اوافق ولا لآ؟ ده صح ولا لآ؟

افرودييت 18-12-2008 46 رد 2,222 مشاهدة
ا
ازيكم يابنات
والله بجد مليش غيركم معلش بقيت اى مشكله احس انه اول ناس بجرى عليها هو انتوا خصوصا وانى لقيت مابينكم بالحب اللى محتجاله ربنا يخليكم ليا ...........
من كام يوم بدأت يظهرلى بصيص من الامل فى الخطوبات
فاكرين لما قولت انه اللى بيبعت مش بيجى من قبل ماامى توفت الله يرحمها ؟؟
المرره دى عندى ليكم اخبار كتييييير يمكن متغيره عن كل مرره
ربنا حب يصبرنى على مابلانى شويه والحمدلله وبتمنى يكرمنى وده بعد دعائكم ليا والدعاء آمااانه منكم ......................

المهم
من 4 ايام جالنا اول عريس البيت وبعد مناقشه من بابا انه عايز يتطمن عليا لانه مش ضامن عمره هو كمان وانه ماما كانت امنيتها انى اتجوز وعايز يريحها .......

المشكله بقى :::::::

اولا العريس امووور جدا ماشاء الله عليه لكن معرفش مالى حاجات كتيره قوى بفكر فيها وخايفه منها
اولا وحيد مامته لا اخ ولا اخت وباباه متوفى
مركزه كبير ماشاء الله لكن هم عايشين فى فيلا كبييره هو ومامته وحدهم
ومامته جابته بعد 16 سنه جواز
بفكر انه خايفه ادخل فى تجربه تانيه دلوقتى صراحه مرعوبه ومش حاسه بأمان
احنا شوفنا بعض بس ولا اتكلمنا ولا اى حاجه لانى اساسا منطقتش مكسوفه ولا مامته وجهتلى كلمه باين عليها طيبه لكن المشكله انه اخاف تكون ام انانيه وتخرب علينا وتكون خايفه اخده منها خصوصا وانه باين قوى انهم اصحاب ممكن تغير منى
يعنى وحدانى دى سلاح ذو حدين
انه ملوش اخوات يخربوا عليا زى البهوات اللى فاتوا
وفى نفس الوقت ليه ام عايشه معاه وممكن قوى تغير عليه منى
انا نفسى ربنا يكرمنى بواحد يكون اميره دى هى حياته وازاى يسعدنى بجد محتاجه لكده
وجود مامته ده لانى مش هقدر منزلش ليها ولا انى اسيبها تقعد لوحدها سواء كنت فى شقتى او خرجنا حرام تكون وحدها وانا مرضاش لو امى عايشه انها تكون وحدها .........
فحاسه انه كده برضه مش هعرف اعيش براحتى مع جوزى
بجد هراعى ربنا فيها قوووووووووووووووووى ومراعاتى دى هترهقنى وهتكبتنى مع جوزى
مش عارفه اعمل ايه فاهميننى ؟؟؟
بابا مبسوط قوى منهم خصوصا بعد اللى سمعه عنهم
لكن مش عارفه صليت استخاره مرره ومكررتهاش تانى لانى متردده جدا
ساعات اقول هل لو وافقت هكون مبسوطه
احس بحزن ومش عارفه الحزن ده من ايه هل لان ماما مش معايا فى التفكير ومفتقدها كل مرره كانت بتفكر معايا ؟؟
ولا لآنى مش فرحانه بالعريس؟
احساسى مشتت وخصوصا بعد الاستخاره
كمان يابنات اول ماقعدت معاهم افتكرت محمد على طووووووووول وحسيت انى مخنوقه ومش مصدقه اللى بيحصل وافتكرت اول مرره قعدنا فيها مع بعض ازاى كنت طايره من الفرحه وده مش حاسه بفرحه ..............
تفتكروا عدم احساسى بفرحه ده ليه ؟؟
علشان ماما ولا محمد ولا العريس مش فرحانه بيه فعلا؟؟
شويه احس انه هوافق بقى وخلاص ومنها اطلع من القرف اللى انا فيه ده واستقر ؟
واقول لنفسى لآ كله الا كده هموت نفسى بايدى لو عملت كده ,,
بعد ماصليت الاستخاره حاسه انه شويه كده وشويه كده
شويه اقول لآ واحزن ولما حد يتكلم عنه احس انى مرتاحه وانى شويه كمان هوافق
بس بجد محتاااااااره
هو بجد ميترفضش اخلاق واصل ونسب ومركز وكمان دم خفيف
محتااااااااره وخايفه استعجل
وخايفه اقول لآ اتبتر ...



الحاجه التانيه بقى واللى هتفرحكم شويه ........
انى عرفت انه محمد خطب :eek:
اخته اللى كانت عاملالى المشكله خطبتله بنت فاكرين لما قولتلكم انى حاسه انه خطب ؟
طلع الاحساس صح
بس المرره دى الموضوع اتفشكل بسرعه وحصلت مشااااااااااكل وكانت حكايه واتبهدلوا من العروسه واهلها كمان .......... واتهانوا
وعرفت كمان انه اخته الصغيره هى متجوزه برضه قالت كده بالحرف " برضه خسرنا اميره ومش هتعرفوا تجيبوا زيها تانى"
ومحمد عرف قيمتى جدا جدا بس محرج بعد المشاكل وماشى برضه ورا اخته الكبيره
ودلوقتى هى ماشياله فى موضوع تانى (الله ينتقم منهم ويجيبلى حقى لحاد عندى زى ما بوظوا حياتى )

اه نسيت اقولكم انى لما صليت استخاره حلمت حلم مش عارفه ده بسبب الصلاه ولا لآ
حلمت انه معايا طنط صاحبت ماما وهى زى ماما دلوقتى وبنتها اكتر من اخت ومعانا صاحبتى (اللى جابتلى محمد وجوزها)
جوزها فات علينا بالعربيه وانا واقفه فى طريق كله ضلمه ورياح وخدنى ومشينا فى طريق شكله غريب وروحنا لوحده انا عارفاها طيبه وبحبها بس انا مطلعتش معاهم عندها ومش فاكره روحت فين كده
بس لما جينا نروح لقينا البلد دى كلها طين وانا الوحيده اللى مدوستش على الطين ده صاحبتى وجوزها وطنط كانوا معايا وبعدين افتكرت انى مسلمتش على الست دى روحتلها قولتلها انى هكلمها قالتلى ايوه علشان اقولك كل حاجه براحتى .......... وجريت اروح ليهم لانهم كانوا بيندهونى
قبل مااركب العربيه كان فى ايدي 3 بيضات لونهم ابيض
واحده منهم وقعت وانكسرت وطنط داست عليها وقالتلى معلش غصب عنى
وفى نفس اللحظه دى واحده تانيه انشرخت فى ايديى وطلعت حته قشره بس انا خبيت البيضتين دول وقولت مش مشكله انا هلزق القشره دى بس ادارى الشرخ ازاى؟؟
والتالته فضلت سليمه وصحيت وانا مش فاهمه حاجه :) .........

