قراري بلحظة غضب حطمني!!!!

قلبي طفل 20-12-2008 50 رد 2,296 مشاهدة
ق
بنات انا عندي مشكله وتعباااانه وماعندي حد يساعدني قلت اكتب لكم قصتي وانشالله تفهموني واتساعدوني :(
انا من سنتين ونص تقريبا حبيت واحد
وكانت علاقتي فيه بس فالتلفون وووو كنت مرتاحه بهالوضع لانه ماكان يطلب مني انه يشوفني
الا من بعيد لبعيد وكنت احس باهتماه فيني بس محد فينا كان راضي يتكلم
مترددين نصارح بعض بحبنا لبعض ومرت الايام واحنا مستانسين ومرتاحين
وكل يوم اكلمه ويكلمني المهم وصار اللي ماكنت اتوقعه؟؟؟؟؟؟؟؟
جا وتقدم لي واحد
طبعا انا كنت مقتنعه اني مابيه وماراح اوافق
لان صغيره وثاني شي انا ابي ارتبط بانسان انا احبه وابيه
بس قررت اني اقوله الموضوع يمكن يحس ويتحرك وكلمته بالليل وفتحت معاه الموضوع وقلته متقدم لي واحد وكذا
انا بالعاني قلت ابي اشوف ردة فعله المهم هو ولا كلمممه .........
قلتله شسوي قالي انتي اشرايج قلتله انا مابي رايي انا يهمني رايك انت قالي انا؟
قلتله اي نعم انت هني الموضوع صار جد من قلب
وقلت له اذا انت قلت لي لاتتزوجينه صدقني ماراح اتزوج
قالي اذا قلتلج تزوجي؟ قلت له اللي بتقوله انا بسويه لو شنو كان
قالي مادري والله قلتله شنو ماتدري قولي اي او لا؟
قالي انتي تبينه قلت لها انا ماعرفه انا ابيك انت اتقرر قالي مايصير قلت له لا يصير انا ابي جي
قال لي اخاف اقولج اخذيه وعقب احنا الاثنين نتحسف واخاف اقولج لا وعقب انتي تتحسفين
قلت له قول اي او لا؟
انا انطر اسمعها منك انت قالي ماقدر قلت له ليش ماتقدر عادي
قال لا مش عادي قلت له ليش يهمك؟ قال شلون مايهمني وانتي بكبرج اتهميني قلت له بتقول او لا ال اسف ماقدر
انا انقهررررررت وخلااااص وصلت حي يعني مايقدر يقولي لا انا ابيج لاتوافقين قلت له انا الحين تعبانه بسكر وبكره بكلمك حسيته ضااايق قالي اوكي تصبحين ع خير وسكرت منه وانا منهااااره وتمييييت اصصصييييح من قلب
وطبعا ماقدرت انام وماقدرت اتصل فيه حسيت انه مايحبني ومايبيني ومن قهررررري قررت اني اوافق
وبالفعل ثاني يوم قلت حق امي انا موافقه وتم يتصل فيني طوووول اليوم وانا مارد عليه اخر شي بالليل رديت عليه وقلي انتي وييييييينج اليوم ليش ماتردين وكان معصب شوي قلت له التلفون ماكان عندي قالي اول مره اتصل والتلفون مايكون عندج قلتله شسوي قالي ليش مخليتني بروحي ليش ماكلمتيني ولاحتى مسج؟ قلتله انا مشغوله الحين هلي عندي وسكر
وسكرت تلفوني وكسرت كرتي وتميت اصييييييح لين نمت وانا مش حاسه بنفسي كللش
وقمت ثاني يوم وانا مشتاقه له خاطري اكلمه ابي اسمع صوته بس مسكت نفسي ونزلت عند ابوي وقلت له اليوم طلع لي رقم جديد قالي اوكي وماصار العشا الا ابوي جاب لي رقم جديد وفتحته ولاهو يدري عني ولا انا ادري عنه وتمينا على هالحال لين
جا اليوم اللي صارفيه كل شي وتحددت ملجتي وانا ضاايقه ومابي بس خلاص صار اللي صار وقلت حق نفسي دامه مايبيج لاتضيعين نفسج معاه
وتحددت ملجتي بعد امتحاناتي وايام الامتحانات من التعب والتفكير فيه وفكل شي صار بينا تعببببت وايد وترقدت بالمستشفى خميس وجمع وسبت طلعت بالليل عشان كان عندي امتحان وخلصت امتحانات وووبعدها بأسبوع ملجت وبدى خطيبي يزورني وحاول اتاقلم معاه بس ماقدرت احس ماقدر انساااه دوووم في بالي ....
وبعد شهر من ملجتي اختي كانت اتنام معاي بالغرفه لان كنا بننقل يت جديد والبيت زحمه عاد تلفون رن الفجر الساعه 3 اشوف الرقم الا رقمه
صادتني نفضه قوووويه وخفت قمت خذت التلفون وطلعت من الغرفه الا اشوف كذا مكالمه منه الا اتصل مره ثانيه قمت رديت عليه
الا محد يتكم قلت الوووو محد يرد قلتله انا فلانه تكلم لاتخاف قالي انتي وييييينج ومادري ايش ليش خليتيني انا ادور عليج وانتي مش هامج خليتيني مثل المينون ادور ع الفواتير واتصل على رقم رقم ادور رقم اختج انتي اشفيج قلتله لا شي ليش؟
قالي اشتقتلج وحشتييييييني وااايد قلتله انت وايد تأخرت وانا بسكر الحين وارجوك لاتتصل هت الرقم مره ثانيه مابي مشاكل
يالله مع السلامه وسكرت في ويهه الا وصل مسج كاتب فيه:
امج رقمها XXXXXXX
حسيت انه يهددني بس كنت متاكده ان مستحييييل يضرني
وتميييت اصييييح وانا خلااااص منهاره تذكر كل شي بينا
وثاني يوم المغرب الا وانا قاعده بالصاله الا يجيني رقم غريب تم يجيني ورا بعض وانا مارد لاني مار ع ارقام غريبه الا امي تسألني من اللي يتصل هـ الكثر؟
قلت لها مادري رقم غريب قالت يمكن رفيجتج فلانه قلت لها من هاذي ماعرف ح بهالاسم قالت امبله انا عطيتها رقمج اليوم اتصلت فيني وحده اتقول انها فيجتج وانج مغيره رقمج وانها تبي اتكلمج وعندها رقمي من مسج انتي مطرشتلها اياه من قبل وووووواتصدقين بعد اشقالت لي؟
قلت لها شنو؟ قالت اتقول احنا نبي نخطبها حق اخوي عشان جي انا ادرور رقمها قلت اول اقول لها وعقب انكلمكم
اتقول قلت لها: بس هي مالجه شلون تخطبونها ؟
اتقول امي قالت لها اهااا اسفه ماندري والف مبروك بس ممكن تعطيني رقمها ابي ابارك لها بنفسي وعطيتها
قلت حق امي ايييي تذكرتها عشان ارقع السالفه وسويت نفسي اضحك
الا اتصلت بعد نص ساعه ورديت عليها وانا مادري من هاذي اصلاً بس حبيت اعرف شسالفه
الا تقولي انا فلانه اخت فلان قلت لها هلا الشيخه قالت لي اول شي مبرووك ع الملجه وسوري والله ماندري انج مالجه بس اخوي قال اخطبولي هـ البنت وجي قلت لها لا عادي حصل خير قالت لي هو الحين احذاي بس خلاني انا اللي اتكلم عشان انتي مالجه وعلى ذمة ريال
ويقولج مبروووك والله يوقج انشالله قلت لها الله يارك فيكم
قالت يقولج ماتبين اتقولين له شي قبل ماسكر قلت لها لا بس قوليله انت وااااايد تأخرت وقال له الا اسمع صوت واحد يصارخ بقوووو ويقول انا تأخرت؟ انا اشذنبي اذا انا احبج وووو تميت ادور عليج جني مينون قلت له احبج؟ الحين احبج توك حاس قال والله انتي ماعطيتيني فرصه انتي هديتيني وماخليتني اقرر انتي صدمتيني يومها وماقدرت اتكلم ماعرفت شقول خفت بس انتي من ثاني يوم هديتيني وانان مادري شسافه على باي فيج شي خف عليج
انتي ماتحسين والله اني حبيتج من قلبي ...
خليييه يطلقج انا ابيج انا باخذج ارجوووج
ماقدرت استحمل كل هاي وسكرت ووتميييت اصييييج وحالتي حاله وكرهت نفسي وكرهت كل شي حست اني ضيعته مني حسيت اني ظلمته
هل انا ظلمه صج؟
هل هو صح وانا غلط؟
هاي اللي افكر فيه وماقدر اشيله من بالي حسيت شكثر انا قاسيه
ووو انا الحين متزوجه صارل كم شهر وووو احس اني اخون ريلي لما افكر فواحد ثاني شسوي؟
ريلي مسكين ومش مقصر معاي بشي يحبني ومدلعني بس انا احس بالذنب اتجاهه واتجاه هذك الشخص
وماقدر انساه وخاصه يوم شفت رقمه بجوال ريلي وعرفت انه رفيجه
قلب عورني اكثر مادري شسوي وهو الحين تزوج خلاص بس ماقدر انساه ساعدوني
شسوي ؟؟؟؟
والله تعب ؟؟؟؟؟؟؟؟؟؟؟؟؟؟؟
واتمنى انكم تفهموني وماتقسون علي :(
ل
حبيبتي أنا ما بلومك ولا بقولك أخطأت ومن هذا الكلام خلاص اللي صار صار وتزوجت بكامل إرادتك وهو كمان تزوج يعني خلاص إنتي مشكلتك إنك لسه حاطة في بالك الشخص القديم والشخص القديم معد في أمل فيه ومو قادرة تحسي بزوجك ولا تفتحي قلبك ليه يا عمري اللي راح راح افتحي قلبك لزوجك حاولي تشوفيه وتشوفي حسناته عطيه فرصة أنا ما بقلك حرام عليكي زوجك لا أنا بقلك حرام عليكي نفسك كافي تعذبيها بعدين حاولي تحملي من زوجك ترى الحمل وشعور الأمومة حينسيكي كل هادي المشاعر اللي ما من وراها فايدة غير الألم ليكي ولزوجك
الله يهدي بالك ويهنيكي يا رب
N
اختى كل واحد راح لنصيبه لا تسمعى لشيطان وتفتحى ابواب الماضي وتخربي عليه حياته بعد ربنا يهدى بالك وخاطرك ويثبتك
s
دمعت عيني بحكايتك سبحان الله كله على النصيب

