حبيباتي كلكم ادخلو تكفون ساعدوني

الله ايكون في عونج اختي صراحه سالفتج تصعب علي

بس لازم اتواجهينه واتخلينه جدامج ايدق عالرقم اللي توصل منه المسج

ولازم اتحسسينه بالتضحيات اللي ضحيتيها عشانه يمكن ايحس على دمه

هذيلا هم الرياييل .. بس ياعمري انتي...لاتنقهرين ولا شي اذا انتي متأكدة من خيانته ..ليش الاستمرار..مافي شي يجبرج عليه يعني مافي عيال والمانع من عنده..عشان جذيه خليه يولي ولا تضحية ولا بطيخ العمر واحد ياغناتي ولا تضيعينه مع اللي مايستاهل... والله بيعوضج ان شالله بأحسن منه ..........:up::up::up:

السلام عليكم

من رأيي انك تحكمين بهذا الموضوع احد من اهله او اهلك من الكبار اللي يكون لهم راي وكلمه
وقبل كل هذا لازم يكون عندك دليل مادي لإدانته عشان ما ينكر قدامهم وتطلعين صغيره
فإما ان يتأدب او..........

غاليتي :):)
امكن السبب منج انتي
امكن انتي دفعتيه لهذا الأمر

غاليتي ... ان المنه ...وهو انج تمنين ع انسان بفضالج وصبرج والخ
يدفعه لهذا الأمر

هو يعرف النقص عنده ...ويعرف انج تمنين عليه:rolleyes:
هو يعوض هذا الشعور مع وحدة لا تعرف عنه شيء وامكن تبادله الحب بكل حواسه مب منّه وفضل

انتي تعرفين وكغيرج ان مسالة الانجاب بارادة الله عزوجل
فلما نحمل انسان مالا طاقة له !!!

افتحي قلبج له
انتي ارسلي له مسج
انتي هاتي له هدية تعبري بها عن حبج له واخلاصج
انتي قومي بطبخ اكله يحبها

انتي اجذبيه لج ...

افتحي قلبج وافكارج ...

مثلا
قومي بكتابة حديث شريف ووضعيهااببرواز او خلف الباب
يكون الحديث ترغيب وترهيب
واخيرا عليج بالصدقة
"أن النبي صلى الله تعالى عليه وآله وسلم قال‏:‏ ‏(‏حصنوا أموالكم بالزكاة وداوود مرضاكم بالصدقة وأعدوا للبلاء الدعاء‏)‏ ورواه أبو داود في مراسيله لكنه قال ‏(‏واستعينوا على حمل البلاء بالدعاء والتضرع‏)‏‏.‏

:
:
:
:

وتاكدي ان الانجاب وهالامور ليس بيد دكتور او او
انها بارادة الله عزوجل

فكوني قوية ويقينة
ورددي قول الله عزوجل
"قل لن يصيبنا الا ماكتب الله لنا هو مولانا وعلى الله فليتوكل المؤمنون"


دمتي بحفظ الله

العوض على الله

لو انا مكانج بواحهه بالحقيقه وبدق واتأكد من الرقم وعقبها بتركه ..انت مب خسرانه شي .. اوكي حطي نفسح في مكانه لوهو اكتشف انج انتي اللي خنتيه والمانع منج انت مب منه شو تتوقعين ردة فعله بس هذا اللي ابيج تفكرين فيه وعقبها انت الوحيده اللي ترومين تستمرين معاه او تنفصلين لانج انت اللي عايشه الوقت معاه وانت اللي تحسين وتتألمين مب الكباريا اللي بيدخلون في السالفه .. وعقبها يوم توصلين لحل .. ابيج تواجهينه جدام اهلج واهله بس علشان يحس ويستحي على وجهه ويحس باللي ضحت بكل شي علشانه .. اللي ضحت بأغلى شي وهو انه يكون عندها ياهل يقولها ماما .. وهو ولا عنده خبر .. باعها مع وحده ماتستحي............زز
الله موجود حبيبتي وهو القوي القادر.. على كل شي ..
ادعي

