ساعدوني الله يساعدكم

بنت الشهامة 17-12-2008 17 رد 1,038 مشاهدة
ب
مرحبا بكتب لكم قصتي من البداية والسموحة لانها طويله (انا بنت عزباء عمري 35 سنة موظفة كنت اتعامل مع زميل لي بالشغل عن طريق التلفون واتضح لي بانه ذو اخلاق عالية وصار كل واحد منا من معجب باخلاق الثاني وبعد فترة بدأ يلمح لي بانه معجب فيني فانا لم اسمح له بان يتمادى اكثر وكنت اغير الموضوع وادخل فالشغل ، وبعدين قال لي صرت معجب فيج اكثر لانج انسانه محترمة وما عطيتيني مجال للكلام الفاضي ، وزاد الاعجاب فترة بعد فترة وقال لي بصراحة خليتيني افكر فيج كزوجة وما ابغي افرط فيج قلت له لا تحاول لانك لو عرفت عمري بتنصدم وبتغير رايك قالي اصلا انا عرفت انج اكبر عني باربع سنوات وما عندي مانع والعمر مب كل شي دامج بهذي الاخلاق ،وعلى فكره كل هذه الفترة ما شافني لاني انا منقبه وغير جذي نحن مب في إدارة وحدة يعني ما في مجال نتشاوف بس مره وحدة كان عندنا اجتماع في مكان واحد فشفته وكان فعلا سماته توحي باخلاقه ، المهم بعدين قال لي انا برمس اهلي فكانت الطامة الكبرى الاب رفض لاننا مب من نفس القبيلة حاول معاه مرة ثانية وثالثة والاب قال له ما ابغيك تفتح الموضوع مرة ثانية ، وبعد كم شهر رد كلمه وقاله نفس الكلام وبعدين راح لامه يمكن تقدر تقنع الاب لانها كانت شبه موافقة يوم عرفت عن اخلاقي وسمعتي الحمد لله ، وفي اثناء هذه الفترة كنت اصلي الاستخارة من غير ما يعرف ، وقبل شهر فتح الموضوع معاهم وامه سالته شو كلها وكم عمرها قال لها الشكل ما يهمني وانا اصلا ما شفت ويهها بس اتبين من النقاب انها بيضاء وهي اكبر عني اشوية .... الام غيرت رايها وقالت له بس كنت اتمنى تاخذ وحدة اصغر عنك مب اكبر والحين مب عارفين شو انسوي بصراحة ما ابغي اخسره لانه انسان بمعنى الكلمه وغير جذي بكون واقعيه وانا في هذا العمر فرص الزواج من اعزب صعبة , قال لي عطيني حل انا تعبت معاهم ومب قادر اصبر اكثر العمر يمشي قلت له كلم حد اكبر عنه يمكن يرضى قال ابوي عادي يعاند اكثر واكثر ولا يرضى انه حد يفرض رايه عليه اذا هو مب مقتنع بالشي . الله يخليكم عطونا حل صار لنا سنتين ونص وما يأسنا وانحاول وادعوا لنا ولا اتقولون اتركوا بعض وايد صعب لان معدنه نادر ( على فكره حاولت وما قدرت ).
C
يسعدبي ان اكون اول عضوة ترد على مشكلتك نصيحة من أخت لأخته أكثري من الاستففار والله يكتب لك ما كان فيه خير و خيره
ب
انا اسعد فديتج ومشكوره على الرد
N
سنتين كثيير وانتى مو صغيره ما تستمري وتربطي نفسك بعلاقه غامضه او حتى مبهمه وتعلقي نفسك وقلبك وتتعبى على الفاضي وخاصه انها مسأله قبيله وما قبيله وهو ما رح يقدر يوقف بوجههم حسب ما اعرف عندكم ما يقدر يواجهم ويخالف شورهم واهو متى ما حكولوا اتزوج رح يتزوج على ذوقهم ووقت ما يريد اما انتى بنت والفرص بتقل عيشي حياتك وانصحك تقطعى علاقتك فيه ما يجوز ... بس ما توقفى نصيبك على هالعلاقه واذا جاكى الشخص الطيب الى يخاف ربه اتوكلى على ربك وربنا يهدى بالك وخاطرك ويرزقك الزوج الصالح عاجلا غير اجلا
أ
السلام عليكم حبيبتي ..

