ঔღঔ تجمع ( رشيقات و جميلات حتى في النفاس ) - بنات قطر ঔღঔ

حياكم الله يا بنات متنفسات واللي للحين ما تنفسوا >> يمكن ما عندهم اكسجين >>ياللله يالله عن العبط




المهم خلوني اقولكم ترى انا في صوب و العنايه و الكريمات في صوب
اكره ما علي الوص ويهي او اسوي خلطات يعني تقدرون تسموني النوع الكسول عشان جي سويت لي اشيا بسيطه منها استفيد منها و منها احرك نفسي .. يعني لاتتوقعون اني مبرزه مقادير و سامان و حاله لا لا ما اداني ..
رحت الصيدليه ودرت فيها كلها
طبعا المنتجات كل واحد يقول شليني ؟
بس ما خذت الا شي اعرفه او شي قريت عنه
والحمدلله خلوني اقولكم هالمره مب وايد عندي سواد ..
عندي بس خفيف مب مثل حملتي الاولى .. كان شي طافح بصراحه ههههههه

خلوني اقولكم الاشياء اللي يبيلها تصليح من شعري الى اصمخ اذناي هه شدخل \ الى اخمص قدماي و العلاجات اللي اتخذتها :

*شعري : يبيله شغل بصراحه ..انا شعري كيرلي ومب لازم يصير ناعم بس ع الاقل ابي فيه لمعه و قوي وو يغلظ .. طبعا في اشياء حامض على بوزي بس مافيها شي نجرب .. الحمل و الولاده ما يخلون الشعر
ويهي : عندي هالات سودا مضايقتني .. وفيه شوية بقع .. وابي في ويهي نضاره .. من وعيت عالدنيا ما خبرت ويهي نضر الا وانا ياهل .. يعني حتى في اعدادي وثانوي كان باهت .. و السبه اكلي التعبان
*رقبتي : فيها سواد وابيها تتوحد مع لون ويهي او لو ن جسمي ( لاحظوا قلت - او - انا وايد قنوعه خخخ )
يدي : كف يدي متغير لونه مع اني ما اسوق بس الشمس لاعبه فيها و طبعا اظافري حدث ولا حرج خاطري اكون مثل البناتات الثانين اللي كل اسبوعين يروحون يسوون بديكير حق اظافرها وو تسريحتهم متروسه مناكير ؟ انا مره شريت مناكير وعطيته اختي ..ليش شاريته مادري ههههههههه اتحلم الظاهر و اباطي فيه سواد مع اني ما استخدم ديودرنت كلش .. بس ساعات من العيله استخدم الموس واتوقع هو سبب السواد
*صدري : الحين ارضع ما اقدر اشده ولو اني مب ويه تمارين بس بنشوف ؟ والستريش مارك مادري ليش مب متخيله ان في شي على وجه الارض بيشيلهم لانه جلد وانمط خلاص .. ؟؟
* بطني : هني الطامه الكبرى !! كرشتي عاديه بس كارهتها ابي بطني لازق في ظهري نفس اول ماتزوزجت اهئ اهئ .. الحين صايره وايد متدليه ههههه حلوه مادري من وين جايبتها هههههه
*المنطقه الحساسه و المؤخره : طبعا تفتيح وما الى ذلك وطبعا مع العنايه بما ان احنا في وقت نفاس من تطهير وو تعقيم وو عنايه بالخياطه وللمؤخره ابي شي يودي السيلولايت مع اني الاحظ ان من بعد الولاده وايد خف .. بس بعد ابي جسمي مشدود مافيه ترهل ..
*ريولي : ابي اضعف شوي صوب الفخوذ .. وو و ريولي نفسها اللي هي ( القدم ) طالع فيها مثل السواد كل ما اروح الصالون يقولون لي ما يروح لانه يجي من القعده ع الارض .. عاد انا اقول ما يصير ما يروح ..؟! قبل ريلي كانت مضرب المثل حتى عنتر بن شداد كتب فيها قصيده >>ما اتفقنا نجذب ههههههه لا بس صج ريولي كانت حلوه .. بس مع هالسواد اختربت .. ومادري ليش قبل كانت افتح شي فيني الحين صارت نفس لوني .ابي اردها لونها القديم .. بس الحمدلله مافيها خشونه الا لما اتحنى مادري ليش ؟
*وزني ككل : انا وزني قبل الحمل 64 .. وزدت في هالحمله 15 كيلو ..و و قبل لا اربي بيوم كان وزني 79 .. وبعد الواده وصل 75 :ss: احباط مانزلت وايد عكس يوم التوأم ماشالله الكل لاحظ اني ضعفت ..:( .. ان شالله ابي ارجع لوزني قبل وهو 50 ..الله يازينه من رقم الله يوصلني له بصحه و سلامه ..و راضيه حتى لو 55 بعد زين ..


انزييييين هاي كل التصليحات اللي ابي اصلحها في نفسي سويت جدول مقسم بالايام .. وكل يوم اسوي شي ..


طبعاا باقولكم عن الاغراض اللي شريتها من الصيدليه ..

[COLOR=black][FONT=Tahoma][COLOR=black][FONT=Symbol]·مقشر بالخوخ ( كريم صنفرة للوجه و الجسم ) .من . apricot scrub venos [/FONT][/FONT][/COLOR][/COLOR][COLOR=black]
[FONT=Tahoma][COLOR=black][FONT=Symbol]·كريم منظف من خلاصة التفاح الاخضر و الصندل من st.moritz[/FONT]
[/FONT][/COLOR][/COLOR]
[COLOR=magenta]·كريم اولاي بالتوت البري [/COLOR]
[COLOR=magenta]·بيبي اويل بالصبار [/COLOR]
·زيت جدايل للشعر
·بيتادين
[COLOR=deepskyblue]·مرهم ميبو [/COLOR]
[COLOR=deepskyblue]·مشد طبي [/COLOR]
[COLOR=darkorange]·ليفه القفاز من بدي شوب [/COLOR]
·ليفه من الصيدليه


في الرد الجاي باقولكم شاسوي فيه كل شي ذكرته