زميلي في العمـــل ..

ههههههه حبيبتي برد عليج لانج اماراتيه نفسي مع احترامي للجميع طبعا بس يمكن يكون يحبج اذا ماكنت متزوجه لان باين ان يعاملج انت بس بها المعامله والله يسر امورج حبيبتي وحاولي ماتاخذي منه شي واذا طلبه شريف لازميدل باب البيت والسموحه منج

انا رئيي من رئي الاخت الي ردت قبلي
يعني ممكن يكون غرضه الزواج
بس نصيحه مني الج لا تاخذين منه شي لان ممكن يكون لا سمح الله غرضه مو شريف يعني الناس ما تنعرف وانتي كلتي انه هو مجرد زميل وبالقسم الثاني
وممكن بعدين اذا رفضتيه او صار شي يذكرج فيهن يعني بالعربي لا تخلين عليج شي حتى اذا لا سمح الله صار شي تكونين واثقه من نفسج
وانا اكولج هذا الكلام لان مار عليه من صديقاتي يعني صار معاهن نفس الشي
او ممكن تسالينه ليش ادزلي انا بالذات ؟


اتمنى ما تزعلين مني
وتقبلي مروري

طيب اختي ماهو سؤالك بالضبط ؟ عن الحلويات ولا عن ايش ..

اختي قبول الفتاه لهديه من شخص غريب حتى لو كان زميل بالعمل يعني علامه يوصلها الرجل للمرأه .. ويعني انها .. قبول لاي شيء اخر ..

فلهذا اختي .. لو ارسل لك هالشخص مره اخرى شي ارسليه له .. واخبريه انك قبلتي المره الاولى مجامله منك له .. ولكن عليه ان لا يعتاد هذه الامور ..

وريال يسأل عن حرمه صفته شنو بالضبط ....

لو شاريج ما له داعي هالمقدمات ... الغاليه اتمنى عدم قبول الهدايه .. احنا مب في امريكا..

ام جنى

تسلمون بنات على النصائح بس مره اذكر انه نزل القسم عندي قبل ما يظهر يسلم
فقعد يسولف ويقول ان الوالده الي هي امه تباه يتزوج قلت له انزين ليش شو تترياء الين الحين سكت وغير الموضوع ..

بس الشي الي مطنني ان الحمدالله اخواني بالدوام معايه هو يعرف واحد منهم حتى مره انصدم لما خبرته وتصرفاته صارت غير واااااااااااااااايد ..

الحلويات الي ينزلها انا اخليها بالقسم لان قسمي فيه 3 بنات وموظف مع قسم ثاني يكونون يناوبون الين اليوم الثاني يعني في طاوله عليها دله شاي وقهور وحليب وصحن حلويات ..

فتقريبا كل الموظفين من اقسام ثانيه يمرون يشربون ويطلعون وهو ساعات ينزل ويطلع معاهم ..


قبول لشي اخر !!!

لا الحمدالله ما توصل الين هذه الدرجه :eek: انا موظفه معايه خواتي واخواني بالنفس مكان العمل ..


واحياناً من موظفين وموظفات يكون فيه ريوق او عزيمه او هدايا اذا في مناسبه .. واحياناً بدون مناسبه مجال عمل لا اكثر ولا اقل ...


اذا على موضوع غرض الزواج انا عمري 30 وطالع واحياناً اقول مب مقعول واحد في سنه 26 سنه يفكر في وحده عمرها كبير :ss: ..

بس الحمدالله الكل يشهد بأخلاقي وشغلي ومجهودي بالعمل ..

ربي يسعدك ويهنيك ..

زي ماقالو لك البنات لاتقبلي منه هدايا وبيني له إن هذا مكان عمل وليس مكان تهادي
عشان إذا براسه شي يطلع وبيصارحك

وبالتوفيق حبيبتي ..

االاخت ام جنى ما فصرت ما كان لازم تقبلي اى هدايا منه لانه هتنفهم شي ثانى قدام الموظفين ولازم يكون فيه حدود للعلاقه اذا غرضه الزواج يتقدم من غير لف ودوران

وعليكم السلام ورحمة الله وبركاته

هلا فيج اختي العزيزة

زملاء العمل انواع : منهم من يتعامل باخوية وعفوية ومنهم من يحب التحدث مع الفتيات

للتفاخر بأنه محط اعجاب وتقبل الفتيات له ..

وشخصيا ما اتحدث مع اي حد الا بجدية وممكن لو واحد فكر يخطبني بيهون -خخخخ-

مستحيل اضحك مع احد غريب - وتعاملي رسمي لابعد الحدود..

مااعرف شو اقولج ؟ بس المفترض ماتقبلين اي شي منه ؟ هو شو على باله يعني - كل فترة والثانية يايب لج حلاوة !

مو زينة لج انتي ؟ صحيح الواحد ما يفكر بحجي الناس - دام انج واثقة من نفسج ولا عليج من كلام الغير ،،

بس ماتدرين اللي حواليج شو يقولن عنج!

حاذري اختي الغالية ولا تقبلين اي شي ثاني منه -واول ما يوصلج شي رديه بلا شوشرة ولو سأل قوليله

ماله داعي هالحلاوة - شكرا لك ولا تكلف على روحك .. صدقيني يااختي بتكبرين في عيون الناس برفضج هذا ..