بس بصراحه انتي استعجلتي كثير وظلمتيه لو كنتي تحبيه ماكنتي وافقتي بسرعه كذا بيوم واحد حتى مااعطيته فرصه يثبت حبه ليكي

وهو لما مارد عليكي بحيث انك توافقي على الولد او لا امكن مااحب يظلمك وكان

حابب يتاكد من اهله اذا راح يوافقو عليكي او لا وكان بالفعل شاريك

ومو مثل باقي الرجال اناني

اهم شي خلاص اهذا نصيبك والان انتي عايشه حياه جديده الله يعينك صعب الانسان ينسى حبه

وخصوصا صديق زوجك والله صعبه كثييييييييير


ماعرف ايش ارد عليكي ربنا يوفقك اختي ويصبرك ومع الايام تنسيه
S
اااااااااه قصصتك كانها فللم ياختي لازم تنسيينه لازم ما يصير كذا ونتي متزوجة حاولي تتقبليين زوجج وتنسيين ذاك او اتاكدي الي صار لج عنصلااح وعسى ان تكرهوا شيئت وهو خير لكم وربي يطمن فلبج وساعدج
&
لاحول ولا قوته الا بالله


والله الحب عذااااااااااااب وهم

ما اعرف شو اقول


ادعي ربك انك تنسين الماضي وان ربي يسترك مع زوجك


الله يعينك كمان صديق زوجك يعني لو تعرفتي على زوجته يالله قد بتكون صعبه عليكي


تشوفين زوجته اي تلتقي فيها في يوم من الايام

ولما تشوفيها اكيد بتقولي المفروض انا اكون مكانها مب هي

ما اعرف


شو اقول

الله يكون بعونك ويفرج همك عورتي قلبي


الله يفرجها عليكي
e
الله يعينك
الحب عذااااااااااب الحب مر مر
لو تحبيه من قلب كان ماوافقتي على الشخص الا تقدم لج
ل
خلاااص انسيه وكلما تذكرتينه اتعوذي من الشيطان حوالي ان اغلب اوقاتج تتكلمين مع خطيبج عشان تتقربين منه وتحبينه وتنسين للي فات

والله يوفقج ويهدي بالج
u
اختي الغاليه ..

ليش ما تحسبيها جذي ..

قرار بحلظه غضب انقذك ... اي نعم انقذك .. بعض الريايل .. يتحدون كل شي ويسون اي شي في سبيل يحصلون الي يبونه .. يعني يوم انتي جدامه ومعاه مافكر فيج كزوجه ويمكن كان يظن انج بنت لعوب حالج حال البنات ..

ويوم قلتي له اني بنخطب .. عباله خطه من خطط البنات الي يصيدون فيها الريال عشان ( يتلحلح ,, ويبادر) وهو ابد ما يهزك ريح .. فكان رده مثل ما سمعتيه .. عشان جذي يا اختي انتي اخذتي الخطوه الصح ..

هالريال الي اخطبج الله اراده لج .. لان هو الي بيصونج وبيحبج .. وهو الي يعرف قيمتج اكثر من اي شي ثاني.. الي عليج تسوينه تغيرين رقمج مره واثنين وثلاث ,, وتواصليه على الطريق الي انتي فيه .. ولو يحبج اختي ما نطر كل هالموال يصير عشان يتقدم لج .. ,, ويعني الحين بس حليتي في عينه الله يا لدنيا .. وينج اول .. يعني يوم بتتطلقين بتصيرين احلى ..

يا اختي .. يكفي الغلط الي انتي سويتيه قبل ,, وكنت اتمنى اسمع منج كلمه التوبه .. بس للاسف .. لازلتي على خطأ .. يعني الله كاتب وشايف لج طريق احسن ... وربي اعطاج ورسم لج طريق الهدايه .. فلا تتركينه ورا اوهام الشيطان تسلحي بالايمان وقوي عزيمتج .. وهو مثل ما قلتي تأخر وايد .. لا تتكرين الغلط عزيزتي بغلط ثاني ولا تعطينه مجال حق اخذ وعطي..

الجروح العاطفيه وارده وتحصل ,, وكل جرح يندمل .. لكن اختي عمر الشرف والسمعه يتصلحون .. فلا تخسرين خطيبج ,, ولو قام هالشخص وقال حق خطيبج ان بينكم علاقه .. لا تعطين حق هالموضوع اهميه , والحمدالله انج ما تماديتي مع هالشخص .. بشي اكبر .. وحجتج اقوى من حجته بوايد .. ,اعتبريه غلطه عمرج .. وزوجك هو الحين حبيبك صديقك وكل شي ..

اختي اتمنى تراجعين نفسك ,, الله يوفقج ويسهل امورج مع زوجك

ام جنى
ر
اختي الله يكون بعونك ويصبر قلبك
حبيبتي بقولك نصيحه حافظي ع بيتك وزوجك وبما انك تقولين ان زوجك يحبك فهذي نعمه من رب العالمين وحاولي تشوفين زوجك ومزاياه من غير ما تقارنينه باحد ومعليش تقبلي صراحتي انتي بديتي علاقتك بالشاب غلط حتى لو قرر يخطبك لكن فكري بعقلك لو تم الزواج بينكم مهما كان يحبك لكن بيجي يوم ويشك فيك لانك مثل ما كلمتيه من غير اي علاقه بينكم بيقول اكيد بتكلم غيري..اهتمي ببيتك وزوجك واحمدي رب العالمين على هذي النعمه وانسي الماضي بما انه خلاص تزوج..والله يريح قلبك ويفرج همك.
تقبلي مروري
ا
بجد قلبى وجعنى :tears::tears:
حسيتك انا وانا قلبى واجعنى لوحده ........
ربنا يارب يصبرك على احساسك ده ...........
انا عارفه انه صعب عليكى ده غير كمان انه صاحب جوزك ........

