مو صعب لديك الدرجة انا جبت اطفالي والفرق بينهم لا يتعدى السنتين وربيتهم لوحدي بدون مساعدة أحد ..

والحمد لله وفقت في التربية واكو هم يكبرن مع بعض

أنثى ماشاء الله عليش صغنونة

والله اني اشوف كلامك عين الصواب اختي بسمة اقول يالله يا بنت خلي عنك السفر بتابعين السفر السفر ما يخلص , العام حملت بالغلط و قلبت الدنيا من الصياح لاني مو مخططه له و كانت بنيتي بسافر الصيف من الحنه طاح في اسبوعه

كله منهم هالدببه زميلاتي سوو لي عقده نفسية كل وحده تجيب الثاني تجي و تعيد نفس الكلمة ( الحياه بواحد جنة الحياه بأثنين عذااااااب :mad:)
من جذي كله اخاف اني اطز عيوني بإيدي و اقول بعدين جان زين منتظره شوي العذاب جاي جاي ليش ماصبرتي

حبوبه انا نفس الشي ودي اسافر ومع ذلك حملت فقررنا نسافر وان بالشهر الخامس ومعانا بنوتي عمرها سنتين وشهرين وماظنتي راح تلعوزنا لانها كبرت
توكلي على الله والله راح ييسرها لج

meeeera;8208755:
حبوبه انا نفس الشي ودي اسافر ومع ذلك حملت فقررنا نسافر وان بالشهر الخامس ومعانا بنوتي عمرها سنتين وشهرين وماظنتي راح تلعوزنا لانها كبرت
توكلي على الله والله راح ييسرها لج

مو قادره اخذ قرار .. شكلي بخليها تجي مثل ماتجي
صج انه قرار متعب

انا اصغر منج بوايد وتوني والده من 4 شهور وحملت وانا عمري 18 وولدت وانا 19 وافكر احمل بالبيبي 2 بعد سنتين لاني ابيهم يكبرون معاي فانا انصحج تحملين وانتي استخيري وسوي اللي يريحج..

فكري بتروي واستخيري الله

وان شاء الله الله بيهديج إلى الصواب


انا ببدايه العشرين ( 23 سنه) وعندي بنوته عمرها سنتين و3 اشهر

وحاليا حامل بدون تخطيط صحيح

لكن بعد مااستقر حملي ومضى 4 شهور وشوي شفت البيبي بالسونار وفرحت مرررره

وان كل همي مثلك كيف بربي 2 وحده ماني قادره عليها كيف2

لكن فجأة صار كل همي اولد بالسلامه واشوف قمري الثاني واشوف فرحه بنتي بالبيبي


اتكلي على الله واحملي ترى كل حمل يختلف عن 2 أسألي مجرب

ولا تتأخري واجد جيبي واحد الحين وبعدين صبري لين يصير 3 سنوات واحملي

وعادي ترى لو حملت بأواخر 30

انا عن نفسي متفقة مع زوجي 2 وبس عشان كذا كنا ناويين نأخر الحمل 4 او 5 سنوات

ولكن إرادة الله فوق ارادة الجميع


وان شاء الله بعد ولادتي ماراح أفكر اجيب غير هالثنين

مااحس نفسي بقد تربية ازيد من 2

انتي شاوري زوجك وحددوا كم تبوا تجيبوا فبيكون قرارك أسهل


الله يقدم اللي فيه الخير لينا ولك