مساكم ورد وكادي وجوري وكل شي
يابنات ياحوامل انا كثير أقرأ في المنتديات عن خلطات لاازاله الكرشه بعد الولاده
وعن المشد الاندونيسي ومشدات اخرى ومشروبات وخزعبلات مالها اول من تالي
علميا يابنات عضلات البطن تكون مشدوده قبل الحمل وتكون متوازيه يعني خطين متوازيان
طوليا بجنب بعض واثناء الحمل وتمدد البطن وكبر حجمه يصير افتراق في هذه العضلات وتصير
عوضا عن توازيها مقوسه ويصير بالوسط فجوه وهذي الفجوه هي التي تظهر البطن كبير الحجم
وبه ترهل بعد الولاده لان عضلات البطن تراخت وتحتاج وقت عشان ترجع على ماكانت عليه
هذا الوقت مو يوم ولايومين والمفروض تصبرون عليها لم ترجع مو تجلسون تخربطون وتحطون
مشدات وخرابيط من اجل الاسراع في عمليه الارجاع لان راح يزيد الطين بله
انصحكم نصيحه لوجه الله تماررررررررررررررررررين عضلات البطن ضروريه جدا جدا جدا بعد الولاده
مهما كنتي رشيقه ونحيفه وجسمك رائع الكرشه لاحقتك ف لازم من تمارين البطن ضروريه
وتلاقونها بالمكتبات الكتب مليانه روحي ودوري لك على كتاب تمارين شد عضلات البطن
وحاولي من بعد ماتولدين شوي شوي تبدئي التمارين بس مو تبقين 40 يوم منسدحه لاتمارين ولاغيره لا ابدئي شوي شوي لان عضلات البطن تحتاج منك تمارين هادئه ومو قاسيه
عشان ترجع مثل ماكانت عليه وافضل وهذا الشي مو مستحيل ابدا وعن تجارب لااقارب لي
في تمارين للحوض تسوينها بعد الولاده وفي تمارين للبطن بعد الولاده ب اسبوع وحاولي دايم
تشطفين بطنك للداخل وانتي منسدحه وفي جرير يباع كتاب بل موسوعه عن الحمل والولاده
استعيني فيها
وابعدوا عن الخلطات والخزعبلات الي مالها داعي ترى والله كلها خرابيط مجمعه وكلها تجارب شخصيه تنطبق على ناس وناس ماتنطبق عليها ويمكن تصير مضاعفات اشد