تقولين انك لو انفصلتى ستكونين الخسرانة اذن نستبعد الانفصال

و مادام ستستمرى معه اذن لابد ان تكونى سعيدة و تنتصرى؟ ففكرى جيدا كيف تجعليه يتخلص من السيدة التى يعرفها سواء بطرق مشروعة او غير مشروعة و مادامت هى التى بدأت الحرب فعليها ان تتحمل نتيجة خطأها................و انا لو مكانك لفعلت الاتى:

1- ساحاول ان اجدد من مظهرى و ملبسى و ان اظهر فى منتهى الجمال و الجاذبية.
2- ساحاول ان اغير من اسلوب معاملتى - انتى تعرفين اخلاق و اسلوب الفتاة التى تعرف رجل متزوج - تكون ناعمة اكثر من اللازم- متدللة اكثر من اللازم و ممثلة و عليه ساحاول ان اتحدث مثلها و البس مثلها و اتدلع مثلها.

3- ساظهر عدم مبالاه ( انا جميلة و شخصيتى رائعة فلا يهمنى شىء)

4- ساخذ رقمها و اسلط احد عليها - و ياحبذا لو يكون رجل - نحن نعرف انها غير محترمة فستتجاوب مع اى شخص يحاول التعرف عليها.........كيد النسا يا عزيزتى.
و يارب يوفقك و ينجحك فى حياتك

خواتي الحبيبات
قيثارة
دوا الروح
اماني
بنت البراري
روضة الدارا
فروحة الحلوة
سويب

ألف شكر على ردودكم وتجاوبكم مع مشكلتي والله يجعله في موازين اعمالكم

قيثارة
زوجي طبيب .. ولو بامسك جواله واسوي مثل ماقلتي تعذر بانها علاقة عمل وهو انسان مستقيم ومو ذنبه إنها ترسله وبيعصب ويقول انك ماتثقين فيه ومريضةبالشك والغيرة وهذا الي سواه معي فعلا!!
وعلى فكرة هو الحين ياما جنبه جواله ولا يخليني المسه والا
إذا دخل دورة المياه الله يعزكم يدخله معه ولو بينام أي وقت يقفله!!

أماني
أنا اول مرة كشفته واجهته وأنكر تماما ورحت لاهلي ودخل اخوي بينا وانكر تمام وعصب وقال مالكم شغل في خصوصيات عملي وحط السالفة عمل ورفض يقر بأي شي !! وجلست بيت أهلي وطلبت الطلاق إذا هو مصر على انكاره بعدين كلمني وقال أحل السالفة بيني وبينك وما يتدخل أحدوافقت وشرطت ورضخ لشروطي ورجعت وكان عسل مرة معي وجلس كم شهر كويس بعدين رجع!! والمشكلة هذيك كانت أول وحدة انا متأكدة والحين صارو كم وحدة ولا هامة في خاطره إذا بيدك شي أثبتي وهو حريص ويمسح المسجات والمكالمات وفواتيره عمري ماشفتها.

بنت البراري
الله يسامحك ،والله من عرفت عمري ما منيت عليه بكلمة ولا أبين إن الموضوع يهمني كثير عشان ماأجرحه ولا حتى أرص عليه انه يراجع ويتعالج عشاني أحترم شعوره وأخاف يضايق .
وأنا والله فاتحة قلبي له وأعد نفسي له أم واخت وصديقة وما قصرت معاه في أي شي يعلم الله من كل الي قلتيه من قبل لاأدري بالمكالمات شلون بعد ما دريت ؟؟


أنا في انتظار نصايحكم خواتي والله ان كلامي معكم يريحني


وماقول الا



اللهم لك الحمد حتى ترضى ولك الحمد إذا رضيت ولك الحمد بعد الرضا
الله يرزقني الصبر على بلاوي وحسن التصرف


أنتظركم

اختي شمس وقمر
الله يهدي زوجك لك ان شاء الله ادعيله بلهدايه والصلاح علشان رب العالمين يهديه بس على فكره الريال اذا فاتحتيه بلموضوع ينكر ويستحيل يقول انه سوا شي ... اما اذا تماديتي وقلتيله شفت او قريت فبعدها اصلا حتى المحافظه على شعورج مابيحافظ وبيقوم يسوي هالأشياء قدامك علشان يحرق اعصابك ... مابيهمه ان عرفتي او لا او زعلتي او لا لأنه بيكون عارف انك الحين تعرفين الموضوع فمافيه داعي انه يخش عنك اي شي .............
اختي لاتعطينه مجال انه يسوي هذا الشي قدامك وتجاهلي الموضوع تماما ... والله يهديه يارب

اختي مو بس زوجك كل الرجال ما يستاهلون التضحيه ما عمري شفت وحده مضحيه وزوجها قدرلها التضحيه ما يجون لا بلعين الحمره مقيوله الحض للشلقه والبلقه انا الي اشوفه ما يخلصون لا للي مو مضبوطه
انا من راييي اسفهيه ولا تفكرين فيه ولا تخلينه يلمسك ولا تكلمينه وقتها بتشوفين شو رد فعله :mad: وعطيك خبر مارح يعقل رح يمشي على ماهوعليه بزيادة حذر انتي شولك فيه والله كذا اضقط على قلبي وارفسه


:mad: :mad: :mad: :mad: :mad: :mad: :mad: :mad:

:up::[:قال الرسول صلى الله عليه وسلم (انا وكافل اليتيم كاهتين واشر باصبعيه الشاهد والوسطى) اختي لله في ذلك حكمة انا دايم تطري علي اني اروح لدار ايتام وادور على طفل توه مولود واربيه على طريقتي الخاصه واخليه مثل اولدي منه اني اكسب الاجر واكون متساويه مع الرسول صلى الله علية وسلم وكلن يدور الاجر ومنها تغيرين حياتك بان الطفل هذى بيملي عليك حياتك وزوجك اذا رحب بالفكرة صدقيني بيتغير كثير لان الرجال يحبون الاطفال وان شاء الله الله يرزقكم الذرية الصالحة ويهديكم لبعض ويصلح شانكم:shy:

ممكن تخبرينا قررتى تعملى ايه؟؟؟؟؟؟؟؟؟؟؟؟؟

أختي بسألش أول

هو من طبعه الخيانه والله هدي مو من طبعه

أدا كان مو من طبعه وهدي أول مرة حاولي تجدبينه ليش بكل الوسائل

ان شاء الله بيبتعد عنها وبيرجع ليش وحاولي يكون بينش وبينه يعني لا

دخلين الاهل الا ادا شفتين ما في فايده ترى المسأله تكبر ما تنحل


وأن شاء الله ترد لج حياتج مثل ما كانت أو أحسن

مدري اختي بس من جد انقهررررررررررت :mad:

دائما الرجل مايقدر تضيحة زوجته شي يقهر ويموت من القهر:mad: ...

ماشاء الله عليك من جد واضح عليك انك عاقله ..لو انا يمكن اطق ومن اولتها طلاق يعني صابره وراضيه اني انحرم من الاطفال عشانك.. ومع هذا تخوني
:confused:
ادعيله اختي.. والله يهديه ..ولاتشتكين الا للخالق.. واستخيري تستمرين معه والا لا..

