ساعدوني في تنسيق شقتي

بل ولا احد رد عليي

الصالة الالوان الفاتحة دايما افضل لان الكنب والاكسسورات ومفارش الطاولات تكمل الديكور

فحلووو البيج


والغرفة لاتعمليها كلها بنفسجي لانو رح تصير غامق ممكن تعملي جدار والباقي فاتح او لون فاتح منقوش بالبنفسجي

وغرفة الاطفال ان عن نفسي ( وجهة نظر) الالوان الكلاسيك احلى وادوم للزمن لما يكبروا

ايه الغامقة خليها عند السرير


غرفة الاطفال درجات البرتقالي - تفاحي- زيتي

مشكورة فلورينا وربي يجازيش خير خيووو

اذا حجرة النوم اثاثها بيج لا تصبغيها بنفسجي
لان بتكون كأنها غرفة اطفال، صبغيها بني فاتح او بالاحرى بيج غامق ( مثل لون الشاي حليب )
والستارة مزجي لون البيج والبني \ السجاد بني

اما بالنسبة لغرفة الاطفال، بما انهم بنات واولاد، صبغيها اخضر لانه لون محايد او اصفر
والصالة اذا حابة صبغيها مثل ماتبين، لان بالاثاث البني بتطلع حلوة ، ويفضل تصبغيها بيج يناسب الاثاث البني



بالنسبة لغرف الاطفال تقدرين تمزجين لونين
مثل هالـ صور











وغرف نومكم، دخلي قوقل وحاولي تبحثين
شوفي اي درجة من الصبغ تناسب الاثاث البيج

تشكرين اختي عالمعلومة

ان شاء الله البنات يفيدونك انا لازم اشوف الالوان عشان اشوف ايش الي يناسب بالكلام مااعرف معليش يااختي كان ودي اساعدك والله معليش

حبيبتي الصاله حلوه تكون بيج وغرفة الاطفال احبها تكون فرش وخاصه لون الاخضر التفاحي مع الفوشي او التركواز مع الاخضر التفاحي تطلع شي ولا بالخيال والوان يديده بعد:) وبالنسبه لغرفتج حلو اللون البنفسجي بس اشويه قديم اشرايج باللون الجويتي؟وايد وايد راقي خلي الصبغ اوف وايد والسرير اللون الخشبي او البني المحروق بس الكفر خليه جويتي مع الاكسسوارات تطلع جدا جدا راقيه مع الاضاءات طبعا وانا افضل غرفة النوم الحائط لون واحد مثل الاوف وايت لان مع الايام راح تملين من اللون بس تغييرين الكفر والاكسسوارات تتغير الغرفه بكاملها وتصير شي ثاني جنها غرفة يديده واذا بخاطرج البنفسجي حطي البنفسجي الكادبوري جدا جدا راقي طبعا مثل ما قلت لج بس الكفر واكسسوارات الغرفه وقطعه السجاده الصغيره بهاللون واتمنى اني افدتج:)

كندرية حلوة ماشاء الله عليش في الالوان

بس ترى اني مااعرف في الالوان

ماعرفت الالوان اللي قلتين بها خخخخ

حبيبتي يبتلج مجموعة نماذج وانشالله تعجبج:)وفيها الاوان اللي اقصدها









واللون التفاحي اللي اقصده اهوه اللون الاخضر اللي مثل لون التفاحه:)


واللون الجويتي هذا:)


واللون البنفسجي بس اشويه اغمج منه هذا:)


وانشالله اكون افدتج حبيبتي:)

يابعد عمري انتنين

مشكورة اختي تعبتش ويايي

والله يجازيش خير

الاحظ اللون يكون فاتح وعادة ابيض او بيج بس جدار اللي يكون مع السرير غامق عدل؟؟ظ

بالعكس ماسويت شي هذي هوايتي:) واعين واعاون:)
اي حبيبتي دوم اللون الغامج ورى السرير عشان يكون بارز ويبرز السرير والكفر

حبيبتي كندرية تسلمين والله

بغربلش من الاسئلة عجل مدامها هوايش خخخخ

لوكان الصبغ للجدار اصفر

اي لون يناسبها من فرش؟

ادا عندش افكار حلوة اعطينا

وربي يجازيش الجنة يااارب

بعد عندي سؤال

فيه طريقة في الصبغ يكون جدار واحد فقط فاتح وغامق او هيكي عني << شسمه ؟

يعني اشلون نوصفه للصباغ ؟؟؟ خخخ واني ماااعرف اسمه

اذا الصبغ اصفر
يناسب الاثاث اخضر او بني او اسود
خسارة الانترنت عندنا بطئ
بس استخدمي موقع قوقل
وكتبي مثلا صبغ اصفر وشوفي الصور الي تطلع لج
اكيد بيعطونش افكار للصبغ والوان للاثاث والفرش والستاير:wink:

قولي له نبي هالجهة من الجدار هاللون
والجهه الثانية هاللون
وهكذا

هلا حبيبتي لا اشدعوه انا حاضر:) بالنسبه للاصفر وايد فاتح وحلو وخاصه للاطفال حطي معاه الوردي او الاخضر مثل ماقالت الاخت هذيان او الازرق او البنفسجي وايد في الوان حلوه لان الاصفر لون هادي بس انا ما انصح مع الاصفر لون غامج والناس اذواق مع ان الاصفر مع الزيتي قمة الفخامه وحلو بس على حسب نوع الغرفه ان كانت غرفة نوم او قعده او استقبال وحتى الرمادي يهبل معاه وايد في الوان تطيح مع الاصفر وبالنسبه حق الصبغ اللي يكون لونين بحائط واحد يسمونه ترخيم والترخيم انواع في نوع قوي وفي نوع بسيط سوي الترخيم البسيط وايد ناعم وحلو كلاسيك:) واللي تبينه انا حاضره وانا احاول اوفرلج صور حلوه تناسب هاللون

حبيبتي هذي بعض الصور باللون الاصفر


















واخر شي اقولج ان اللون الاصفر حلو مع جميع الالوان مثل هالصوره:)
واتمنى اني افدتج حبيبتي

سويت لج بحث في موقع قوقل

لأختيار لون الطلاء + الاصفر - بحث Google‏


كتبي في قوقل مثل ماكتبت انا وان شاء الله تحصلين افكار روعة :wink: