السلام عليكم ورحمة الله وبركاته..
.
.
.
اتوقع هدا الموضوع ممكن يفيد كتير من البنات
اللي بيدوروا على وصفات مختلفة..
وهدي وصفات ونصايح
جمعتها لكم من مواقع اجنبية وترجمتها..
وانشالله تستفيدوا منها..
وتتخلصوا من القشرة المزعجة نهائيا..
الشامبو
* اول حاجة لمن تجيبي شامبو دوري على اللي من مكوناته زيت شجرة الشاي لانها تخفف من القشرة بنسبة 41% ..وهدا اذا كانت القشرة عندك خفيفة..
*أما اذا كنتي تعاني منها بشدة دوري على الشامبو في الصيدلية اللي يكون من مكوناته: كبريتيد السيلنيوم (selenium sulfide) .. حطيه على شعرك بعد ماتبلليه وخليه من 3-5 دقائق..مع مراعاة انك تنتبهي ما تستخدمي هدا الشامبو بعد صباغة شعرك او عمل بيرم لمدة 48 ساعة..
*وممكن تستخدمي الشامبو اللي من مكوناته الزنك zinc
*أكتر شامبو فعال هو اللي يحتوي على الكيتوكونازول ketoconazole..حطيه على شعرك المبلول ولكي فروة راسك واتركي الشامبو لمدة 3-5 دقائق..استخدميه مرتين في الاسبوع من اسبوعين ل4 أسابيع..وبعد كدة مرة كل اسبوعين.
وصفات طبيعية
*أضيفي ملعقتين شاي من الخل ل6 ملاعق موية وحطيها على فروة راسك واربطيه بمنشفة ونامي فيه..وفي الصباح غسلي شعرك واشطفيه بنفس الخلطة..
استخدمي هدي الوصفة مرة في الأسبوع بس ولمدة 3 شهور على الأقل.
*اخلطي ملعقة شاي ليمون مع ملعقة شاي خل وأعملي بيه مساج لفروة راسك..وبعدين غسلي شعرك بشامبو يحتوي على البيض.
*جيبي كاستين موية واضيفي عليها 4 او 5 ملاعق شاي زعتر مجفف وخليهم يغلوا لمدة 10 دقائق، بردي الخليط وصفيه..واستخدميه لعمل مساج لشعرك وخليه لمدة نصف ساعة واغسليه.
*خدي حبتين اسبرين وخليهم يذوبوا في أي شامبو تستخدميه للقشرة وغسلي شعرك عادي.
*دلكي فروة راسك بزيت اللوز ولفيه بمنشفة غمستيها في موية مغليه..وكرري عمليه لف شعرك 3 او 4 مرات لمن تبرد المنشفة.
*غسلي شعرك بخل التفاح الدافي وغطي شعرك بمنشفة او الطاقية حقت الحمام البلاستيك وخليه 30-40 دقيقة واشطفي شعرك بعدها بالموية عادي..اتستخدمي الطريقة مرتين في الاسبوع الين ما تختفي القشرة..
*اغسلي شعرك المبلول بكمية تقريبا نصف فنجان او اكتر من بيكربونات الصوديوم اللي يمتص الزيت من الشعر..هدي الطريقة ممكن تبينلك انه شعرك نشف شوية لمدة كم اسبوع..لكن رح تخلي القشرة تروح في النهاية وتخليه شعرك يلمع وناعم زي الحرير غير انهاتخفف من الحكة مع مراعاة عدم استخدام الشامبوو ابدا.
*اخلطي كمية متساوية من زيت اللوز وزيت الزيتون وحطيه على فروة راسك مع التدليك..خليه لمدة 5 دقائق بعدين غسليه.
*اخلطي زيت الزيتون مع (اكليل الجبل) او الروزماري المفروم وحطيهم على شعرك لمدة 15 دقيقة بعدين غسليه.
بالله عليكم اللي تنقل الموضوع تذكر المصدر..وجزاكم الله خير