لكن بجد محتاره ايه اللى جاب صاحب محمد ومراته ؟؟ مه طنط والست دى والطريق؟ وانا مصليه استخاره لحاجه تانيه خاااالص؟
طيب انتوا شايفين الصح ايه؟
انا لسه المفروض اقعد مع العريس علشان احدد بعدها وجه نظر عنه
بس برضه مش فرحانه وشويه احس انى مبسوطه
بجد مش عارفه وبجد كان نفسى ماما تكون معايا ................
معلش ازعجتكم
م
حبيبتي استخيري مع كل فرض والاستخارة مو بس رااااحه تيسير الامور ..
وممكن امه تبي له السعاادة والراحة ومااتخرب عليك لااتخرب عليك الظنون ربي يسعدك ..
N
مبررروك يا افرودييت وربنا يتمملك على خير ..ز وبالنسبه للعريس اعطيه فرصه واستخيري ما تظلمي نفسك ممكن يكون هو الي هيعوضك عن الى شفتيه كله مدام انسان خلوق وبخاف ربنا فكري وبالنسه لامه توقعى التعلق ده لانه وحيدها وطبيعى مش هيتركها لوحدها وبعدين على حسب كلامك البيت كبيير ماشاءالله فيلا هيكون فيه حريه ليكى ولزوجك لو كان فيه نصيب ان اشاءالله وكمان احسبيها بمقام والدتك الله يرحمها وانك محتاجه فعلا مين يوقف جمبك ويدلك في امور كتيير وخاصه بعدوفاه الوالده ليش ما تنظريش على علاقتك فيها من الجانب ده بتكسبيها وتكونوا اصحاب على قد ما تقدري ....يا افروديت ما تخليش تجربتك السابقه مع خطيبك محط مقارنه مع اى تجربه جديده هتخربي على نفسك انسيها خلاص وانسي الشخص وشوفي حياتك زي ما هو شاف حياته ما تتعبي اعصابك فاهدى وشوفيه تانى واسالي عنه واستخيري كتييير وفكري بعيييييدا عن اى مقارنه بينهم ...

وبالنسبه للحلم ما عنديش معرفه بتفسيير الاحلام معلش ... بس الاستخاره مش شرط تيجى بمنام ممكن بتيسير الزواجه او لقدر الله تفشل ....


ربنا يوفقك ويهدى بالك وخاطرك
ر
لاتضيعي الفرصه استخيــــــــــــــــــــــــــري قبل كل حاجة واتوكلي على الله.
أ
لولولولولولييييييييييييي مبروووووووووووك يا قلبي واقفي وان شااااااااااااء الله خير بس انا زعلانة منك خبر حلو زي ده وما تفرحنيش بيه
m
اه بالله عليكي يا حبيبتي صلي تاني مش من اول مره كدا......
اانا بجد قلقانه عليكي اوي انتي ورولا......ركزي يا اميره يا حبيبتي
وبصيله نظره ايجابيه شويه واعدي اتكلمي معاه..ربنا يوفقك يا حبيبتي ان شاء الله
s
الف مبروك اختي افرودييت فرحت لك

