السلام عليكم
عندي مناسبة عزيزة على قلبي وابي لها فستان سهره ناعم وبسعر حلوو ومناسب
فاللي تعرف محلات تكتب لي وين الممحل واسعارهم تقريبا
وشكراا مقدماا:o
ان شاء الله البنات يفيدونك
في في بوكواره كذا محل سهرة الشرق وبالنسبه عن اسعاره انا شايفه نفنوف قبل فتره تقريبا 100 دينار..
وبعد في محل ناسيه اسمه اشوف عليه اعلان من فتره انه الفساتيين تقريبا على 40 دينار ...
وفي محلات في العدليه اسعارهم ارخص..
بس ليش ما تشوفيين في السعوديه في سويكت او الخبر بلازا عندهم فساتيين روعه باسعار ارخص من البحريين...
وساعات بعد مانجو ينزل اشياء ناعمه للسهرات تقريبا ع 60 دينار...
وبعد شوفي بوتيك فيصل في سوق واقف في مدينة حمد عندهم طابق فوق بعد في فساتيين سهره بس انا ما احسهم ذاك الزود بس يمكن تلقيين شي يعجبج..
تحياتي لج اختي وإن شاء الله قدرت افيدج
تسلمين حبيبتي على المساعده بس انا حامل مافيني شدة على درب السعوديه :)
وبصراحه فدتيني وايد وعن بوتيك فيصل اي مو حلوين مادري شلون غلايه على قلة الفايده
هلا اختي عندج محل في سوق واقف ماأعرف اسمه هو جديد المحل يبيع فساتين ولا مره دخلته بس من برع احس عندهم فساتين حلوه
تعرفين استيديو صحاري ؟ المحلات اللي جدامه يكون أخر محل كأن صوبه مكتبه كأن
وعندج في جدعلي جزر الأميرات على ماأظن حلووين فساتينهم
مشكووره حبيبتي واليوم باروح باتفرر باجوف لي فستاان:)
بصراحة ستي سنتــــــــــــــــــــــــــــر مافي عليه
انااا مشترية فستاني من ستي سنتر حق عرس أخوي حده ناااااااااعم وبس بــ 40 دينار عقب لتخفيض
بس الموديلات كل استااايل أوروبي كلاسيكي يعني ناعمين و معظمهم اكونووون قصااااار
عندج مجمع اللؤلؤ فيه كذا محل يبيعون فساتين
سهره منهم الطابق الأرضي محل اسمه
CATS وبعد في محلات فوق وايد واسعارهم في حدود (40-100)
روحي وان شاءلله تلقين اللي يعجبج :)