قصه ولادتي واخيرا

واخـــــــــــــيـــــــــــــــرا

تخلصت من كابوس الولاده

هاذا رابط تجهيزات لبنتي كنت منزلته

http://www.3roos.com/forums/t394716.html

وماكنت ادري ان الي ببطني بنت ولا ولد ..

بس الحمدالله الحين ابشركم جبت يوم الاربعاء بتاريخ 17/12/2008

كان قبل اليوم الوطني القطري جبتها الساعه 10 هههههه يعني لو صبرت ساعتين كان جات على اليوم الوطني القطري
طبعا بنتي قطريه وانا سعوديه

اما عن قصه ولادتي راح اكتبها لكم الحين لاني حبيت انكم تدرون وش صار معاي بالتفصيل انا انقطعت قبل ولادتي من المنتدى بسبوعين لاني تعبت نفسيا من قلب

صرت 42 سبوع يعني تعديت الشهر التاسع بسبوعين عطوني موعد على الاسبوع 40 علشان يسون لي تحريش ورحت للموعد وسويت الحريش طبعا كان قلبي في بطني من الخوف والرعب الى انا عايشه فيه ماعرف شنو التحريش ولا اعرف اي شي بس طلع خرطي لا يعور ولا تحسين فيه اذا كنتي مسترخيه بس اذا كنتي شاده راح تتعبين وتعبين الدكتوره معك

رحت للبيت على ان الولاده بجيني بعد يوم ولا يومين اذا ماجات راح يضطرون يسون لي طلق صناعي بعد اسبوع من موعد التحريش مر اسبوع وجا يوم طلق الصناعي طبعا انا مافيه شي الي سويته حتى ركض على الدرج ركضت ولا فيه فايده

رحت للموعد وخذيت شطنتي وكل اغراضي الي احتجتها معاي الموعد الساعه 9 الصباح بعد ساعه جاتني الدكتور وفتحت معاي كيس الما بعد للمبتدئات << تقصد البكر

ماراح تحسين باي شي لا تخافين اذا قالو لج بنفتح الكيس بس انتي لا طالعين ولا راح تحسين بشي

بعدها قعدت الين الساعه 4 العصر وانا مفتوح الرحم معاي 3 سم ولا بعد صار شي لا طلق ولا اي حاجه فضطرو يحطون لي طلق صناعي بدا معاي الطلق كان حاد وقريب من بعض لابعد حد يعني كل نص ساعه بعدين صار كل ربع ساعه بس هد حيلي يوم جا الساعه 10 الليل دخل الدكتور كل راح افحصك

فحصني

وياليته مافحص 3 سم بغيت اموت لالالالالالالالالا وشلون من الساعه 4 العصر والطلق قريب الين 10 في الاخير ماصار اي تقدم قال شوفي عندي لك خيارين يا العمليه ولا تنتظرين ساعتين طبعا انا كنت مستويه على الاخر قلت عمليه والحين قال شوفي انا راح اسوي لك عمليه وارتاح لاكن اذا انتي تبين طبيعي ترا الطبيعي احسن بواااااااجد ماراح يتعبك مثل العمليه قلت معليه ابي عمليه الدكتور كان يوناني الله يذكره بالخير

قلت له خلاص خلني افكر 5 دقايق بس قلت لك تفكرين من الحين الين بعد ساعتين وطلع خذيت راي امي وزوجي وطبعا كل ماقلت لهم قالو انتظري قعدت ابكي تكفون قولو لي سوي العمليه هههههههه استغفر الله << تذكرت الموقف الله لا يعيده

قالو خلاص عمليه عمليه وراحو نادو الدكتور غيرو ملابسي قال خليني افحصك اخر مره فحصني لقى 2 سم يعني تسكر سم

قال ترا القرار قرارك قلت خلاص ابي العمليه دخلت غرفه التخدير ضربوني ابره في ظهري كانت خفيفه جدا ماحسيت فيها
بعدها دخلت غرفه العمليات مثل غرفه دكتور الاسنان بس اكبر هههههههه << تحاول تشجع الحوامل الباقين

بعدها حطو ستاره بيني وبين بطني ودخلو زوجي كان لابس ثوب العمليات شكله كان تحفه ههههههه

راح هو لدكتور قال انا ابي اسوي لمرتي العمليه ضحك الدكتور قال رح عند راسها انا دخلتك علشان تواسيها مب علشان تجي عندي

وجا وقعد في جنبي وقعد يكلمني اني ان شاء الله بقوم بالسلامه بعدها سمعت صوت بنتي واخيرا جات ياقلبي عليها يوم سمعت صوتها نسيت الي انا مريت عليه طول اليوم او بالاصح بالتعب الي مريت عليه طول السنه
بعدها رواني اياها الدكتور قال يالله شوفيها كانت مليانه دم بعدها خذوها وودها نظفوها تنظيف بسيط ورجعوها لي خلو زوجي يشلها وهو مقربها لوجهي كانت الحمدالله والشكر احلى لحظه بحياتي جعل ربي يخلي كل وحده اتمنى هالحظه تحصل عليها يارب
بعدها حطوها بجنبي ورحنا لغرفه التنوم وطبعا بعد ماراح البنج بدا تعب العمليه الله يعين اليوم صار اليوم الثالث على ولادتي بس الى الحين تعبانه وتعبانه نفسيا خايفه لا الطيران لا يمنعنا ان حنا نسافر للخليج لاني زهقت من بريطانيا خاصه ان عندنا اجازه ومابقي عليها شي وتخلص

والحين عرفت ليه يقولون الجنه تحت اقدام الامهات وبالفعل يابنات حنا مقصرين مع امهاتنا ياليت كل وحده جربت الولاده تحاول تعوض امها وانا بكيت في غرفه الولاده اولا يوم سمعت صوت بنتي وثاني يوم تذكرت تقصيري مع امي على انها جايه من السعوديه لبريطانيا بس علشان تحظر ولادتي
ولي ماجربت صدقيني انه تعب الحمل والولاده بس الحلو في تعب الولاده انه حلو لان من يوم يجي البيبي وانتي ناسيه من الوجع
بس ماقول الا الله الله في امهاتكم

وهاذي قصه ولادتي اتمنى انكم تردون على موضوعي لان بالفعل تعبت وانا اكتب فيه وانتم الله يعينكم على القراه لانه طويل ههههههههه

(f) لكل من مر على موضوعي