بس حبيبتى هونى على نفسك وانسى الماااااااااااااااضى لانه مش هيفيدك من الماضى حاجه غير غضب ربنا وخيانه جوزك اللى بيحبك ويراعى ربنا فيكى ........
ده غير انه مدام اتجوز يبقى اى تفكير تانى وهم اكيد بيحب مراته اكيد ........
حبى جوزك عيشى لحظات الحب معاه
اعشقيييييييييييييييييه من قلبك لانه جوزك .......
برغم انه انتى اتسرعتى من البدايه بس ده مش وقته ولا هيفيد لانه نصيب بس برضه هو ملام
لانه لو كان بيحبك بجد كان قالك لآ او تانى يوم لما كلمك كان قاللك انا عايزك
مش معقول واحد بيكلم واحده وبيحبها مش هيبقى عارف انه الموقف ده هيجى وهيتصرف ازاى والا كان بقى بيلعب بيكى ومحسش غير بعد فقدانك ؟؟؟؟؟
يعنى هونى هونى هونى على نفسك
انتى دلوقتى اتجوزتى وهو اتجوز يبقى منتظره ايه ياحبيبتى؟؟؟
ولا حاجه يبقى اتقى الله فى جوزك احبييييييييييه وراعى ربنا فيه وربنا صدقينى هيرضى عنك بانك تنسى الماضى ..........
وصدقينى
صدقينى الايام كفييييله انها تداوى الجراح وياريت الايام تجرى بسرعه علشان ننسى بسرعه .............
وربنا يهديكى لجوزك اللى يستاهل حبك واحترامك واخلاصك
طولت عليكى آسفه
a
لا فائدة الآن من تذكر الماضي ركزي في حياتك الزوجية الله يهديكي
a
ألا بذكر الله تطمئن القلوب
n
اختي الغاليه ..

ليش ما تحسبيها جذي ..

قرار بحلظه غضب انقذك ... اي نعم انقذك .. بعض الريايل .. يتحدون كل شي ويسون اي شي في سبيل يحصلون الي يبونه .. يعني يوم انتي جدامه ومعاه مافكر فيج كزوجه ويمكن كان يظن انج بنت لعوب حالج حال البنات ..

ويوم قلتي له اني بنخطب .. عباله خطه من خطط البنات الي يصيدون فيها الريال عشان ( يتلحلح ,, ويبادر) وهو ابد ما يهزك ريح .. فكان رده مثل ما سمعتيه .. عشان جذي يا اختي انتي اخذتي الخطوه الصح ..

هالريال الي اخطبج الله اراده لج .. لان هو الي بيصونج وبيحبج .. وهو الي يعرف قيمتج اكثر من اي شي ثاني.. الي عليج تسوينه تغيرين رقمج مره واثنين وثلاث ,, وتواصليه على الطريق الي انتي فيه .. ولو يحبج اختي ما نطر كل هالموال يصير عشان يتقدم لج .. ,, ويعني الحين بس حليتي في عينه الله يا لدنيا .. وينج اول .. يعني يوم بتتطلقين بتصيرين احلى ..

يا اختي .. يكفي الغلط الي انتي سويتيه قبل ,, وكنت اتمنى اسمع منج كلمه التوبه .. بس للاسف .. لازلتي على خطأ .. يعني الله كاتب وشايف لج طريق احسن ... وربي اعطاج ورسم لج طريق الهدايه .. فلا تتركينه ورا اوهام الشيطان تسلحي بالايمان وقوي عزيمتج .. وهو مثل ما قلتي تأخر وايد .. لا تتكرين الغلط عزيزتي بغلط ثاني ولا تعطينه مجال حق اخذ وعطي..

الجروح العاطفيه وارده وتحصل ,, وكل جرح يندمل .. لكن اختي عمر الشرف والسمعه يتصلحون .. فلا تخسرين خطيبج ,, ولو قام هالشخص وقال حق خطيبج ان بينكم علاقه .. لا تعطين حق هالموضوع اهميه , والحمدالله انج ما تماديتي مع هالشخص .. بشي اكبر .. وحجتج اقوى من حجته بوايد .. ,اعتبريه غلطه عمرج .. وزوجك هو الحين حبيبك صديقك وكل شي ..

اختي اتمنى تراجعين نفسك ,, الله يوفقج ويسهل امورج مع زوجك

ام جنى


(y)
n
Noor1979;8136563:
اختي الغاليه ..

ليش ما تحسبيها جذي ..

قرار بحلظه غضب انقذك ... اي نعم انقذك .. بعض الريايل .. يتحدون كل شي ويسون اي شي في سبيل يحصلون الي يبونه .. يعني يوم انتي جدامه ومعاه مافكر فيج كزوجه ويمكن كان يظن انج بنت لعوب حالج حال البنات ..

ويوم قلتي له اني بنخطب .. عباله خطه من خطط البنات الي يصيدون فيها الريال عشان ( يتلحلح ,, ويبادر) وهو ابد ما يهزك ريح .. فكان رده مثل ما سمعتيه .. عشان جذي يا اختي انتي اخذتي الخطوه الصح ..

هالريال الي اخطبج الله اراده لج .. لان هو الي بيصونج وبيحبج .. وهو الي يعرف قيمتج اكثر من اي شي ثاني.. الي عليج تسوينه تغيرين رقمج مره واثنين وثلاث ,, وتواصليه على الطريق الي انتي فيه .. ولو يحبج اختي ما نطر كل هالموال يصير عشان يتقدم لج .. ,, ويعني الحين بس حليتي في عينه الله يا لدنيا .. وينج اول .. يعني يوم بتتطلقين بتصيرين احلى ..

يا اختي .. يكفي الغلط الي انتي سويتيه قبل ,, وكنت اتمنى اسمع منج كلمه التوبه .. بس للاسف .. لازلتي على خطأ .. يعني الله كاتب وشايف لج طريق احسن ... وربي اعطاج ورسم لج طريق الهدايه .. فلا تتركينه ورا اوهام الشيطان تسلحي بالايمان وقوي عزيمتج .. وهو مثل ما قلتي تأخر وايد .. لا تتكرين الغلط عزيزتي بغلط ثاني ولا تعطينه مجال حق اخذ وعطي..

الجروح العاطفيه وارده وتحصل ,, وكل جرح يندمل .. لكن اختي عمر الشرف والسمعه يتصلحون .. فلا تخسرين خطيبج ,, ولو قام هالشخص وقال حق خطيبج ان بينكم علاقه .. لا تعطين حق هالموضوع اهميه , والحمدالله انج ما تماديتي مع هالشخص .. بشي اكبر .. وحجتج اقوى من حجته بوايد .. ,اعتبريه غلطه عمرج .. وزوجك هو الحين حبيبك صديقك وكل شي ..

اختي اتمنى تراجعين نفسك ,, الله يوفقج ويسهل امورج مع زوجك

ام جنى






بارك الله فيك على هدا الرد (y)
ش
شوي يالغلا

هذا مايصلح يصير زوجك لانه بيشك فيك لو يحبك كان قال لا بكل سهوله ماصار يتردد

واصلا مافيه حب بعده زواج الى ماتصير مشاكل وانتي احمدي الله ان ابعدك عنه استغفري وانسيه خلاص

واهتمي بزوجك يالغلا والله يسعدك ويوفقك


اختك شذى الورد الجوري
غ
عورتي قلبي و الله ..
يعني الانسان ما يحس بالنعمه اللي فيها الا يوم يشوف مصايب غيره ..
لآ حول و لا قوه الا بالله العلي العظيم ..



شوفي .. ما أبا اقرأ اي رد من الاخوات اللي قبلي ..

