السلام عليكم كروشات وامهات.. شخباركم..
الله يسلمكم موعدي كان 9/9/2008 بس انا ولدت من اول اسبوع من التاسع في 20/8/2008
وفي الموافق 19/8/2008 دقت في راسي اعدل البيت واغير الديكور وفعلا اشتغلت شغل هلكني وكأن قلبي حاس اني بولد بس كلش ماكان ع بالي لان ماكان فيني ولا نتفه ألم ولا دم ولا شي وعاد اقولكم توني فاتحه الكبت ابي اغير ملابسي الا واحس بشي دافي نزل قلت لا يمكن افرازات عاديه وخذيت لي بدله وافتربت ع الجهه الثانيه الا احس نزل شي دافي مره ثانيه جان اشير مكاني الا يقولي زوجي اشفيج؟! اقوله كأن احس بشي نزل مني!! << قمه في التفهي عادي معروفه انا.. المهم يقولي روحي الحمام شوفي وجان امسك دبتي واركض<< عبالها بتطيح.. انزين رحت اشيك.. الا اشوف الماي نازل.. وقمت تغسلت وزوجي واقف الله يعزكم عند باب الحمام يسأل ها اشصاير؟؟ عاد قلت له وكانت ع الساعه 9ونص في الليل وقال يلا بدلي خلنا نروح المستشفى وهو راح يشغل السياره وحط شنطه المستشفى وخبر اهله عاد ماصدقت اخته يات ركيض ودشت علي واما ابدل اقولها صكي عيونج لا تشوفين وعاد وانا ابدل شلالات تنزل علي لعوزت البيت في كل مكان بقعه المووووووهيم ركبت السياره وانا اخرر ماي لوعوزت السياره مع اني لابسه احتياطات بس مافي فايده ووين الطريج زحمه واحنا من الرفاع والمسشفى بعيد في الجفير.. (مستشفى البحرين التخصصي) وانا ع اعصابي اقول ان شاء الله مافي ولاده ابي اصوم ولو يوم من رمضان وام زوجي وراي قاعده وتقول لا مافي ولاده وانتي دليعه واففف قهرتني حسستني وكأني جذابه اقولها شوفي الماي شلون ينزل الموهييييييم طنشتها واخيرا..
وصلنا ونزلت وحزتها شافت بعيونها عباتي كلها ماي وقاعد ينزل من تحت البانطلون يعني ماتم مكان مابصمت فيه خخخ
وطبعا اهل زوجي كلهم حوليني مستانسين اول بيبي لهم وامي مسكينه ماكانت تدري كانت رايحه حفله زواج وعقب خبروها ويات والموهيم وقالو لي تنويم الماي وايد قاعد ينزل وشيكوني لقو مفتوح 1سم بس ياهي اذبحتني يوم شيكت وانا ساكته ولا كلمه بس اخذ نفس << بكريات لا تخاقون ترى كل الالام محتمله والولاده حلوة..
المهم ماكان في طلق وعطوني طلق صناعي وابره مهدئه وقالو نامي عشان يكون عندج قوه وقت والولاده بس انا مانمت ومع الوقت ياني الم وكل شوي يزيد وانا ساكته وكلما يجيني الالم اخذ نفس وهذا اللي ساعدني وزوجي فديته ماخلاني كان ماسك القرآن و يقرأ علي وما شاء الله ماكنت اصرخ ولا قلت آه والدكتوره والممرضات مستانسين علي كنت اتألم بس اسولف واضحك وياهم وكانت الدكتوره تقولي والله انج عسل انتي حاله من بين 100 وحده الي مايعذبونا وطبعا تشققت من الوناسه وظلو كل ساعتين او 3 ساعات يشوفون كم سم وماكنت ازيد وايد يا نص سم يا سم 1 واانواع من الاحباط وبعد كنت اقاوم الالم واسولف واضحك والممرضات يقولون لي اخذي الاكسجين وانا متفرعنه مابيه ولين الساعه 8 الصبح شيكوني كنت 3 سم وقعدت اصارع الالام والساعه 11 ودوني غرفه الولاده وكنت 4سم والساعه 3 العصر صرت6 سم وبعدين ع الساعه 6 صرت 7ونص وبعد كنت متحمله الالم وقالت الدكتوره ماتحسين بوش اقولها لا قالت نصبر شوي وصبرنا لين 9 ونص وصلت 9ونص سم وانا مافيني بوش كلش عاد اهني تعبت وخذيت الاوكسجين وصرت مثل المكفخه من التعب وبعدين الدكتوره قالت ماقدر اخليها اكثر وايد صبرنا عليها وطلع عندي الحوض صغير الراس مايمر وقررو عمليه ووقعنا انا وزوجي وولدت والحمدلله قيصري بنوته حلوه اسمها
(f)حـــور(f)
وكان وزتها ما شاء الله 2.614 كيلو غرام
(f)حـــور(f)
وكان وزتها ما شاء الله 2.614 كيلو غرام
وبعد ما صحوني من التخدير كنت حيل تعبانه وكان في واحد في العمليات وايد زاعجني وهو يناديني يبيني ارد عليه وانا موقادره بلعومي ناشف ودخلو لي زوجي وسألوني سؤال سخيف من هذي؟؟ اقولهم حبيبي خخخ:o وجاني يبوسني ع راسي ويقولي الحمدلله ع السلامه جان مادري من وين طلعت قوتي وطقيته من الالم:mad:.. وبعد ماطلعوني اهلي واهل زوجي يباركون لي ويتحمدون لي ع السلامه عاد كانت خاله زوجي وايد اتهذر وزاعجتني جان اصرخ عليها بقمه راسي :mad:[SIZE=5][SIZE=5]خالتي سكتي:mad: مساكين اشردو من صراخي وصار هدوء وكلهم يمشون وراي والله يكرمكم صوت نعاله امي وايد زاعجتني واصرخ وانا في الممر :mad:يمه فصخي نعالتج:mad::oخخخخخ والله كنت هلكانه 24 ساعه طلق واخر شي عمليه الحمدلله ع كل حال..والحين بنتي عمرها 4 شهور ما شاء الله ربي يحفظها..[/SIZE]
وسامحوني طولت والله يسهل ع كل حامل ويرزق كل محرومه يارب..
تحياتي لكم
:15:الحب الكبير:15:
:15:الحب الكبير:15:
[/SIZE]