دائما اقراء مواضيعك واشوفك حزينه بس الحمدلله فرجت

اختي طالما الولد كويس ووحيد امه حلو امكن امه تكون طيبه وتعاملك مثل بنتها

وتحطك داخل عينها لاتتشائمي بهذي الصوره استخيري اكثر وان شاءالله خير

اما موضوع خطيبك الاولي الحمدلله انه ربنا ابعدك عنهم لاتفكري فيه ولاتشغلي بالك

عيشي حياتك وانسي الماضي وربنا يوفقك بكل خير لك يااااارب

وطمنينا عنك اذا انخطبتي
*
(y)
sarah_uk;8109288:
الف مبروك اختي افرودييت فرحت لك

دائما اقراء مواضيعك واشوفك حزينه بس الحمدلله فرجت

اختي طالما الولد كويس ووحيد امه حلو امكن امه تكون طيبه وتعاملك مثل بنتها

وتحطك داخل عينها لاتتشائمي بهذي الصوره استخيري اكثر وان شاءالله خير

اما موضوع خطيبك الاولي الحمدلله انه ربنا ابعدك عنهم لاتفكري فيه ولاتشغلي بالك

عيشي حياتك وانسي الماضي وربنا يوفقك بكل خير لك يااااارب

وطمنينا عنك اذا انخطبتي
د
استخيري اكثر من مرة والله يوفقك ويكتبلك الخير وان شاءالله يعوضك
L
حبيبتى دى أول مرة أكتبلك بس انا متابعة كل مشاكلك من بدايتها وفعلا كنت هتجنن وأطمن عليكى.
بالنسبة لمحمد خطيبك السابق ربنا هينتقم منه وهيرجعلك حقك قريب جدا
انا حصلى نفس اللى حصلك ودارت الأيام ويوم ماجة يبكى عليا ويتذللى أرجعله كانت قبل خطوبتى بيوم وفعلا ردتلو القلم وقلتلو خلى أخواتك ينفعوك بقى
والحمد لله ربنا عوضنى بانسان بيحبنى وأخواته بيموتو فيا
بالنسبه للعريس وقلقك من مامته .
أهم حاجه تحاولى تشوفى شخصيته هل بيتأثر بمامته ولا شخصيته قوية
مش معنى كلامى انه مش بيسمع كلام مامته .
لأ ممكن يكون بيقدرها وبيسمع كلامها
بس مش بيسمحلها تدخل فى حياته دى اهم حاجه تحاولى تعرفيها
وربنا يباركلك ويوجهك للخير وبردو عايزاكى تبقى واثقة ان ربنا هيعوضك أنت أتظلمتى كتير وربنا كريم قوى.
s
انا فرحاااااااااااااااااااااااانه موووووووووووووت مهما اوصف فرحتي مش هاعرف اوصلهالكو بجد ياميره ربنا يكرمك يارب وانا حاسه ان الموضوع ده خير باذن الله مش عارفه احساس تعرفي انا احمد خطيبي عاوز يرجعني بس انا مش قادره انسي ظلمه ولا قادره ابعد عنه وفي حاله مايعلم بيها الا ربنا وحده ساعات اعيط ايه اللي وصلنا لكده وبعيط اكتر لما افتكر اتهامه ليا بالباطل واني في عز وقفتي معاه كان هو عايش حياته مع غيري لما قريت الرساله بتاعتك بجد حاسه انها ليا انا وحاسه كان ربنا جابلي حقي انا بجد بجد مبسوطه عشانك بشكل مش طبييعي انسي محمد ربنا جابلك حقك ولسه...... وفكري في العريس الجديد وخدي بالك مامته معندهاش بنات وانتي والدتك اتوفت يمكن يكون ربنا بيعوضك بيها انا بجد لما انتي حكيتي محستش بيها غير انها تعويض من ربنا بجد صلي استخاره وانا هادعيلك اوي ياميره وانتي امانه عليكي تدعيلي ربنا ينور بصيرتي ويعوضني وانتو يابنات ادعولي كلكو ربنا يخفف عني اللي انا فيه
مبروك ياميره بحبك اوي ومبسوطه عشانك اوي
l
أختي افرودييت حبيت أوضح كم نقطه:

هو صح كلامج اذا الرجل وحيد أمه فالزوجه تخاف من غيرة أمه،، لكن ليش ما تشوفين وجهة النظر الثانيه,, وهي إن أم الزوج بتحب زوجة ابنها من محبة ابنها وخاصة إنه وحيدها يعني تبيه يعيش مرتاح..


وعن صلاة الاستخاره،، في مرة قرأت موضوع عن صلاة الاستخاره وهو إن الشخص يعزم على الأمر ومن ثم يستخير ربه لفعله،، فالأحلام والنفسيه ليست لها علاقة بصلاة الاستخاره,, يعني انتي تصلين الاستخاره وتوكلين أمرك لله تعالى،، واذا كان في الأمر خير فستتيسر الأمور بإذن الله..


والشي المهم اللي حسيته من كلامج،،، إنج مازلت تراقبين محمد عن بعد،، ويهمك تعرفين آخر التطورات في حياته،، يا ترى ليش؟؟ فمن هذا أعتقد إنك مازلت بحاجه إلى فترة نقاهة قبل التفكير بالارتباط بأحد،، عشان ما يجي يوم تقارنين خطيبك الحالي بمحمد وتبدأ المشاكل لا سمح الله... بمعنى آخر أعتقد إنك غير مستعده للارتباط في هذه الفترة,, اعطي نفسك فرصة للملمة حياتك ونسيان الماضي عشان تقدرين تفكرين في حياتك المستقبليه... وستعرفين أنك جاهزه بمجرد الكف عن السعي وراء معرفة أخبار محمد والاهتمام بحياتك والتأكد بأن مصيرها على محمد..


