** مالي غيركم يا خواتي يا بنات عروس .. أدعوو لي**

صبحكم بالخير اخواتي بنات عروس ..

شخباركم عساكم بخير ؟؟

انا زي ما قلت لكم كنت حامل من شهر ونص وسقطت والحمدلله على كل حال..

ومع المراجعات بعد التسقيط اتضح عندي كيس دهني على المبيض الايمن ..

وقالت لي الدكتورة ..

حجمه 5 سم ولازم عملية فتح بطن لان تقول الكيس داخل البويضة :confused:

وقالت اذا ما تبين تشيلينه عادي بس يسبب آلالام أثناء الدورة ونشيله وقت الولادة اذا حملتي..

والله يا بنات صاكه فيني الدنيا وخايفة موت .. والحمدلله انها طمنتني ان الحمل والولادة ما يتأثرون بالكيس..

من فيكم جاها زيي كيس دهني على المبيض وراح من نفسه ..

تكفون ابي تجاربكم..

ودعواتكم لي بالشفاء العاجل من هذا الكيس واني ربي يرزقني ويعوضني بالذرية الصالحة ..

وكل وحدة بتدعي لي او ترد على اسئلتي ربي يعطيها كل ما تتمنى يارب يارب