اخواتي اضع بين ايديكم لوك جديد سويته سهل وسريع ماياخذ وقت
طبعا بعد تنظيف الوجه وترطيبه ووضع البيس نحتاج الآتي
انا استخدمت:
كحل ماك وماسكرا لانكوم .. بودرة ديور وكريم اساس كلينيك وكونسيلر ايف سانت لورانت .. بلاشر بودي شوب وآي شادو كلارينس + اف سانت لورانت وقلوس سفنتين واخيرا مثبت المكياج من بودي شوب..
الخطوة الأولى:
* نرش الوجه بمثبت المكياج بعدين نبدي نوزع كريم الاساس وعقبها نبدي بوضع الكونسيلر في المناطق التاليه وبهالشكل وعقب باسفنجه نوزع الكونسيلر شوي شوي وبطبطبه عساس يعطي منظر حلو للوجه مايكون كله لون واحد.(ملاحظه الكونسيلر لازم يكون افتح من كريم الاساس بدرجه )
الخطوة الثانية:
راح نحتاج للون بيج مات وبني محروق ايضا مات وبجمنت ذهبي على برونزي وشدو اسود بلمعه.
* نوزع الشدو رقم 1 على كامل العين بعدين نبدي نحط من الشدو رقم 2 الا اهوا الذهبي على الجفن المتحرك ولازم يكون بجمنت علشان اللمعه الي فيه ...والحين ناخذ من الشدو البني ونمده من تقريبا نص القوس الي مابين الجفنين حتى نهايته وكلما قربنا من النهاية نكثر من الشدو يعني نعرضه ونكرر الخطوة حتى نوصل للون المطلوب والكمية المطلوبه .. بعدين ناخذ شوي من الشدو الاسود ونحطه في زاوية العين بشكل خفيف وندمجه مع اللون البني .. بعدين بواسطة الشدو البني نرسم خط ايلاينر فوق العين وتحت العين بشكل خفيف وندمج معه اللون الاسود. واخر خطوة نحط لمعة تحت الحاجب للي تحب والافضل انه بدون لمعه عشان مايصير زحمة ونرسم الحواجب بقلم بني.
* واخيرا نوزع البودرة بعد التخلص من بقايا الشدو المتناثر تحت العينين.
الخطوة الثالثة:
* نكحل داخل العين بقلم كحل بس مانكثر ونرسم العين(زاوية العين فقط) ونحط طبقتين ماسكرا حتى تعطي منظر للعين احلى .
الخطوة الرابعه والأخيرة :
نحط بلاشر خفيف جدا وانا حطيت بلاشر بودي شوب كريمي كمية بسيطة جدا على عظمة الخدين واخر شي حطيت قلوس ذهبي لونه خفيف ولمعته خفيفه من سفنتين.
وهذا هو اللوك النهائي
بسيط كالعاده وسهل لاني بعدني مبتدأه بالمكياج..
لاتبخلون علي برأيكم
واتمنى الشرح يكون مفهوم والي عندها سؤال لاتتردد (f)