عشان ولدي مضطرة اتغرب

اختي توكلي على الله وروحي والله ولدج بيكبر وبيحتاج ترى الجواز بوفر له دراسه بالخارج وبعيدن شغل ترى الدنيا كل مالها تصعب وانتي كاتبه 4-6 شهور فتره حلوه وصغيره منها تغيرين جو ومنها تفيدين ولدج والايام تركض فكري بولدج وهلج ماعليهم شر وتطمني عليهم كل يوم بالتلفون وبالنت وايد وسائل ..
وصلي استخاره بعد وربي بيساعدج ان شاء لله ..

مرحبا اختي توكلى على الله وروحي ....الله يصبر الانسان على الغربه والله يااختي العزيزه وهيه كلها كم شهر وترجعين عشان خاطر ولدج يحصل الجواز والله يوفقج ويسعدج ياااارب

أكيد ميه بالميه
سافري
هذا مستقبل ولدك
والام بتفكر في ولدها قبل ما تفكر في نفسها
وسته شهور وايد قليله
وما تعتبر غربه
اعتبريها سياحه وتغير جو
الله يوفقكم

والله نصيحه مني لج تسااااااافرين وبلا تردد
لان والله من يكبر ولدج راح يلومج على تصرفج هذا لان يمكن يفكر بالمستقبل يدرس برا او يشتغل يعني بهاي الحاله تضمنين مستقبله وترى الجواز الغربي افضل بميه مره من الجواز العربي مع الاسف طبعا لان همه يحترمون الانسان اكثر من العرب
وترى الحين موجود بعد فتره ماكووو يعني كل ما عجلتي كل ما صار احسن ما تدرين القوانين
واسفه على الاطاله بس والله حطيت حالي بمكانج وتكلمت من كلبي
تقبلي مروري

فترة الغربه جدااا بسيطة يعني لا تاخذين هم اختي لأنه الايام والساعات راح تمر بالسرررررعه وتضمنين مستقبل ولدج وسلمي امرج لرب العالمين وتوكلي على الله....
بالتوووووووفيق إنشاء الله

توكلي على الله اختي ...........كله يهون علشان العيال

هلا زهورة بك في قسمنا :) نورتي القسم


بصراحة ليس لك حق تزعلي

هذه ليست غربة إنها رحلة سياحية

وحلو إنها ست شهور علشان تشبعي من السويد طبيعتها رائعة وخلابة

وننتظر الصور التي ستلتقطينها لها وتشاركينا معك فس السياحة فيها

يعطيكم الف عافية ويا هلا باسماء من طول الغيبات :)

اتفقتوا على نفس الراي يا سبحان الله