عندي استفسار لو سمحتوا ؟ ( مدة الاحتفاظ بحليب الام + حليب s26)??

حليب الأم ممكن يبقى كم يوم اذا تم حفظه بالثلاجه... و 3 ساعات اذا كانت المرضاعه برى الثلاجه...ويجب تسخينه بوضعه في كوب ماء حار قبل اعطاء الطفل....
أنا جربت حليب 26 s مع ولدي وااايد زين...

شوفي على كلام دكتورتي حليب الم إذا شفطتيه و حطيتيه بالمرضعه يظل بالثلاجه 24 ساعه و ممكن تحطيه بالفريزر عادي و يظل 3 شهور

و تسخنيه يا إما بالأله الخاصه او ممكن تحطيه 10 دقاقيه في ماي دافي يعني بنفس المرضعه حطيها بماي دافي
اما بالنسبه للحليب الصناعي ما عندي علم و الله

أنا ولدي عنده مشكله في الرضاعه فأضطر إني اشفط له و أعطيه من حليبي " دعواتكم له إن الله يشفيه و يتعلم الرضاعه عن قريب إن شاء الله "

من تجربتي :-

جو الغرفه أربع سـاعات
في الثلاجـه 24 ســاعه
في الفريزر 6 أشهر

أتمنى إني افدتج

ماشاء الله

معلومات توني اعرفها عن مدة الاحتفاظ بالحليب الطبيعي

روووووووعه المعلووووووماااات
وبالنسبه لحليب 26 جيد استخدمه لولدي

حليب اس 26 رووعه استخدمته لبنتي خفيف لايغث ولاترجيع ولاامساك انصحك فيه
بس رقم 2 منه اللي هو برميل قولد يجيب امساك

حليب 26 اس استخدمته لبنتي وناسبها بس اعتقد يختلف من طفل الى طفل يعني اللي يناسب بنتي ممكن ما يناسب بنتج..

والله انا دخلت هالقسم عشان ابي استفسر عن هالموضوع الحمد لله لقيته...

اي والله الرضاعه احسها صعبه خصوصا ان ولدي مايرضى يرضع طبيعي...

والحين اشفط له....احس اني اتعب وانا اشفط واخرتها اذا ماجلس ولدي من النوم ارمي الحليب

يعورني قلبي...

انا عن الحليب الطبيعي ما عندي فكره ..!

اما عن الصناعي ممكن تسووينه وخلال 6 ساعات اذا ما شربها لازم تغيرينهاا ..!!

حليب الام يجلس يوم واحد اذا كان في الثلاجة اما لو في الفريزر يجلس 6 اشهر

ام علاوووي;11954369:
انا عن الحليب الطبيعي ما عندي فكره ..!

اما عن الصناعي ممكن تسووينه وخلال 6 ساعات اذا ما شربها لازم تغيرينهاا ..!!

لا حرام عليكي اكثر من ساعتين الطفل معدته بتتعب ويجيه اسهال
اعرف واحدة كانت تخلي الرضعة 3 ساعات كنت اقلها لا تعملي كده وصار لبنتها اسهال دايما وبس سمعت كلامي راح الاسهال منها

هلا فيج اختي .... من خلال تجربتي ... امممم الحليب الطبيعي عادي كنت اشفته لبنووتي وانا في العمل والحمد لله ما فيه اي شي مدة صلاحيته تقريبا 3-4 اشهر في الفريزر ويوم تبين تعطين البيبي بس حطيه في ماي دافي اشوي وعطيه وهو دافي ... اما حليب اس 26 اختي نصحتني فيه والحمد لله انا جربته على ولدي وكان تمام الصراحه بس مده انج تحطينه برع مو اكثر من ساعتين يفضل ولا اقل .... لانه الحليب يكون دافي للبيبي مو مايل للبروده ... الحمد لله بنتي ما احتجت اني ارضعها صناعي قبل ال6 شهور عقب عطيتها بروميل اللي هي نفس نوعية اس 26 بس المرحله اللي بعدها *__*

ريم81;8126070:
شوفي على كلام دكتورتي حليب الم إذا شفطتيه و حطيتيه بالمرضعه يظل بالثلاجه 24 ساعه و ممكن تحطيه بالفريزر عادي و يظل 3 شهور

و تسخنيه يا إما بالأله الخاصه او ممكن تحطيه 10 دقاقيه في ماي دافي يعني بنفس المرضعه حطيها بماي دافي
اما بالنسبه للحليب الصناعي ما عندي علم و الله

انا كمان هذا الذي اعرفه يحفض لمدة ثلاث شهور في الفريزر
و الصناعي يحفض في الثلاجه لمدة 24 ساعه
و تسخين بوضعه بماء ساخن

موضوع حلو ومفيد استفدت منه بالنسبه للحليب الصناعي

طيب بنات ...انا اخت سخانه مراضع من شيكو...

يعني احط الرضاعه اللي فيها حليب طبيعي بالثلاجه

وبعدين احطها بسخانة المراضع...كذا اوكي مايخرب؟؟؟

حليب الام يبقى 24 ساااعه اذا كان بالثلاجة

توني قاعده ادور في قوقل عن هالموضوع

الحليب المسحوب شقد يتم بعد سحبه

زين انه يتم 3 ساعات بره الثلاجه :)