شحالكم خواتي عساكم بخير وسهاله !!!
اليوم موضوعي غير عن كل المواضيع الي كتبتها من قبل ........
لانه يحمل كل معاني الحزن والخوف و قوه الصدمه :(
ما ادري اذا كان ركن المكياج هو المكان المناسب عشان انزل
موضوعي بس انا فضلت اني انزله بهالمكان عشان كل خواتي
الي يعرفوني يقرونه ويشوفون الي انا شفته ويحسون فيني ........
بسم الله ببدأ قصتي معا الي شفته
اول ايام عيد الاضحى كان يوم حلو كثر شفت فيه اهلي و قعدت وياهم واستانست
وكنت لابسه لبسه رهيبه تبارك الرحمن الكل تخبل عليها و سالني عنها وعن اللوك الي كنت مسويته والروج
يعني باختصار كنت مستانسه بكل شي ..............
وبعد هاليوم الطويل والحلو رجعنا البيت بالليل بعد تعب العيد
و التنقل والسلامات صعدت غرفتي وكان التلفزيون مفتوح لاني
نسيت اسكره و نافذه كرمكم الله الحمام بعد مفتوحه شوي يعني اذا
وقفت اقدر اشوف العمارات والبيوت الي قدامنا بس هم ما يقدرون
يشوفون لان عليها شبك ...............الـــــــــــمهم قلت برتاح شوي وابدل
ملابسي بس ماقدرت ارتاح لان صار كل شي قدام عيوني :tears: وبسرعه فظيعه
بدلت ملابسي ورحت عند التسريحه وتسريحتي تصير جمب
باب الحمام _ عزكم الله _ وباب الحمام كان مفتوح والدريشه
( النافذه ) تبين رحت عند التسريحه عشان اشل مكياجي و كنت
ادورمناديل جونسون لازله المكياج ولقيتها بالدرج مكان الي حاطتها
و اسخدمتها لازاله مكياجي وخلصت وبعدها بديت اجمع المكياج الي
على التسريحه و الي استخدمته للـــــــــلوك الي حطيته اول العيد لاني
ماقدر انام ومكياجي معفس ومتوصخ حتى لو اني ميته من التعب بعد
ما يهون علي :( فبديت اجمعه وكل ما اشل قطعه انظفها بمنديل جونسون
وارجعها لعلبتها وانا انظف واشل وارتب ....
:tears: شفته اي شفته بس مالحقت اشوفه كثير :tears:
لان صار كل شي بلمح البصر وبسرعه طاح من ارتفاع شاهق
قدام عيوني ولا قدرت اسوي له شي او انقذه وهو صغير ما يقدر
ينقذ روحه مادري هل هو انتحر ولا احد كان وراه وطيحه بس بالاخير
طاااااااااااااااااح :cry: وعور قلبي لان طيحته قويه من فوق ..............
ومات :( بنفس الوقت في مكان الحادث ........ قبل لا ينقذونه !!!
كل الي اقدر اقوله بعد الي شفته الله يرحمه كان صغير بس هذا يومه
بكمل برد ثاني >>>>