حاولي انج تستغفرين وتدعين أنه يكون من نصيبج بس إذا ماقدر فالأفضل لج وله أنكم تنسون السالفه ولاتزعلين من كلامي أعتبريني أختج وأقدم لج النصيحه ، لأنه هو في هذه الحاله يعصي والدينه وحتى إذا تزوجج غصبن عنهم بتكونين في نظرهم سويتي شي عشان يعصي أمرهم ويتزوجج ، رضا الوالدين أهم شي..

أكثري من الدعاء والإستغفار والله يوفقج يا غاليتي ..

تحياتي..
ف
الله يوفقكم وان شاءالله تصيرون من نصيب بعض عاجلا غير اجل يارب العالمين

الله يحقق لكم مرادكم يارب وان شاءالله ابوه يلين راسه ويرضى
u
اختي الغاليه..

اختي هل تعلمين ما يبنى عن طريق الخطأ ينتهى نهايه بشعه جداً عزيزتي ..لا تبخسي قدرك بغضب ربك وبخسر ثقه اهلك صحيح هو كلم اهله مثل ما قلتي .. لك خلاص الموضوع واضح ..ومتى ما الريال جاته الموافقه خلاص .. يجي يتقدم لج .. لا ترخصين نفسك اكثر من جذي..

انا ما اطلب منك تحاولي تتركيه اختي انا اطلب منك طاعه ربك,, والحمدالله ربك للحين ساتر عليك ويمهل ولا يهمل.. شنو بتستفيدين لو اكتشفو اهلك العلاقه .. وهو للحين ما يقدر يتقدم لج .. غير انج بتحطين نفسج في موقف لا تحسدين عليه وعلى هالعمر . يعاملونج كمراهقه.

الحمدالله انتي انسانه ناضجه ولازم تعرفين ان كل شي قسمه ونصيب ولو اجتمع العالم كله على ان يزوجوك اياه والله لم يكتب ذلك لن تتزوجيه ولو اجتمع العالم على ان لا تتزوجو ومشيئه الله ان تتزوجيه سوف تتزوجيه ..

لهذا لا يحق لك القول لا استطيع بل عليكي التوكل على الله حق توكل وعليكي اختي الغاليه .. ان تعملي لاجل الله وحده وتسلمي وتوجهي وجهك لوجه الله وحده ,, وسترين توفيقه بإذنه الواحد الاحد .. عندما يرى انه وحيد ,,, وانكي بعيده عنه , سيعمل الجهد الجهيد وسيلاحظ اهله .. أنه لا مفر له الا الزواج منك لو الله كاتب .

سلمي امرك الله ,, صحيح عمرك 35 لكن هل العمر هو المشكله لا اختي بل الشباب الروح والقلب وياما ناس عمرهم اكبر من جذي ولا يبين عليهم مب مهم العمر . خلي نفسك نقيه ,, واحبي كل شي كتب لك من شر وخير ,, عل الشر فيه خير لك ,, واضيفي لليمون سكر يصبح عصير :) صح

اتمنى . يا اختي ان تعملي بنصيحتي وان تبتعدي عنه .. لقد امضيتي ما يكفي معه من معصيه فلا تأخذك العزه بالاثم وتتمادي اكثر ..

