سلوك بنتي .. دمااااااااااااار

سندرلاء الرياض 23-12-2008 13 رد 3,620 مشاهدة
س
السلام عليكم ورحمة الله


كيفك ياعرايس


ادخل في الموضوع مباشرة

بنتي عمرها الحين سنة و6 شهور بالضبط ... وبحكم اني موظفة وما اطلع الا بعد العصر كان اغلب وقتها مع الشغالة ... بس كنت حريصة على انها تتعلق فيني وتكتسب مني المهارات بدل ما تكتسبها من الشغالة

ولما كنا نزور اهلي او اهل زوجي تكون معها الشغالة طول الوقت .. حتى وقتها خفت على بنتي تكون منطوية


لما صار عمرها سنة و10 اشهر سافرت الشغالة وجت وحده ثانيه وبعدها بكم شهر ولدت وتنومت بالمستشفى اكثر من 10 ايام وبعدها جلست في بيت اهلي فترة الاربعين ... كنت خايفة ان بنتي تتأثر بس الحمد لله ما صابتها عقده ... بس في هالوقت بنتي ظلت في بيت اهلي وطبعا الانطوائية اللي فيها اختفت وبالعكس صارت " فرندلي " بزيادة .. وبحكم وجود عيال اخواني بالبيت وهم اولاد اعمارهم من 15 وتحت ... كانو يقولون الفاظ مو زينه .. ويتعمدون انها تقولها (( مره لقيت واحد عمره 12 سنة ماسكها ويقول لها قولي حيوان .. قولي ... ))

المهم .. رجعت بيتي وحاولت ان البنت تنسى هالكلام ما نفع كل مالها تزداد سؤ

يعني كل اي شئ تقول " كل ..(a).. ، حيوان " وتتفل وتمد يدها !!

طنشت هالالفاظ وسويت نفسي ما اسمع .. ما نفع

ضربتها جاني سيل من الشتايم يالهوووووووووووووووي

المشكله حتى هي تلعب .. تقول هالحكي للألعاب ... اذا بغت تصور نفسها فيديو تجلس تتفنن بهالحكي

والمشكله هي بنت يعني بعد فترة بتتأدب ... بس اخوها عمره الحين 7 شهور .. اكيد بيكتسب الألفاظ منها والولد عاد اذا اخذ كلمة ما فكها

صرت استحي اخذها معي مكان تفشلني

رغم انها ما عمرها سمعتني او سمعت ابوها نسب او نشتم احد !!

فكرت اوديها حضانه علشان تتعلم حروف وارقام .. بس خفت تخرب عيال الناس

وش اسوي فيها .. حاولت احكي لها حكايات عن بنت حلوه كلامها حلو .. حسيت ما عندها استيعاب وماعجبتها القصة

سلوكها صاير عشواي اللي تبغاه تسويه ولا تجلس تهتف (( ماما يعه .. ماما يعه ))

اي اسلوب اتبعه معها التطنيش ولا الشده .... لان احس نفسي صرت قاسية عليها ...

كثير اسوي نفسي زعلت عليها ولا تفرق معها ... تتأثر اذا سويت نفسي ابكي وقتها تجيب منديل تبغى تمسح دموعي .. بس اخاف تتعود اني ضعيفة قدامها على اي موقف ابكي في نظرها !!
ا
شوفي خيوه الطفلة صغيرة مو تضربيها لا تعاندك واتكررماعليك الا اتكرري عليها قصة الطفلة اللي اتقول كلام وسخ وبعدين صار لسانها أحمراو طلع من لسانها دم أو صارت ماتعرف تتكلم لكن لما قالت كلام حلو رجعت تتكلم والدم وقف ..ومن هالكلام ..
.
.
عندنا أسلوب مضحك ونفع في هذي الحاله ,جربيه شهر وصدقيني بينفع :
اتجيبي كلمة قريبة من اللفظة السيئة واتكرريها قدامها بصوت عالي مثل
إذا اتقول حيوان او حيوانه === كلميها واضحكي بصوت عالي === بالونه بالونه
إذا اتقول كلب === كلميها واضحكي بصوت عالي == دب دب
بعض الأحيان الأم اتكون معصبه واتقول هذي الالفاظ وبدل ماتقول يا حمار اتصرخ واتقول يا فراوله ياقشطة ..
ههههههههههه وحده اولادها اذا يسبوا ما تسمعيهم الا يقولوا يا تفاحة يا خيارة يا قشطة فاكتشفنا ان الأم اذا صرخت عليهم اتقول هذا الشئ ولسانهم اتعود على ما تقول ..
.
.
المشكلة في البيت بتحليها لكن إذا طلعت برى وإذا احد كبير علمها اذا تسمعيه اقول لها واهي اتكرر ,,كل ماتسمعيها كرري الكلمة او المصطلح الحسن كالقشطة والفراولة ولما اتكمل السنتين او الثلاث انتي علميها ان هذي الفاظ مي زينة والله يودينا النار اذا قلنا كذا وانتي وشطارتك
س