بقولج موقف صار لربيعتي : هي من النوع اللي تسولف وايد -يعني تعاملها عفوي

وكل من حواليها تشوفهم اخوانها

- مرة احد الزملاء ياب لهاحلاوة وحطهاعلى مكتبها وراح وهي لما رجعت من البريك

شافتها وسألت منو يابها - انا ماكنت اعرف منو - بس هالشخص بنفسه رجع وشاف

الحلاوة مكانها وقال لربيعتي انا يبت الحلاوة -ليش ما اكلتيها ؟

قالت : شكرا بس ليش تعبت روحك -

بس انا ما ابيها -خذها والا برميها ..

والله والله -بعدها ما قام يسوي هالحركات وصارت محط احترامه وتقديره ..

إن شاء الله خير و يا ريت نيته صافيه و نسمع منج خبر حلوووو :)

ترا تستوي هالمواقف يالغاليه بسسسسس تحذري واااااااااااااااايد

أنا بعد من خلال دوامي كستمر لين يومج أصلا ما شفته كله عن طريق التلفون .. قالي أنا يايبلج صوغه و عقب كم يوم بتوصلج و خلي المساعد ينزل ياخذه .. على كثر ما رفضت و قلت ماله داعي قال أبدا !! فاقولج قمت أحط كم شي من هني و هناك .. عطر على دخون و حطيتهن في إيد المساعد و قلتله خذ منه و عطه هالكيس :)

لأني أكيد مابا أحرج عمري و آخذ شي يكون له معنى ثاني .. هو الصراحه رفض ياخذ اللي أنا يبته و افتشل بس قلتله إلا شي بسيط و انته جي جي كلفت على عمرك و من هالسوالف

ملخص الكلام لا تحطينه في بالج و مثل ما قالوا الخوات لا تقبلين منه شي و اذا يبتي شي مره ثانيه هاتيه للكل بيكووون أحسن

إذا أنتي تشوفينها عادي عشان أنتي أكبر منه وهلج معاج بالدوام

على راحتج

بس أنا أشوف ان المبالغ الزايده عن حدها في تقديم الحلاوه والعصير شي تحته ألف خط أحمر

أنا موظفة بعد وأشتغل في مكان مختلط

وعندنا مطبخ بالإدارة واللي عنده أكل يبغي يجيبه يحطه في المطبخ ونكتب على السبوره تفضلو حلاوه أو كيك أو موالح أي شي، يعني هالطريقة مقبوله.

لكن أن شخص من إدارة ثانية يجيب لي أناااااااااا حلاوه وايحطهااااااااااا على طاولتي بالذات فهالشي اللي مو مقبول.

وأنتي بحكم أنج أكبر منه تحسين أنه ياهل وياب حلاوه للأبله مالته بس هو ريال والريال يتم ريال حتى لو كان أصغر منج.

أرجو أن رأيي ما يكون ثقيل لأني بطبيعتي صريحه وواضحة.

بسم الله الرحمن الرحيم
أختي فديتش لا تزعلين مني لاني بصراحة مو
مرتاحة لسالفة، أختي يمكن يكون يبي يقهر واحد
من خوانش الله يسلمهم لش على العموم عزيزتي خذي
حذرش منه والله يوفجش ياااااااااااارب

اختي شكله معجب ومحترم انتي الي علييج اتقول لينه له اب كل اذب وذوووق بس اخووي لا اطررش والله انك تحرجنيي احسسك وايد امكللف على نفسسك ومشكوور على كلشي

انا رائي من نفس الاخوات يمكن معجب او عنده غرض مو شريف

انتي تجنبي الهدايا وخصوص منه ؟؟

الله يبوفقك بحياتك

محرقيه حتى النخاع;11588396:

حبيبتي يمكن انتي كبنت استانستي ان فيه اهتمام خاص لج من رجل ولاكن نصايحنا لج علشان حتى ماتطيحين من عيونه اهوه يا حبيبتي لما اتيبين شي للقسم عادي ولاكن ترسلين شي خاص له واهوه يجي لج شي خاص وطاولتج وطاولته كللللللللللللللش مب حلوووه فحقج انتي بنت والبنت سمعه بقول لج ترى البنات اللي يدرون عن الموضوع ثقي ثقه تاااااااااامه انهم يتكلمون فيج من وراج ويتكلمون عنه تخيلي يعني تدخلين مكتب تسلمين وتعطينهم حلاوه وبسكوت ومن تطلعين يقولون هااي اكيد يايبه لها روميو ويضحكوون انا اقول لج هااي ابسط شي ترى البنت سمعه وحافظي على سمعتج لو كان العصير ب1000 مايسوى سمعتج ولا ثقه اهلج ولاهيبتج جدام اللي معاج وهلج وربج وهوه الاهم اللي يبي شي يكون مقصده واضح وصريح


ويمكن اللحين تستحين تقولين له لاتتي لي شي بس لما يجيب لج اي شي خليه للكل لاتودينه معاج البيت و انتي لاتدزين له ولاااااااشي خلاص انهي السالفه واذا يبيج صج بيبان

راي من راي البنات موفقهـ اختي