بسم الله الرحمن الرحيم
أعرف إن كل الحوامل همهم تجهيزات ما بعد الولادة و الي من خلال شرحي البسيط و الجدول الي بتحصلونة في نهاية الصفحة بسهل هذي المهمة عليكم, ما عليكم إلا تطبعون الجدول و تحطون علامة صح عند كلمة (تم) بعد الإنتهاء من تجهيزه.
المأكولات
-الفطائر: بخصوص الفطاير أنصحج إنها تكون صغيرة الحجم و ما تحتوي على سوائل مثال المايونيز و الحمص عشان ما تلعوز الضيوف, و خبرج بعد البنات يستحون سبطلون حلجهم شوي في هذه المناسبات, وبخصوص بعض المحلات إلي يبيعون هذه الفطاير (حلويات الديوان - فطائر الخليج..الخ)
-الحلويات: أتمنى أيضاً إن الحلويات تكون صغيرة الحجم و خالية من الشيره و التوفي, عشان بعد ما توسخ المعازيم, و يُفضل إنج تسوينه في البيت نوع واحد, وإذا حبيتي تقدرين توزعين شوكولا جاهزه مغلفة.
عصائر: إنصحج إنج تشترين عصائر دبات كبيرة(مراعي أو لاكنور) بأنواع مختلفة, برتقال, فراولة, مانجو, كيوي عشان تنوعين في الطعم و اللون, وتصبينهم في قلاصات للتقديم.
أدوات التقديم
-بخصوص أدوات التقديم من صحون و شوك و مناديل و أكواب بتحصلينها كللللللللللها في مكان واحد, وهو مميز جداً إسمه(Party center) موقعه بجانب مستشفى ولكير, بتحصلين عنده أنوع و أشكال جميلة جداً من الصحون و المناديل الورقية الي مكتوب عليها (new born baby) و غير, وأيضاً الأكواب بتحصلين عندهم أكواب صغيرة بلاستيكيه شفافة, تقدرين تشترين من عندهم و تزينينه على طريقتج.
توزيعات البيبي
-يينا حق التوزيعات: أنصحج عزيزتي إذا كانت ولادتج الأولى إنج تسوين شي مميز و حلو, لأنج تعرفين بعد نظرت الناس كيف, فلو ما تبين تعورين راسج و تحبين الأشياء الجاهزه سوي طلبية عند محل باتشي أو محل فرح في مركز الطوار, هم روحهم بيشترون التوزيعات و يغلفونهم و يحطون الشوكولا عليه, بس طبهاً المبلغ بيكون غالي شوي..أما لمحبي التميز فأنصحهم (بسوووووووووووووووق الجملة) الصراحة أنا أفضل التوزيعات من هناكي, إلي عليج تسوينه إنج تختارين بذووووووق التوزيعات مثل (تحف على شكل طفل - براويز صغيرة- حامل شموع - مداخن صغيره..الخ), وبعدين تشترين التغليفات و الشرايط بعد من هناكي و أنصحج بمحل توه فاتحينه في واجهة سوق الجملة بإتجاه سوق الذهب, الصراحة قمة في الروعة بخصوص التزيين و التغليفات, وعنده بتحصلين محل سجاد. ولازم في أي نوع من التوزيعات تحطين شوكولا, فروحي عند محلات الشوكولا( باتشي - فواله) و إشتري كيلو أو كيلورين حسب عدد التوزيعات و كفايه على كل توزيعه تحطين حبتين شوكولا أو ثلاثة بالكثير. و لا تنسين البطاقة إلي بتحطينها هلى الهدية, حطي شعر حلو بإسم المولود أو دعاء جميل و حطي إسم البيبي في النهاية و إطبعيه على ورقة سميكه شوي .
تزيين الغرفة
-تقدرين تشترين التزيين أيضاً من محل (Party center) , عندهم بالونات على أشكال حلوه بالغاز و بدون غاز, غير الشرايط و غيرهم, وأيضاً تقدرين تسوين طلبية عندهم و يوصلونه لج إلين غرفة المستشفى, وتقدرين إتطقمين قطاء الطاولة بشراشف السرير, وتسوينهم بنفس قطعة القماش, وفي محلات أيضاً في الشارجه تسوي هالطلبيات و تضيف عليهم ملابس لج و للطفل و غطاء للمراضع و غطاء لسرير الطفل وكله من نفس القماش.
لكِ و للطفل
- مثل ما ذكر في السابق إن في محلات في الشارجة يسوون لج طقم من نفس القماش, فلازم أيضاً تهتمين في ملابسج و كلابس طفلج أيضاً. و تهتمين في مظهرج, ففي بعض المستشفيات مثل (مستشفى الوصل و مستشفى دبي) بتحصلين صالون في نفس المستشفى, يطرشون لج وحده إلي غرفتج تسوي لج شعرج, نصيحتي لج بعد الولاده بعد ما تريحين شوي تتصلين في إستقبال المستشفى و هم بيطرشون وحده لج. ولا تنسين عزيزتي المكياج..مثل ما تعرفين إن بعد الولاده يكون الوجه شاحب شوي, فلازم تحطين شوية ميك أب خفيف عشان الضيوف ما يتخرعون من شكلج, ولا تنسين العطر الخفيف الحلو .
و في النهاية حبايبي أتمنى لكم السلامة, وإدعولي إذا شفتو إن موضوعي فادكم.
[/grade]
وهذه هي الجداول:
