إلى كل وحده أجهضت ثم حملت تدخل بلييييززز

مرحبا أختي دريم ويب..
الله يرزقج الذرية الصالحة عاجل غير آجل يا رب..

أنا بعد 3 أشهر من زواجي حملت بأول حمل لي ومن غير ما أعرف اني حامل أخذت حبوب للصداع النصفي، وكان قوي جداً الحبوب..
صابني نزيف واكتشفت انه نزيف إجهاض لأن موعد الدورة لسة ما صار..
بس لما حللت كان عندي حمل وعرفت ان الجنين بعد كل هالنزيف ما بيثبت... وقلت كل شي بيد رب العالمين وهذا مو رزقي..

بعد 40 يوم انتظرت الدورة تجيني، بس ما نزلت..
فلما حللت وجدت اني حامل، وبالسونار كان لي 5 أسابيع..!!
سبحان الله بدون تخطيط ولا شي، كان أمر الله..

منها حاسبت وسويت تحليل هرمون والحمدلله كان يتضاعف هرمون الحمل بصورة طبيعية..
وتم حملي للنهاية بدون مثبتات ولا شي..

وجبت أحلى عصومة ربي يحفظها..
لا تخافين حبيبتي من الاجهاض.. لأن الجنين اذا صاحي يكون الحمل ثابت..
اهم شي بعد الاجهاض ترتاحين فترة معقولة عشان ظهرج لا تحملين على طول.. لأن أنا تعبني ظهري بسبة حملي المباشر!!

بس وكل شي بيد الله..

انا حملت في شهر العسل وسقطت بأول شهر .. وحملت بعدها على طوول (بالغلط) ونفس الشي سقطت في اول شهر..
بعدين الدكتوره عطتني حبوب من الحمل وقالتلي لازم تريحين اقل شي 3 الى 4 شهور.. وفعلا اخذتهم لمدة 8 شهور (احتياط) وبعدين وقفتهم والحمدالله حملت بعدها بشهرين ... ولما رحت للدكتوره عطتني حبوب مثبته duphaston والى الان وانا اخذها..


الله يكتبلك اللي فيه الخير

بنت الاصايل

الف شكر لج حبيبتي وربي يخلي لج بنتج يارب.. وانا مثلج سبب الاجهاض كان التعب ماريحت نفسي وربي يعوضني خير يارب العالمين..

شعوله

يابعد عمري انتي ربي يثبت لج حملج ونفرح بخبر ولادتج.. انا حملت بعد شهرين من زواجي وكان عمره 6 اسابيع وسبب الاسقاط الاجهاد ..
وربي يتمم لي هالمره واحمل ويثبت حملي يارب..

انا عني تزوجت وبعد زواجي بأربع اشهر حملت وسقطت في الأسبوع الخامس لاني اجهل مواضيع الحمل والسبب اني شلت شي رزين وتنظيف البيت وهالأشياء
بعدين تميت اربع اشهر وحملت طبيعي بس الله ما اراد الحمل سقطت في الأسبوع السابع والسبب تكون عندي كيس من غير جنين...وحتى اني تعذبت في هذا الأسقاط لاني ما رضيت اسوي عملية تنظيف اخدت تحاميل طلق وسقطت في البيت بعد معناة يومين من الطلق والله يا يوريكم الي شفته
بعدها جتني الدورة وكنت مخططة ما احمل على الأقل 6 اشهر بس جاء الذي لم يقع في الحسبان اني حامل واتذكر لما رحت لدكتوري قلت له اني حامل وبخني وهزقني كثيييييييير وعطاني مثبتاب وفي حملي هذا لاول مرة اشوف الجنين والنبض وظل معاي الي الأسبوع التاسع بس كان ينمو بشكل بطئ يعني هو بالأسبوع التاسع وكأنه بالأسبوع السابع بس فيه نبض
دكتوري قالي ماراح يطول وفعلا سقطت وسويت تنظيف للمرة الثانية ....وبعدها بشهر حملت المرة الرابعه هههههههههها((اكيد مليتو)) وكان في فرح اختي وامي تقولي ارتاحي قلت لها لا برتاح ولا شي انا حستنانس وححضر العرس ووووو وفعلا هذا الحمل اقصر حمل حللت من هني وكلها 3 ايام وسقطت وكأنها دورة...والسبب في اسقاطتي نطفة زوجي ضعيفه والتلقيح يحدت بس ضعيف عشان كذا ما يطول