ام جنى
*
الله يفرج كربك حبيبتى لا تيأسى من رحمة الله ادعى الله كثيرا ان يكون من نصيبك

واكثرى من الأستغفار

الله يجعله من نصيبك ويجعللك فيه الخير ياحبيبتى
ر
الله يجمعكم مع بعض بالحلال يارب عاجلا غير اجل
اللهم اجعله من نصيبك يارب والله يسخر لك كل اللي حواليكم ويوافقون
اختي اقرئ سورة البقره بنية تيسير زواجكم اربعين يوم واكثري من الاستغفار والله يكتبلك اللي فيه الخير..
S
يارب يااااارب تكونون من نصييب بعض خلا عمه يكلم ابووه ..او الصبي يهدد ابوه انا يرحل برا البلد وما يشووفه لان مايقدر يعيش من دونج هههههههه سوي لج فلم ..بس جد جربو او خلا الام تقنع الاب
ر
اكثري من الاستغفااااااااااااار وخلي املك بالله كبير .. بس لاتتهوري بالعلاقه اكثر ...عشان لانه اذا ماكااااان هو نصيبك اللي ربنا كتبه لك ...اكيد حتتعبي نفسيا وتكرهي الدنيا...
u
انا اقووووووووووووووووووولج الله الله الله معاك والله والله يقدر لك الخير اطرقي ابواب السماء فلن يردك كريم مجيب الدعاء ولاتتسرعي انتي نعم تردين الحنان والامومة وهو حلم كل منا ولكن لاتدمري حياة الشخص بغضب والدية علية والله يحنن قلب ابوه وامه عليج وعلى فكرة اخوي متزوجة وحدة اكبر منه 5 سنوات ومتزوجة مرتين وعندها من كل واحد عيال واخووووووووووووي اول مرة يتزوج شوووووووووووووفي كيف ربي حنن قلب امي ان يتزوجها فالجي الى من هو اولى لنا من انفسنا الله الله عليك بمايريضية من الصدقة الصوم والاستغفار
وصديقتي خالتها عمرها 36سنة توها متزوجة واحد عمرة 37 ولما يسبق له الزواج
ع
مااقدر اقولج غير الله يوفقكم ويجمع بينكم بالحلال ويلين قلب ابوه

وانتي كثري من الاستغفار والدعاء في صلاة الليل

وانشا الله ماتشوفين الا الخير انتي وياه
ق
كرري هذا الدعاء في اليوم مائة مره

اللهم إني لما أنزلت إلي من خير فقير

والله يفرجها عليكم
ب
مشكورات حبيباتي وجزاكم الله ألف خير على النصايح
@
الله يوفقج وتاخذينه
بس خل نكون واقعيين
مو حلوه تاخذين واحد اصغر عنج وهله مو راضيين
فكري عدل
كيف بتكون حياتج معاه
وانتي موكبيرة ففكريعدل
وبالتوفيق
ا
اسأل الله ان يرزقك بالزوج الصالح ......

بس في ملاحظة على اغلبية البنات ..

يعني انتم ليش تصلون صلاة الاستخارة ؟؟

يعني انتي لين الحين مافهمتي ان هذا الانسان مو خير لك

يااختي انتي صليتي استخارة وماتم الموضوع ليش الاصرارا ؟ اصلا ليش تصلين استخارة؟

يعني اذا كان خير لج اكيد يتيسر امرج من اول ماكلم ابوه .. بس مافهمتي الحكمة هالانسان صار لك سنتين

مضيعة من عمرك معه ومش متيسرة امورك معه يعني شي واضح ان زواجك منه فيه شر ..

لان صلاة الاستخارة توكلي امرك لله ودعائها يكفيك تفهمين وش انتي طالبة من ربك ..

يااختي اتركيه ولاتركضي ورا سراب وباقي كلامي مثل كلام ام جنى بس حبيت انبهك على استخارتك .
ولازم ترضي باللي ربي كاتبه لك.
ف
اختي بقولك شي بس بدون زعل يعني لو تزوجتية صدقيني بيقعدون الناس دايم يقهرونك بكلمكة اكبر منة وحتى هو لو تزوجتية الا مايمزح معك ويقول انتي اكبر مني عندها ايش راح يكون موقفك بتنجرحين صدقيني واهلك رفضوة وحتى امة قالت انها تبقى لولدها وحدة صغيرة يعني لو بكرى ييخانقين معها او تزعل منك لاقدر الله راح تقولك انتي اكبر من ولدي او احمدي ربك تزوجتي ولدي فليش دوخة الراس ويمكن ربك كاتبلك الخير في واحد احسن منة وانتي بكيفك
X