عندنا أسلوب مضحك ونفع في هذي الحاله ,جربيه شهر وصدقيني بينفع :
اتجيبي كلمة قريبة من اللفظة السيئة واتكرريها قدامها بصوت عالي مثل
إذا اتقول حيوان او حيوانه === كلميها واضحكي بصوت عالي === بالونه بالونه


سويت هالطريقة ما فاتتني .. بس صار من ضمن سبها (( طماط )) !! .. بس ما ادري هي اقتبستها من كلمة " انطم "

المهم اذا شافتني قلت للشغاله طلعي طماط .. عصبت علي وتقول " ماما طماط ... لولو حلو " !! ==) صرت شريره في نظرها اسب الشغاله
م
أول نصيحه إبتعدي عن الضرب لأنها ما تستوعب أن اللي اتسويه غلط وشدتها عصبيتج وقالت خل ألعب مع الماما ، أنا معاج أن الامر مافي أي أم تتمنا أن اعيالها ايكونون ابهالتصرفات ، لكن لا اتهولين المشكله ، وحليها ابكل عقلانيه ، وهدوووووووووء ، لانها اتضن انها تلعب معاكي ، لذا إلعبي معاها .

راح تسأليني كيف :
1- طريقة الاخت عن تحويل الكلمات لمأكولات حلوه ( لا تيأسي وكوني أقوى وأذكى من هالنونو )
2- ييبي أي علبه زجاجيه وشفافه وقطعي فيا بقدونس مثلاً ( أو أي شيء يؤكل ) بشرط لا يضر الطفله ، وقوليلها أن هذا دوا للي اتقول ( وإنتي سمي اللفظ )
3- إذا حسيتي أن في تجاوب ولو بسيط كافئيها ( خذيها للألعاب أو اشتريلها اللعبه أو الشكولا اللي اتحبه ) وقوليلها لأنك بنت حلوه وشاطره وتسمع كلام الماما واتحب الماما ، الماما عملت هذا الشيء وكل البنات الحلوين والشطورين الماما تشتريلهم أو ......... هالامور
توجهي للمكتبه واشتري الكتب المتعلقه بسلوكيات الاطفال ومشاكلهم
شاركي في ورش العمل والمحاضرات و البرامج التلفزيونيه المتعلقه بالاطفال
ق
طيب إستخدمي معاها طريقة سوبر ناني

كانت تحط للأولاد المشاغبين لوحه كل واحد وأسمه ولما يسوي عمل زين تحط له نجمه أو ستيكر وكل أسبوع تحسب النجمات وتتفق مع الأولاد على شي يحبه يعني لما يجمع عشر نجمات تعطيه هديه بسيطه أو لعبه أو فلوس مبلغ بسيط، ولما تجمع عدد أكبر مثلا 30 نجمه توديه الملاهي وهكذا.

بس على شرط تتفقين معاها على كل شي
والشرط الثاني عليج يعني مو تحطين حرتج فيها يعني النجمة اللي حصلتها من عمل زين ما أتشيلينها لأنها ما نفذت أوامرج لكن يكفي إنج تقولين لها انج ماراح اتحصلين نجمه لأنج سويتي كذا وكذا.

ويفضل إن يكون في وقت خاص بك معاها يعني تلوين أو لعب مع بعض.