ابا اجاوب عليج من نظرتي انا ..


انتي بصراحه استعجلتي .. و فعلاً عصبيتج يمكن تكون سبب عوار قلبج ..
انتي استعجلتي في (( قبولج لعرض الخطبه اللي صار ))
ما صليتي استخاره و لا راجعتي نفسج عدل ..

لكن بنفس الوقت انتي عطيتيه خبر و رايتج بيضه من هالناحيه ..
يعني ابد ما يقدر يقول الغلط منج ..
هو اللي ما تحرك . او يقدر يقول يا فلانه .. اصبري لين نشوف شو يصير ..





راح ارد عليج بالخاص .. و اخبرج بأمور يمكن تشوفينها نعمه بالنسبه لج .. ( من وجهه نظري الخاصه )



الحين ركزي ع حياتج .. و دوم استغفري رب العالمين و ادعي انه يهدي سرج مع ريلج ^__^



الله يوفقج يا الغاليه و ييسر امورج ..
P
اختي انت بدأت حياة جديدة الآن ومادام انه زوجك يحبك و هو طيب معك حاولي تشيلي الماضي من تفكيرك نهائيا و ابدأي مع الرجل الطيب هذه الحياة و تأكدي تماما أن الرجل الذي يحبك أفضل بكثير من انك تحبيه فالشاب الأول ربما كان يحبك و لكن برأي أنه كان يتسلى بك الى أن شعر انه سيخسرك للأبد ففكر حينها بالزواج لم لم يفكر من قبل و لم يتخذ هذا القرار لأنه يتسلى و يلعب أما الثاني فقد دخل البيوت من ابوابها و هو صادق معك و مشاعره اتجاهك رائعة فلا تخسريه اتمنى لك التوفيق و الاستقرار
a
حبيبتي مثل ما قلتي الريال تأخر وراحت الفرصة من يده

خلاص حاولي تنسينه لان التفكير ماراح ينفعج

انتي وحده متزوجه فكري بريلج وحياتج بس

وانسي الماضي وربي يساعدج ان شاء الله
s
انا مش هقولك زي كل البنات اللي قالوا انك غلطتي واسرعتي في اتخاذ قرارك
لأ انتي لم تخطأي في شيء انتي كلمتيه بكل وضوح وقلتيله انك خطبك واحد وطلبتي منه رأيه واديتيله فرصة ياخد قرارك بدلا منك وهو رفض ياخد القرار
ولو كان بيحبك فعلا كان اخد القرار في وقتها وقالك انه بيحبك فعلا وناوي يتقدملك قريب
بس هو مكنش ناوي ولما لاقاكي مع رجل غيره جاله شعور انه احق بيكي منه لانه وصل لكي قبله
بس صدقيني احمدي ربنا على ان الامور مشيت كده
(الله اعلم مش يمكن لو كنتي اتجوزتي بهذا الشخص كان فضل ماسك عليكي انك عرفتيه قبل الزواج وكان شك فيكي لاخر حياتك معه وقلب حياتك الى جحيم من الشك والغيره)
احمدي ربنا على نصيبك وماقدره لكي وادعيه يوفقك في حياتك القادمه
واحمدي ربنا انه رزقك بزوج صالح يحبك ويدلعك
وصدقيني ما اروع ان تجدي رجل صالح يحبك ويحترمك ويكمل معك حياتك وتنجبي منه اولادك
وفي الوقت الحالي ركزي تفكيرك على ازاي تسعدي زوجك وتكوني جديرة بيه قربي منه واكتشفي مميزاته وطيبة قلبه ومدى حبه لكي
وانسي اللي فات وحتى لو كان صديق جوزك لا تعتبريه سوى اخ لكي
ربنا يوفقك اختي ويصلح احوالك
ونصيحتي الاخيرة لكي تقربي الى الله وتوبي اليه واستغفريه على مضى وادعيه بالتوفيق وصلاح الحال فيما هو قادم وعيشي حياتك اختي في سعادة القرب من الله وسعادة اسعاد زوجك واولادك
ولكي مني ارق التحية
X