(-_ قـــــــــ ـ ـ ـ ـــال أحـبــــــ ـ ـ ـ ـــك _-)

بسم الله الرحمن الرحيم

هذا ثاني شعر كتبته .. اهداء مني لخطيبي وحبيبي لانه سافر عني عشان شغله ... حبيت اخذ رايكم فيه ..

وهو اهداء مني لكل عروسه زوجها وحبيبها بعيد عنها ..

والله يرد كل زوج لزوجته ياااااااارب ..








قال أحبــــك وجاوبــــــــت دمعة العيــــــــن ..
تهمـــل من عيـــون الفرقـــا الشقيــــــــه..

وغضيــــت وصار الحـــــزن بقلبي حزنيــــــن..
صرخت علــــى فرقاك يازيــــن ماني قويه..

ناشدنــــي يالــــغلا لاتبكيــــن تكفيـــــــــن..
لاتشعليـــــن النـــــار في قلـبٍ طفى ضيه..

قلت له أمانه عاهـــدني على المذهب والدين..
الله يجــــــــازي اللي يغـــــــدر بخويـــــــه..

قال لي وإللي فطر قلبي بحبك لاتظنيـــــــــن..
ماحـــــــب ولا أشـــوف غيرك آدمــــــــيه..

قصيت شعري وقالي يابنت وش تسويـــــن؟!
قلت له أبعطيك من طرف غرتي لك هديه..

إحفظها ياخلي وطالعهـــا بين كل يوميــــــن..
لا اشتقــــت لي ولا وله قلبــــك عليـــــا..

ناداه صوت السفر وخنقني الهم وأحسبه البين..
وتاهــــت بي دروبي في متاهاتٍ رديــــه..

غربـــة سنه صارت في ناظري غربة سنيـــن..
أدعي متى على الله يلتقي الحي حيــه؟!

همت في بحور شوقي وأداري دمعة العيـــن..
وظليت احسب أنا الأيام في كل روحه وجيه..

خــــــــــــلاص هانت مابقــــى غير يوميـــــن..
ويرجع خلي وترجــع الفرحـــــه الهنيــــــــه..

حط يده بيدي وقال شوقي لك في خفوقي براكين
تــــــــحرق النـــــار كل جـــــــــزئ بيــــــا..

ناشدني ماتسألينـــــي هـــديتك هي ويــــــن؟!
قلت له انت اغلى هديه واغلى مابقى ليــا..

مسك يدي وقال لــــي هذي غرتك تذكريـــــن؟!
حفظـت حبك مثــــل ماحفظتها يابنيـــــــــه ..

دعيت الله عساه يحفظه ويسدد خطاه ليوم الدين..
ويجمعنــــــا ونبقـى هالعمر كله سويــــــه..



وسلامتكم

(قلــــــــب علــــــــــي)