المهم بعد اسقاطي الرابع عطاني موعد الدكتور اسوي منظار للرحم وقالي تعالي ثاني يوم الدورة...ونطرت الدورة نطرت نطرت ولا جت واستبعدت وجووود حمل لان مسقطة من 28 يوم بس امي قالتلي يمكن يتجيك دورة الأربعين قلت لها مستحيل حتى في حملي الي فات كان الدورة تجيني في موعدها
المهم رحت للمختبر حللت دم لقيت روحي حاااااااااااااااااامل
والحمدلله والشكر اللحين في الشهر الخاااامس ويارب يتبثه لاني رغم اني حملت بس قاعدة اعاني لاني المفروض استريح كل فترة وفترة بس انا شغاله حمل زي الماكينه ههههههههههه

المهم انصحك ترتاحي اربع او ست اشهر عشان تفكري في الحمل عشان تكون ارضية الرحم تتحمل هذا البيبي
وربي يرزقك في اقرب وقت

دعواتكم لي بالتباث بليييييييز

حملت بعد ثلاثه اشهر من الاجهاض وما احتجت الى ابرتثبيت والحمل الحمدلله صار طبيعي

وماطلعت علي اعراض الاجهاض وانجبت بنت الحين عمرها ثلاث سنوات

الله يرزقك ويوفقك

انا حملت بعد ما أجهضت ب3 شهور وكان حملي الاول متعب وكله مثبتات وحالتي لله..
والحمل الثاني كان ولا أحلى حتى ماحسيت بأي تعب وما احتجت اي مثبتات الحمدلله..وولدت بالسلامة..

شيراد

يا بعد عمري انتي والله انج تعبتي كثير بالتسقيطات .. ربي يثبت لج حملج هالمره وتجيبين احلى بيبي

ربيعيه

تسلمين عزيزتي
وربي يخلي لج بنتج يارب

أحلى قمر

مشكورة حبيبتي وربي يخلي لج عيالج يارب العالمين

اللي اجهضت متى حملتي بعد الاجهاض ؟؟

اول اسقاط حملت بعده بحوالي 4 شهور و ثاني اسقاط حملت بعده بشهرين

(*)وإذا حملتي هل اخذتي حبوب او ابر مثبته؟
اخذت مثبت الدوفاستون اول شهرين في حملي هذا

(*)هل لازم اللي مسقطة من قبل تآخذ حبوب وأبر مثبته؟
ما ادري بس احتياط تاخذ اذا مافيه مضره

(*)من فيكم سقطت ثم حملت بدون مثبتات وثبت حملها وجابت بيبي؟؟
اخذت مثبت بحملي هذا وللحين ما ولدت

انا بعد اجهضت وكان النونو مره 10 اسابيع
وحملت بعد تقريبا ست او سبع شهور
لان الدكتوره نصحتني اني ارتاح
ولما حملت عطوني حبوب الدوفستون واسبرين الاطفال
تقول الدكتوره مو ضروري بس من قبيل الاحتياط
اهم شي حبيبتي لا تفكرين كثير وتوسوسين لان هذا ممكن يضرك
توكلي على ربك واللي كاتبه بيصير
شوفي هذا الموضوع فيه معلومات كثير وقصص بنات المنتدى
اتمنى يفيدك.. ولا تنسينا من دعواتك الحلوه
http://www.3roos.com/forums/t270108.html?highlight=%E3%E1%DD+%D4%C7%E3%E1+%DA%E4+%C7%E1%C7%CC%E5%C7%D6+%E6%CA%E4%D9%ED%DD+%C7%E1%D1%CD%E3

