أكلة سهلة جداً وخفيفة جداً وكل اللي جربها بفضل الله حبها
مش هطول عليكم وأسيبكم مع الخطوات
المكونات:
بسلة وفاصوليا خضراء وجزر مقطع مكعبات
كوسة مقطعة وبطاطس مكعبات وماشروم
وللباشميل ... دقيق ولبن وكوب كريمة خفق (نسيت أصوره) ومكعب ماجي ومثلث جبنة (ممكن تستعملي الجبن الكاسات أو أي جبن مطبوخ تحبيه)
الخطوات:
نضع الفاصوليا والبسلة والجزر في إناء مع قليل من الزيت والملح والفلفل وأي بهارات أخرى تحبيها ... أنا حطيت رشة شطة وقليل من القرفة ونضيف ربع كوب من الماء
ثم نضع الإناء على نار منخضة ونترك الخضروات لتنضج
عند اقتراب الخضروات من النضج نضيف لها البطاطس والكوسة والماشروم ونترك الخضروات حتى تتم نضجها بشكل تام
نعمل الباشميل بتاعنا ... أنا بعمله على البارد بحط ملعقة دقيق لكل كوب سوائل بحط الدقيق على اللبن وأدوبهم وبعد كده أحطه على النار وأضيف له الكريمة والجبن والمرقة والملح والفلفل
بعد كده نضع الخضار في صينية للفرن ونخلط معه جزء من كمية الباشميل
ثم نضيف باقي الباشميل لتغطية الخضار
ندخلها الفرن حتى تحمر
وبس كده ... ده كان غدانا امبارح :):):)
إذا عجبك الموضوع فلا تبخلي بالرد والتقييم (f)(f)(f)(f)
ويرجى ذكر المصدر عند النقل
