درس ..اخر لوكاتي :)

بسم الله الرحمن الرحيم

اليوم حبيت انزل اول درس الي وعدتكم فيه في موضوعي السابق والي اهو

(اخر لوكاتي )
http://www.3roos.com/forums/t410508.html

ببتدي في الشرح على طول
1. تجهيز الوجه للمكياج وكل وحده بطريقه الي اتحبها ..وعقب اتخلين الفونديشن والكونسيلر والبودره وووو..بعد كل وحده على حسب طريقتها والمنتجات الي تستخدمها..

في الخطوات اليايه بخلي الاغراض الي استخدمتها بس طبعا مو لازم تتلزمين بالاغراض او الماركات الموجوده بالموضوع ..كل وحده تستخدم المتوفر عندها والماركات الي اتحبها ^_^

اول شي الشدوز الي استخدمتها ,, وعلى قولتهم من كل بستان زهره هههههههه ..بصراحه انا احب اخلط وااااااااااايد حتى لو كنت بستخدم شدو اسود بس احب احط اكثر من نوع على الاقل نوعين من شركتين مختلفتين ..ليش مادري !؟


هذا بوكس الشدو من (مكياجي) استخدمة الاربع الوان الي عليهم سهم ...اول شي حطيت تحت الحاجب اللون الابيض بس وعقب خلطته مع الون الفضي الي يمه وو زعته على كااااااامل الجفن

الحين اخذت من هذا اللون الفضي اشوي اقوى من لون مكياجي وخليته على كامل الجفت فوق اللون الي قبله
بعدين من اللون الثالث الي في علبة مكياجي الرصاصي الغامج خليته على كسرة العين وسحبته على برع ولونه كان فاتح يعني استخدمته في البدايه عشان احدد شكل الشدو اشلون ابيه

عقب اخذت هذا الشدو من انجلوت اغمج من الي قبله وخليته فوقه الشدو يعني علييه مارسمة فوقه لا رسمة عليه !!..اكثر من مره عشان يطلع اللون وبعدين بديت اموه اللون من الجهة الخارجيه يعني مع اللون الابيض الي تحت الحاجب

عقب ما خلصت من الشدو ..بديت ارسم الكحل وعيون البنت ماشالله كانت كبيره وحلوه وتتحمل اني اعرض الكحل فخليته عريض وسحبته من الزاويه الخارجه للعين ومن الداخل اشووي بس ..استخدمة الكحل الكريمي من ميك اب فو ايفير وقطرة فيه قطره وحده من الاي سيل عشان اصير اسهل في الرسم...

عقب كحلت عينها بهذا الكحل الاخضر من مكياجي ...



بعدين رسمة خط ضعييف من نفس الكحل عند الرموش السفليه من نص العين لي نهايتها واشوي سحبته ..خليته كبيس للشدو الي في الصوره الي فوق من مكياجي اللون الاخضر خليته اشوي عريق لكن موهته ماخليته امحدد...وحطيت الماسكارا من فوق وتحت ..ورحت وحطيت البلشر والحمره عشان تنشف ورحعة وحطيت طبقه ثانيه منها عشان اتكثف الرموش اكثر ^_^

بعدين للخدود خلية من السائل الي للخدود والشفايف ماعرف شنو اسمونه هههههه (بس اتوقع معروف في منه من شركة بنفت )عشان اثبت البلشر ولان لونه بروحه وااايد حلو ..وحطيت فوقه بلشر خفييف من ميك اب فو ايفير بس اضاف عليه لمعه حلووووه

وللشفايف حبية اتكون الحمره لونها بين الاحمر والوردي الفوشي
اول شي حطيت المحدد الاحمر من انجلوت ولونت الشفايف كلها وبعديت حطيت حمره لونها فوشي بس في الصوره متغير وصايره غامجه [FONT=Wingdings]L ...بعدين اشووي من الجلوز الاحمر من لانكوم واخيير لازم لازم لازم لمسه من الجلوز الي من سيفورا يعطي لمعه عجيييييييييبه ^_^

واااخر اااخر خطوه استخدمة اللمعه الي من فوف الي لتحت الحواجب خليت اشوي منها على الخدود وصار شكلها روووعه ^_^

الحين بخلي لكم الصور للاغراض الي استخدمته ^_^



البروشات الي استخدمته بس هاذلين كلهم من ماك ..الي لونها احمر استخدمتها عشان اوزع الشدو والي يمها عشان التمويه والدمج واخر وحده استخدمتها علشان اخلي الشدو بكسرة العين وعند الرموش السفليه خلية الشدو الاخضر فيها J

صورة جماعيه للاغراض الي استخدمتهم للعين ..الكحل الكريمي مع الايسيل والبروش الي استخدمته لرسم الكحل ..الماسكارا من hr والبيس الي استخدمته للشدو من ماك ..واللمعه من شرمة فوف

[FONT=Arial]الاغراض الي استخدمته للخدود والشفايف ..السائل الي ماعرف شنو اسمه هههههه والبلشر من ميك اب فو ايفير ..المحدد من انجلوت والجلوزين من لانكوم وسيفورا والحمره طالبتها من كاتلوج ^_^

واخر شي الصورة المتحركه الي اتريحكم من شرحي وكلامي ودوخة الراس [FONT=Wingdings]J[FONT=Wingdings]J[/FONT]


وصورة ثابتة للوك..وادري الالوان مختلفه بين الصوره هاذي وبين الصوره الي في الموضوعي الثاني بس اشتغلة على كل وحده بروحها وبيوم غير ^_^ ..بس اهم شي الفكره واصله لكم J

وبسسسسسسسس

سوووري على الصور لانهم مو واضحين والاولوان مو واضحه...والدرس ملخبط صور فوق وصور تحت [FONT=Wingdings]L
بس ان شالله تفهمون على شرحي والدرس يعجبكم
J[FONT=Wingdings]J[FONT=Wingdings]J[FONT=Wingdings]J[/FONT][/FONT][/FONT]

الموضوع مجهود شخصي ..انتي غير محلله في نقله[/FONT]