..ربي ينولها اللي في بالها اللي بتساعدني..>.<..

m

miss ribbon

عروس جديدة

24-12-2008 | 10:32 PM

السلام عليكم ورحمة الله وبركاته..

خواتي العزيزات محتاجه ابيات شعريه لتوزيعات العرس..

التوزيعات عباره عن عطور صغيره.ابي ابيات شعريه للتوزيعات ..

تدل عالعطر..

اذا ممكن حد يساعدني وربي يوفقكم جميعا"

v

vanilla cake

عروس ماسية

25-12-2008 | 12:14 AM

والله حبيبتي من فتره صار عرس بنت خالتي وسوينا توزيعات لها وكتبت ابيات شعريه عليها من تأليفي بقولها لج وان شاء الله تعجبج بنت خالتي اسمها فاطمه فكتبت عنها :

(1)
يا كل الزيـــــن يا شيخــة المزاييـــن
يغار القمر من حسنــــــــج ومزايـــاج
يلي بحلاج وذوقج تشهد لج الملايين
يا فاطمه عسى الفرح دوم ملفــــاج
(وكتبت بعد)
(2)
يلي حلاج غطى على الكــــل
سبحان من صورج وســـــواج
يا ريحة العنبر والمسك والفل
أطلب من الله يحفظج ويرعاج

ش

شووق الذكرى

عروس برونزية

25-12-2008 | 01:27 AM

والله ياقلبي ماعندي بس حبيت ارفع لك الموضووووع

أ

أميرة بإمارتي

عروس مشاركة

25-12-2008 | 05:06 AM

ياعطوري عطريهم وبا أطيب الطيب حييهم

عباره صغيرة وبسيطه وتدل عالعطر والترحيب وحطي تحتها التاريخ وشعار باسم العروس والمعرس وخلاص
واذا تبين دزيلي الاسماء عالخاص والتاريخ وانه اسويلج البطاقه

ق

قلبي مملكة زوجي يملكه

عروس نشيطة

25-12-2008 | 07:09 AM

أجمل و أحلى تحية ..
مغلفة بالورود...
ومعطرة بدهن العود..
إلى ضيوفنا...
اللي غلاهم عندنا ماله حدود..

ح

حبيبته ودلوعته

عروس رائعة

29-12-2008 | 05:52 AM

والله ماعندي بس ماحبيت اقرا المووضووع واطنشك