ولكن وبعد الاستخاره سيتضح ان شاء الله اذا كان الرجل من نصيبك أو لا.. وإن كان خير لك أن ترتبطي به أم لا..


والله يوفقك يارب :)
s
افروديت انتي فين تابعينا ياللا باخر الاخبار مستنياكي يالللاااااااااااااااااااااااااااااااا
S
اختتتتتي انتي وايد وايد وايد امكببرة الامووور بالعكككس كوني ايجااابية بلا سلبية ومخاوف ..سكني معاهم بالبييت واعتبري امه امممج بالضبببط وحبيها وساعديييها ..او انشاء الله اهي تعتبرررج مثل بنتها خصوصا انا اهي بعد قلبي ماعندها بنت وباين عليها هاديية وخولوووقي توكلي على الله لا والله تندمممي بعدييين وفررحي وفرحي بييييتج معاااج يلا عاد نبي نسمع منج اخبار حللوة انتي دائما خلي الاشياااء الايجابية في مخج
r
حبيبى افروديت انا متابعه موضوعك من فتره وبجد كنت متاثره علشانك جدا بس لما قريت الخبرده فرحتلك وحبيت اقولك انك داومى على صلاه الاستخاره وانا شايفه انك تدى نفسك فرصه وتوفقى وتتعرفى عليه وعلى اهله وزى ما البنات بيقولوا ممكن امه تعملك زى بنتها خصوصا انها معندهاش بنات ولازم تشيلى محمد ده من تفكيرك نهائى علشان تعرفى تفرحى وماتسمحيشلاى حد يعكر عليكى حياتك وان شاء الله ربنا يسعدك ويعوضك خير يا رب
d
إفروديت:
أنا سعيدة لقراءة أخبارك الجديدة وأنصحك بصلاة الإستخارة عدة مرات وسيرى فى الموضوع وتوكلى على الله
أما عن العريس فهو كما قولتى متدين وأخلاق ووسيم وذو مركز مرموق وأمه يتضح عليها الطيبة فلا تتركى نفسك لوساوس الشيطان ...
أنا أعتقد أن.. بما أنه إبنها الوحيد وهى تحبه بشدة فسوف تعمل على إرضاؤه والمحافظة على استقراره فلماذا القلق .. أنتِ إنسانة متدينة سيكافئك الله بالخير.. وإرتباطك بها وترددك عليها كثيراً سوف يلهيكِ ويثقل ميزان حسناتك وربما تستشعرى فيها بلمسة أمومة يضعها الله بها ليصبرك الله على فراق أمك ..

وعن تجربة خطيبك السابق ..فلا يوجد فائدة من الكلام فيها ولا تذكرها هذا ماضى أليم لابد ان تنسيه وتلتفتى لمستقبلك الآتى الجميل والتخطيط له .. احتسبى فقط
قال تعالى " ولا تحسبن الله غافلا عما يعمل الظالمون " صدق الله العظيم

لست أدرى ماذا اقول.. أفكارى غير مرتبة.. ولكن أنا سعيدة بأخبارك الجديدة وأتمنى من الله توفيقك بها ..
عليكِ بالإستخارة والإستعاذة من الشيطان الرجيم ..

فى إنتظار أخبار مفرحة منكِ أكثر وأكثر ..

الله معك"*
a
ربنا يكرمك يارب ياافروديت انتى ورولا ويعملكو الى يفيه الخير ويفرح قلوبكو عاجلا غير اجلا ياررررررررررررررررررررب
D
sarah_uk;8109288:
الف مبروك اختي افرودييت فرحت لك