ولما الطفل يحس بأنه غير مرغوب وأهله مو مهتمين به

يا أما يكون عدواني
أو يكون منطوي وخجول
ج

تصدقين عاد ضحكتني هالاموره بسم الله عليها الله يصلحها انشاءالله .

حبيبتي الاختلاط هو الي ذابحنا يعني حنا نربط والمجتمع يفك حاولي تكلمين عيال اخوانك قولي لهم اذا

قالت بنتي هالكلام قولو لها لا هذا مو زين وخليهم يعلمونها الالفاض الحسنه مثل قولي بسم الله .. قولي

حق امك سمي .. قولي ربي .. لان بنتك راح تاخذ منهم اكثر باكثييييير مما تاخذه منك .. ولاتنسينهم من

الهدايا وثناء عليهم وانشاءالله يتفعلون معك اكثر وتستفدين من اصلاح بنتك و صلاحهم بأذن الله اتمنى لك

التوفيق والله يخلي لك هالبنوته
س
حياك " متينة وافتخر "

توجهي للمكتبه واشتري الكتب المتعلقه بسلوكيات الاطفال ومشاكلهم
شاركي في ورش العمل والمحاضرات و البرامج التلفزيونيه المتعلقه بالاطفال


شفت كثير برامج بس التطبيق مو سهل .. حتى فكرت اعرضها على اخصائية بس خواتي قالو بتعقدها اكثر

شكرا على مرورك
س
ياهلا اختي " قطاف "

الطريقة اللي قلتي عليها تنفع مع الكبار .. هي توها صغيرة " سنتين ونص " يعني ما راح تفهم

تسلمين على الرد
س
هلا " جويهر "

دوووم هالضحك يارب


قالت بنتي هالكلام قولو لها لا هذا مو زين وخليهم يعلمونها الالفاض الحسنه


حاولت يجلسون يحلفون ماقال شئ ... وكل واحد يرمي التهمه على الثاني .. تعرفين الاولاد بهالعمر يتعمدون العناد
ر
لما تقول مثل ماقالت الاخت لما كنت بنتي تقول لفظ مو زين اقول لها انتي موزه او تفاحه

الحين بس تزعل مني تقول لي انتي موزه


وبعدين اذا كانت عندها عروسه امسكيها واجلسي معاها وانت تلعبي تكلمي مع العروسه وقولي لها عيب مانقول حيوان وبعدين ما احبك وخلي بنت تقول الى العروسه نفس الشيء

علميها الخطاء مو باسلوب السرد للقصه باسلوب التطبيق لانها صغيره

واخدي لها قصص واقرائيهم اليها او خلها تشاهدهم شيء يشغلها وينسيها

الكلام الي مو زين
ا
افضل حل عندي وجربته مع ابني لانه وهو عمره سنة وشوي لقط كلمة حيوان من طفل من بره وصرت في البداية اسوي مثلك بس صرت اطنشه وكل ما يحاول يقولها الهيه اقول له مثلا شوف العصفور وظليت له بالمرصاد حتى نساها وطبعا اهم شي ماتحتك بالاطفال اللي ينطقوا بالالفاظ هذي جربي الطريقة وخبرينا بالنتيجة
أ
انا عندي لك حل
وان شاء الله ينفع
وانا جربته مره
روحي للصيدليه وخليه يعطيك مكروكوم ازرق مخفف وهي نايمه حطي ع لسانها ماراح يضرها ولما تصحى خليها تشوفه بالمرايه وقولي لها عشانك تقولي..........صار كذا بلسانك
بس حولي ماتكثري بعود اذن بقعه صغيره ولما تكررها كبري البقعه
اتمنى تنفع معك
س
يالهلا اختي " ربيعية "


بنتي مدمنه تلفزيون خصوصا توم وجيري .. وابوها يقول انهم هم اللي علموها العنف

وهاليومين صايرة تحب " سالي " .. " هورس لاند " .. يعني مسلسلات البنات .. كذا بديت احس ان فيه امل ان توجهها صار بناتي


تسلمين على المرور
س
اهلين اختي " ايسمار "

جربت اطنش ما نفع

والاحتكاك .. صعب امنعها من مخالطة الأولاد .. لان العائلة كلها اولاد بنتي الوحيد بنت في العائلة

تسلمين على الرد
X