^_^ % قصة ولادتي بنور عيني ســـعــــد % ^_^

j

joojoo.sweet

عروس ماسية

18-12-2008 | 02:49 AM

أولاً.. عارفه اني تأخرت عليكم بكتابت قصة ولادتي لضروف خارجه عن ارادتي بعيد عن بيبياااتكم ولدي جاه بوصفار (الصفار أو الصفره في بعض اللهجات والاسم الطبي لها الصفراء الفيسلوجيه) بعد اسبوع من ولادته وتنومت معاه ثلاث ايام وبعدها كل اسبوع موعد والحمدلله اللحين وصل للمستوى الطبيعي..

نجي لقصة ولادتي ثانياً.. موعد ولادتي المتوقع كان موعد أول يوم الثلاثاء 11نوفمبر [COLOR=teal]وموعد ثاني يوم الأحد 16 نوفمبر 2008 وطبعاً طول الشهر التاسع وأنا تجيني أعراض ولادة ولكن مو مستمرة ساعتين ثلاث ساعات وتختفي ... [/COLOR]

كنت حاطه ببالي بما أني مسويه عملية ربط اني بفتح الربط أول أسبوع من الشهر التاسع وبولد بعد كم يوم لان غالباً هذا اللي يصير هذا اللي طوووول المده علي سبحان الله ربي متى ماأمر يجي الطلق بس بني آدم خلق في عجل ..

مر الموعد الأول و يوم الأحد مثل باااقي أيام الشهر التاسع وأسوأ قبل كنت أحس بآلآم ذاك اليوم ولااااااشئ ..

و يوم الأثنين الموافق 17نوفمبر الفجر على الساعه 4:30 بدأت فيني آلآم بسيطه جداً تروح وتجي وبدأت الإفرازات الله يكرمكم الملونه تطلع في البداية خضرا فقلت في نفسي مو وجهي وجه وحده بتولد تو النااااس توضيت الفجر وصحيت زوجي وصلينا ورجعت أنسدحت ونمت للساعه 6:00 وقت صحيت زوجي للدوام ...

راح زوجي الدوام وانا آلآم تزيد وبدأ الخوف يتسرب لنفسي فأقول شوي وتخف الآلام .. حاولت أشغل نفسي قريت قرآن وأدعية تسهيل الولادة والشغلاااات هذي ..

بعدها يوم جاات الساعه 11 الظهر جلست على المنتدى والمسن أحاول أشغل نفسي

وكنت أسولف مع ام نجود الأحساء في المسن لاني توني تعرفت عليهااا المهم يوم جاات الساعه 2 خلااااااااااااااص وصلت حدي من الألم ودقت علي الوالده الله يحفظهااا (سبحان الله قلب الأم ) قالت يابنتي بما أنك تأخرتي أشربي قرفه ومري مملكة النحل وخذي لك كعبر (هذا ينخلط ملعقه صغيره منه مع ملعقة عسل يسهل الولادة ويجيب الطلق) وقلت لها طيب ولا بينت لها أن معي آلآم وطلوق أعرفهاا بتحاتيني وانا بمكان وهي بمكان ..

قمت شربت قرفه مع عسل وتروشت وجهزت اغراضي ودقيت على زوجي .. دخلت المستشفى و حلفت زوجي مايتركني لحالي مهما كانت الضروف دخلت الطوارئ بتكشف علي الطبيبه قبل لاأشيل ملابسي أنفتح عندي كيس الماي ... وبدت رحلت اللآآآآآآآم الحقيقيه ... أكشفت علي إلا أنا منفتحه 2 سم وعلى الساعه 8 المساء كشفت علي

2,5 سم داخل على 3 سم >>> وهـــــــنــــــــــا أنواع التحطيم

بعدها بساعة قلت للطبيبه خلاااااااااااااص عطوني طلق صنااعي يحمي طلقي وساااعتين وحسيت أني بمووت من الألم وزوجي معي يمسح على راسي ووجهي بالماي ويقرا علي قرآن من جد صرااحه وقفته معي فااادتني كثير وماشاءالله علي ماسكه يده وانوااااااااع العض كسر خاااطري وهو ولاكلمه شوهت يده للىن أثار العض موجوده خخخخخخخخخ

طلبت ابره مسكنه وعطوني ابرتين بالعضل بس ولاكأني خذت شئ كشفت على على الساعة 9:30 منفتحه 4,5 داخل على تقريباً 5 سم

وبدوا يعطوني الأكسجين اللي فيه اثر مخدر الخربوووطي لأني أشغلتهم والله يقصوون علينا فيه >> يخلونك كأنك وحده مسطله مطقوقه على رااااسك تحسين بالألم بس ماتقدرين تتكلمين

وبعدهااا طلوووووووق تروح وتجي إلى الساعه 11 وبعدهااا وصلت حدي ابي ادفع (زوجي يصاااارخ سووا شئ زوجتي تعبااانه حرااااام عليكم) وبدوا يحضروني للولادة التعقيم والشغلات هذي وكشفت علي 8 سم وسبحان الله مع التنفس العميق والتعاون مع القابله والطبيبه قدرت اتحكم في نفسي ولاأدفع الساعه11:30 قالت لي تجيك طلق ادفعي وجلست احاول ادفع وادفع الراس واااضح بس مو راضي يطلع وصلت لحاله مايعلم فيها إلا الله سبحانه (زوجي يقول لهم علموووني كيف افيدكم أنا أبي أساعد زوجتي) شرحت له القابله المساعده للطبيبه انه اذا جيت بدفع يحاول انه يحط يده فوق بطني وينزله وقلب زوجي طبيب ماشاءالله

آآخر شئ الطبيبه قالت لي إذا ماساعدتينا بنستخدم الجفت (أنا أسمع الوالده تقول الجفت عذااااب جربته بولادتها البكر تقول صرت مثل الربيانه ماأعرف اتحرك :ss:) وأنا سمعتها تقول جفت تصرقعت من الخوووووف :confused:
[GLINT]

الله رزقني بطاااقه ودفعت بكل قووووتي شقت لي العجااان وشرف أحلى

[COLOR=royalblue]سـ:15:ــعــ:15:ــد [/COLOR]
[/GLINT]

يوم الثلاثاء 18_11_2008 م الموافق 20_11_1429هـ

ربي يحفظ ســعــد و أبوســعــد :o لي ..

حطوه على صدري وسبحااان من نسااني الألم جلست ابتسم وبعدها خذوه نظفوه وعطوه زوجي أذن في أذنه

زوجي يقول اللي يشوف وجهك وانتي تطلقين ازرق وأخضر وبنفسجي وأحمر يستغرب الابتسامه العريضه اللي انرسمت على وجهك بعد ماشفتي سعد بأحضانك ..

الله يسهل على كل حامل ان شاءالله وييسر ولادتهااا ويرزق كل من تمنى الذرية بالولد الصالح عاجلاً غير آجل ...

×

×تفاحــــــــــــــة آدم×

عروس فضية

18-12-2008 | 02:57 AM

الف الف الف مبرووووووووووك سعودي ويتربى بعزكم والف الحمدلله على سلامتك

ل

لميس ابوشعرالغامدي

عروس نشيطة

18-12-2008 | 03:06 AM

الف مبروك عليك بقدوم سعود وعقبالي يارب يشرف حمود
الله يعين كل ما اقرا حالات الولاده يزيد خوفي انا اول مرة احمل
الله يسهل يارب
مشكورة موضوعك حلو...

ج

جنه جنه

عروس فضية

18-12-2008 | 03:10 AM

الحمدلله على سلامتك وسلامة البيبي
يتربى في عزكم

ر

رمرومة2008

عروس رائعة

18-12-2008 | 03:15 AM

الف مبرووووووووووووووووووك عزيزتي ويتربى بعزكم ان شاء الله

j

joojoo.sweet

عروس ماسية

18-12-2008 | 03:35 AM

أشكركم على تواجدكم ..

لميس ::: ابد ربي بيسهل عليك ان شاءالله

رمرومة ::: الله يرزقك بالولد الصالح عاجلاً غير آجل

&

【 فجـــر 】

عروس مبدعة

18-12-2008 | 04:11 AM

الف الحمدلله على سلامتك

ومبروووووووك قدوم سعودي

جعله من مواليد السعاده .. آمين

إ

إحســــاسي؟

عروس رائعة

18-12-2008 | 04:29 AM

الف الحمد لله عالسلااااااامه الله يحفظه لكم يااااارب
مودتــــى

&

јǿđ

عروس ماسية

18-12-2008 | 05:03 AM

خرعتيني جوجو

الف مبروووك ويتربى بعزكم يارب

والله زين دخلوا زوجك معاك
ليتني انا بعد اقدر ادخله

ا

العيون الكحيلهـ

عروس مبدعة

18-12-2008 | 07:06 AM

الف الحمد لله ع سلامتك

و يتربى في عزك سعوووود

و ابوو سعووود

~

~Mrs $ugar~

عروس برونزية

18-12-2008 | 07:40 AM

حمدالله على سلامتك وسلامة سعد
والله يخلي لك ابو سعد

للاسف احنا مايخلون ازواجنا يدشون معانا
صار خاطري اعرف شلون بكون موقف ابو ساره

ا

الدب السمين

عروس برونزية

18-12-2008 | 07:48 AM

الحمدلله على سلامتك وسلامة البيبي
يتربى في عزكم

$

$دموع الورد$

عروس نشيطة

18-12-2008 | 07:56 AM

حمدالله على سلامتك وسلامة سعد
والله يخلي لك ابو سعد

ف

فراشه بين الزهور

عروس ذهبية

18-12-2008 | 08:04 AM

الف مبروووووووووووك

والحمد الله على سلامتكم

ويترابي سعد في عزكم يارب

ف

فجر الالم

عروس مشاركة

18-12-2008 | 08:10 AM

الف الحمد لله عالسلااااااامه الله يحفظه لكم يااااارب

ح

حلمي الرشاقة

عروس نشيطة

18-12-2008 | 09:26 AM

ألف ألف الحمدلله عالسلامة جوجو و ألف ألف مبروك قدوم سعد إن شاء الله يتربى في عزكم و انتوا جميعاً في أتم الصحة و العافية، و عقبال تشوفينه معرس يارب :-)

ا

ام نيلا

مشرفة سابقة

18-12-2008 | 09:35 AM

مبرووووووووووووووووووووووووووووك

والحمدلله على سلامتج

تستاهلين مايااااااااااااااااج

*

*أم سعد*

عروس مبدعة

18-12-2008 | 09:50 AM

الحمدلله على سلامتكم

وعقبالي يااااااااااااااااااااااااااااااااااااااااااااااااااااااااااااااااااااارب

.

..★شـــااانيل★..

مشرفة سابقة

18-12-2008 | 12:26 PM

الف مبرووووووووووك

والحمد الله على سلامتكم

ويتربى سعد في عزكم

خ

خدوج 777

عروس نشيطة

18-12-2008 | 12:48 PM

الف مبروك احب اقرا قصص الولادة ادعو ليي ان الله ييسر عليي خايفة واجد