دائما اقراء مواضيعك واشوفك حزينه بس الحمدلله فرجت

اختي طالما الولد كويس ووحيد امه حلو امكن امه تكون طيبه وتعاملك مثل بنتها

وتحطك داخل عينها لاتتشائمي بهذي الصوره استخيري اكثر وان شاءالله خير

اما موضوع خطيبك الاولي الحمدلله انه ربنا ابعدك عنهم لاتفكري فيه ولاتشغلي بالك

عيشي حياتك وانسي الماضي وربنا يوفقك بكل خير لك يااااارب

وطمنينا عنك اذا انخطبتي

عجبنى رد اختى سارة وحسيته نفس ردى
M
افروديييييييييييييييييييييييييييييييييييييييييييييييييييييييييت

مبرووووووووووووووووك مبروووووووووووووك مبروووووووووووووووووووك

بصرف النظر انك هتوافقي ولا لا

بس اكيد الموقف ده رجعلك ثقتك فنفسك وخلاكي ع ثقة ان الدنيا زى ما بتاخد زى ما بتدي

وربنا معاكى ان شاء الله

مش هقول اكتر مللى البنات قالوه

محمد حاجه وراحت وصدقيني اللى عند ربنا مبيضيعش

ده جه عليكي وظلمك وفوضي امرك لله

المهم بقي ف العريس الجديد

اه شكوك فمحلها

ابنها وبعد 16 سنة جواز ووحيدها ومالهاش غيرو

خليكي بنتها الى مجابتهاش

صاحبيها لو اتقربتي منو متر اتقربي منها هى 2متر

لو اتصلتى بيه مره اتصلي بيها هي مرتين

اه الموضوع مرهق وانا عارفه

بس وانتو مخطوبين مش هيكلفك حاجه اتصال سؤال هديهبسيطة معامله حلوة وده النورمال

لو كسبتيها هيشيلك فعنيه

لان زى منا قولت كده بالظبط هو عارف الكلام ده كلو بالظبط

واصبري

اقولك ع حل ممكنيكون كويس

اقرو فاتحه والشبكه او تلبيس الدبل بعدها بشهر او بشهر ونص

ومن الفاتحه للشبكه قيمي أداؤه :D

وأدائها هي كمان :D

حاولى تعرفي فالشهر ونص دول الى يوفر عليكي تعب سنة ولا اتنين

ولو كان ع مامتو ف زى ما قلتلك وربنا يكرمك يااااااااااااااااااارب

متتصوريش كل البنات حابيينك قد ايه ومتابعينك متغيبيش عننا وقوليلنا اخر الاخبار
ا
rola_86;8111160:
انا فرحاااااااااااااااااااااااانه موووووووووووووت مهما اوصف فرحتي مش هاعرف اوصلهالكو بجد ياميره ربنا يكرمك يارب وانا حاسه ان الموضوع ده خير باذن الله مش عارفه احساس تعرفي انا احمد خطيبي عاوز يرجعني بس انا مش قادره انسي ظلمه ولا قادره ابعد عنه وفي حاله مايعلم بيها الا ربنا وحده ساعات اعيط ايه اللي وصلنا لكده وبعيط اكتر لما افتكر اتهامه ليا بالباطل واني في عز وقفتي معاه كان هو عايش حياته مع غيري لما قريت الرساله بتاعتك بجد حاسه انها ليا انا وحاسه كان ربنا جابلي حقي انا بجد بجد مبسوطه عشانك بشكل مش طبييعي انسي محمد ربنا جابلك حقك ولسه...... وفكري في العريس الجديد وخدي بالك مامته معندهاش بنات وانتي والدتك اتوفت يمكن يكون ربنا بيعوضك بيها انا بجد لما انتي حكيتي محستش بيها غير انها تعويض من ربنا بجد صلي استخاره وانا هادعيلك اوي ياميره وانتي امانه عليكي تدعيلي ربنا ينور بصيرتي ويعوضني وانتو يابنات ادعولي كلكو ربنا يخفف عني اللي انا فيه
مبروك ياميره بحبك اوي ومبسوطه عشانك اوي



حبيبتى ربنا يخليكى ليا يارب والله من القلب للقلب
وبتمنى من كل قلبى انك تجتازى المحنه دى بجد لانى حاسه بيكى قوى والله
وربنا ينور بصيرتى ويعوضك يارب ويخفف عنك
X