~( صينيـة بطآآآطسـ بالدجآآآجـ والكريمــة )~

السلام عليكم ورحمة الله وبركاته

بسم الله وماشاء الله

احبائي بنات عروس اقدم لكم بين ايديكم طبق من اطباقي وهذا الطبق هو اول طبق لي بالمنتدى .. راجية أن ينال رضاكم ..
تفضلوا شوفوا الطبق وإذا عجبكم أتمنى منكم تقيموني عليه ، وتدعووون لي بالفرج من كل ضيق ..




هاذي مقاديري بالصور ..




3 قطع دجاج
3 بطاطس
1 علبة مشروم صغيرة
1 قيمر
زبدة ( نستخدمها للبطاطس ولخلطة الدجاج )
بهارات مشكلة راح اذكرها لكم تحت
1 مكعب ماجي خضار
1 ملعقة أكل خردل
1 ملعقة أكل طحين
1 علبة جبن مراعي
جبن موزاريلا مبشور



هاذي صورة للبهارات وهي كالتالي
(( فلفل أسود + فلفل أبيض + زنجبيل ناعم + ثوم ناعم + القليل من الكركم + بهارات مشكلة + بابريكا )) الكمية طبعاً حسب الرغبة انا حطيت من كل شي شوي بدون قياس ..




وهاذي صورة الكريمة اللي سويتها وهي عبارة عن (( علبة قيمر + ملعقتين أكل جبن سائل + ملعقة أكل مايونيز ))








أول شي طبعاً نبدأ بسلق الدجاج مع قليل من الملح ،، ونفس الشي نسلق البطاطس مع شوية ملح

نهرس البطاطس مع ربع قالب زبدة ونفتفت الدجاج ..




نبدأ بتحضير خلطة الدجاج ..

نضع ملعقتين من الزبدة في القدر ونضيف الدجاج ثم المشروم (( انا ماضفت بصل اللي تبي تحط ))



نضيف بهاراتنا مع الماجي ونضيف ربع كوب من ماء سلق الدجاج و عشان مايصير الأكل مالح أنا ضفت زيادة ماء عادي تقريباً نصف كوب




وبعدها نضيف الجبن المبشور ونخلط ..




نضيف ملعقة أكل خردل ثم ملعقة أكل طحين ونخلط شوي ونخلي النار هادية عشان ماينشف ..




نسيت اصور لكم شكل الخلطة بعد ماسكرت النار عليها بس راح تشوفونها تحت ..




نرص البطاطس في صحن البايركس






نضيف خلطة الدجاج ، لاحظوا إن فيها شوية ماء يعني ماصارت جافة عشان تطلع ألذ ..






في الأخير نضيف الكريمة وجبن الموزريلا






وندخلها في الفرن لحد ماتتحمر




وفي الأخير طبعاً تقطع وتؤكل .. وهاذي شكل الطبق ، والله يابنات الطبق لذيذ وماراح تندمون إذا جربتوه