قللللللللللبي معـــــــــــك

اختى انا لؤ كنت مكانك:mad: اطلب الطلاق :confused:
وسؤمحة على صراحتي:o :o

نون النسوة
بينار
سويب
أم رغد
عطر الورد
مشكورين على تفاعلكم معي والله يوفقكم ولا يحرمني

العنقود
ما أعتقد ان كون النسان ما عنده أطفال يدفعه للخيانة أو يبرر له تصرفاته!!وبعدين خيانته لي خلتني أعيد حساباتي وأفكر في مسألة الانجاب ؟؟وشلون شخص مثله يربي أبناءه تربية صالحة؟؟؟تبيني أتبنى يتيم والله حرام يستاهل الي أحسن منه!!!

الأميرة الصغيرة
ماضيه والله ما أدري عنه .. كنت أثق فيه ثقة عمياء عمري ما فتشت جواله الا بعد ماشككني واكتشفت ،،وما أعتقد انه طبعه الخيانة الا بعد ماجربها أول مرة انساق وراها لما أمن على سمعته وصار له مكانة بحكم وظيفته وشاف نفسه شيء ويبي كل امرأة تعجب فيه وهذا واضح من غروره واعتزازه بنفسه!!

أتمنى أسمع راي عدد أكبر من خواتي والمشرفاااات والله لا يحرمني إياكم ولا فزعتكم

صراحه الموضوع جدا حساس
وانت يا اخت اجرك على الله واصبري
ولكن انا لو كنت مكانك اطلب الطلاق
لانه ما قدر تضحياتك ومع انه السبب بعدم انجاب
كيف بدك تأتمني على حياتك الجايه وهوه هيك 000 اذا بشبابك ما كان معك منيح كيف لما نتصيري كبيره ؟؟؟؟
والله مالح تخسري شي 000 بالعكس يمكن الله يعوضك بأحسن
والله يهدي الجميع يارب
ويهديك للحل الصحيح يلي فيه راحتك وسعاتك
ياريت تردي عليه وتقوليلي شو لح تساوي ؟؟؟؟
وشو رئي اهلك بهل الموضوع لازم تا خدي رئيهم .....ز

اختي الحبيبه انتي لم توضحي هل انتي تاكدتي ان الرسائل الي في جواله من بنت ؟
اذا لم تتاكدي لاتتسرعي لان احتمال تكون الرسائل من اصحابه
وفي كل الا حوال فكري زين والله يوفقك ولا تنسي الدعاء والاستخاره
عشان الراحه النفسيه
:(

مشكورين كل من تفاعل معاي وأبدى رايه
والله بوفق كل وحدة فيكم ولاتشوف الي يضايقها ويسعدكم
واعذروني عالتأخير بس الظروف تحكمني



HAPPY

مشكورة اختي والله يسمع منك ،، ولا أدري والله شسوي ماني قادرة آخذ قرار بالانفصال ووضعي متعبني مرة ماني قادرة ارتاح أو انبسط وأنا أعرف إن زوجي يخوني ويعطي مشاعره وحنانه الي أنا بأمس الحاجة لها لوحدة بايعة دينها وشرفها حسبي الله عليها
وأهلي مايدرون بالموضوع بتاتا أنا مابي أشوه سمعته أبدااااا لو بلغت أهلي خلاص راح أتركه ! باستثناء أخوي الي هو بلغه مو أنا وكان رايه إني أتررررركه لأنه انسان مصر على خطأه!


كرستالة
أنا متأكدة طبعا وواجهته وأقر انها زميلة عمل وبس ،،،، وبعدها صار في كم وحدة وتأكدت وكلمتهم يعني مسألة الشك هذي خالصين منها
ولك تحياتي


لكن لي عتب على باقي الاخوات ليه ماتفاعل معي الا القليل وينكم أبي أسمع آرائكم شلون أخلي زوجي يترك ذا البلا الي هو طايح فيه معقول مافي حل؟؟؟؟

والأم الحنوووون اتمنى أسمع رايك شخصيا أرجو انك ماتبخلين بالرد علي بأسرع وقت أحس إنك راح تفيديني


وأنا فانتظاركم