حبيبتي لا تخافيه من الإجهاض لانه مثل ما قالت احد الأخوات انه إذا الجنين صاحي راح يكون ثابت بإذن الله

وآنه لمه طرحت الدكتوره قالت لي نفس الحجي ولاني بعد كانت تجيني ألام حتى قبل لا يطيح وماكان شي طبييعي

بس نصيحتي تمي شويه عشان ترتاحين لانه الضهر راح يتعب وهذي صحتج حبيبتي

والله يرزقك الذريه الصالحه إن شاء الله

أختي دريم ويب ماقصرتي على هالموضوع

والله كنت مفكرة انزل موضوع نفسه بس انتي جزاش الله خير سبقتيني فيه..

أنا اجهضت في الفترة اله انتي اجهضتي فيها ..

خاطري احمل بسرعة بس صراحة خايفة يتكرر معاي الاجهاض بعيد الشر مرة ثانية

ويارب اقدر اصبرلمدة 3 او 4 اشهر علما أحمل مرة ثانية

وربي يكون في عوونا ويرزقنا بالحمل الثابت والسليم ..

:)

اختي لا تخافين من مثبتات الحمل لا نهاماتضر انا كنت خايفه مثلك لاني اجهضت في الشهر الثالث والحين ان لي خمس شهور بعد التصقيط وخايفه احمل واسقط اولا بتوكل على الله وانشاء الله يثبته لي يارب وقالتلي الدكتوره لازم تاخذين مثبتات في الشهور الاولى وانشاء الله اباخذها وسالتها وقالت مالها اضرار والله يثبت حملي الثاني انا والاخوات يارب العالمين بصراحه متوتره ونفسيتي تعبانه والله يسهل ادعولي

اهلين دريم ويب الله يرزقك الذرية الصالحة

انا حملت من ثاني شهر زواج وحسيت باعراض

الحمل قبل لا تغيبني الدورة وسويت تحليل لكن

مابين وسويت لما كملت شهر بس مابين وبعدها

يأست وجاتني زكمة واخذت ادوية وابر وبعدها تعبت

كثير وجاني نزيف وحللت حمل وطلعت حامل لكن

النزيف ماقدروا يسيطرون عليه وسقطت في نهاية

الثالث والحمد لله الله عوضني خير بعدها بثلاث

شهور حملت وكان يجيني نقط دم فأخذت حبوب

تثبت لان حملي ضعيف ولااتحرك لين الشهر السادس

بعدين تركت حبوب التثبيت ولله الحمد ربي اكرمني

ببنتي دنيتي الله يخليها لي ولا يحرمني منها

وعقبالك يادريم ان شاالله ربي بيرزقك الذرية

الصالحة عاجلآ غير آجلآ

سلام موضوع حلووو نتشارك فيه بخبراتنا
أني حملت في شهر العسل بس ما ظل الي تقريبا أسبوعين وأجهضت وقال لي بسبب تشوه خلقي وبعدها بشهرين حملت وفي الشهر الثالث أجهضت قالت الدكتورة الي لأن بطانة الرحم عندي ضعيفة لأني توي طارحه وسيده حملت لازم كنت أخذ أبرة تثبيت أو على الأقل حبوب لتقوية بطانة الرحم بس لأني رحت للمركز فما أحد عطاني ولا قال الي شي بس أحين بروح الى الخاص من الحين عشان أتأكد

أم جهاد

الف شكر لج حبيبتي وربي يسهل عليج حملج وولادتج يارب العالمين

شووووق

الله يجزاك الف خير ياحبيبتي وربي يسهل عليك كل امورك يارب ماتقصرين