أفكاري لليالي الوردية و أوقات الحب والرومانسية

بنات أدري اني طولت عليكم بس والله مثل ما انتوا عارفين الظروف اللي صارت لي بس انشاءالله آخر الأحزان وعسى أيامي وأيامكم كلها هنا وسعادة

فكرة جديدة انشاءالله تعجبكم

الليالي الوردية لأوقات رومانسية

هالمرة حاولت قد ما أقدر اني اشوف لكم مواد وادوات هالفكرة تكون متوفرة للجميع انشاءالله

خلونا نبدأ

خصصي يوم يكون فيه مناسبة لك انتي وزوجك مثلا ذكرى زواجكم أو أي مناسبة حلوة مثل ليلة العيد وطبعا لازم تجهزين كل الاداوت قبل المناسبة

في اليوم المحدد اكتبي له كلمتين حلوين ودعوة لتمضية ليلة رومانسية وحطي الورقة في زجاجة واختاري يا انك تخلينها له في مكان انتي تكوني عارفة انه راح يشوفها فيه أو انك ترسلينها له على مكان عمله مع باقة ورد صغيرة ( طبعا لو كان زوجك من النوع اللي يحب هالحركات )

طبعا طريقة عملها بسيطة وواضحة وكل وحدة وشطارتها



طبعا راح يكون كل شي باللون الأحمر واللون الوردي

بعد ما يطلع زوجك أو هو أصلا يكون يطالع راح تبدأين بتجهيز الأكل أول شي حتى تخلصين منه وتعطرين المكان

اقترح انك تسوين كل الأطباق الرئيسية والعصيرات والحلويات على شكل قلوب وفيها اللون الأحمر والوردي وهذي بعض الأفكار ( بعض الطرق موجودة عندي اي سؤال انا بالخدمة )



بعد ما تخلصين طبخ تحطين اللي بالثلاجة في الثلاجةواللي في الفرن ( لا تقولون بيبرد دبري عمرك مايكرويف أو تسخين )

نبدأ ديكور المكان

هالمرة الديكور مرة سهل

عبارة عن شموع وبالونات وقطع صغيرة لماعة ورد مجفف ورد طبيعي وريش والشرط انها تكون كلها بالوان حمراء ووردية





وزعي البالونات في اماكن مختلفة في الممر وفي مدخل البيت وفي غرفة النوم وتقدرين بعد تكتبين عليها كلام حلو أو اسامي الدلع حق زوجك ( طبعا اللي انتي تدلعينه فيها ) أو تستخدمين بالونات مكتوب عليها كلام من الأول




طبعا راح تفرشين لك مفرش أحمر في غرفة النوم أو أي الوان تكون من درجاته



وتنثرين مثل ذيك المرة قطع لماعة وورق ورد على السرير وعلى طاولة الطعام بشكل عشوائي



في اضاءة عجبتني لقيتها في هوم سنتر هي خاصة بغرف الأطفال بس تجي صغيرة الحجم وتنوضع على طاولة وعليها رسومات حلوة في نوع عليه قلوب وورد وتتحرك وتعطي اضاءة متحركة في كل مكان في الغرفة وسعرها مرة رخيص يعني ما يزيد عن 50 ريال سعودي انشاءالله ذكروني اشوف لكم الصورة

زيني البيت والغرفة وحتى الحمام بالشموع الحمراء



اربطي أعمدة السرير ( اذا كان فيه اعمدة ) كلها بشرايط لف الهدايا بلون أحمر وفوشيا ووردي أو أي لون منهم ومو بس غرفة النوم تقدرين تلفين مقابض أبواب البيت اللي تحسين ان زوجك راح يمر عندها



طبعا تقدرين انت تبتكرين اي شي زيادة على هذا كله

عطري البيت بفواحة عطرية واذا تبين نصيحتي جربي الزيوت اللي بريحة التوت رهيب وفيه زيوت من البودي شوب حلوة مرة لمثل هالفكرة بس احاول اتذكر الاسم ناسية بس فيه love

وفيه صابون في الصيدليات على شكل قلب أحمر ومكتوب عليه بالأبيض I love you حلو تحطينه في الحمام وطبعا الحمام مو لازم تهملينه حاولي تزينينه بالمتوفر عندك

الحين عاد جا دورك انتي

بعد ما تخلصين كل الشغل تروشي - تحممي - واقترح عليك تجربين هالمجموعة الجديدة نوعا ما من لاسنزا

شاور جل shower gel


body lotion


body spray


مجموعة من أربع روايح اختاري منها اللي يناسبك



أو تقدرين تستخدمين أي مجموعة ثانية من اللي انتي تختاريه بس يفضل انك تستخدمين مجموعة كاملة فيها شاور جل وكريم للجسم والعطر وفيه بعضهم يتوفر فيه بودرة جسم بعد ومزيل عرق

اختاري لك روب نوم يناسب الليلة كلها يعني فيه فرو أو ريش أو دانتيل طبعا بنفس الألوان أحمر فوشي ووردي (_طبعا مو هذا اللي في بالي بس ما أقدر احط لكم صور عارية )



وجهزي الأشياء اللي راح تستخدمونها مثل البودي بينت ( لا تقولون ما تعرفونه ) وهذي صورته من لاسنزا وانا شايفتها هناك مالكم عذر



فيه منه نكهات



واذا مالقيتوه مثل ما قلت لكم من قبل تقدرون تبدلونه باي صلصلة شوكولاتة او فراولة جاهزة وفيه بعد شي حلو هو للأطفال بس تقدرين تستعملينه بطريقتك الخاصة بس خلوني اروح اشتريه واجيب لكم الأسم الظاهر انه من شوبا شوبز بس بقول لكم بعدين وبحاول اجيب صورته

الحركة الحلوة هالمرة هي هذي



أنا ما شفتها هنا يعني لا في السعودية ولا البحرين بس لقيتها في بريطانيا من شركة ثانية كانت في محلات هارودز هي عبارة عن ستكرات تحطينها على أماكن مختلفة من جسمك بعضها له ريحة بس كلها مكتوب عليها أوامر حلوة

hug, kiss, وأشياء ثانية

وطبعا الباقي مفهوم

الحلو انك لو ما لقيتيها في السوق تقدرين تسوينها

في المكتبات ستكرات ملونة أو بيضا تكون دائرية اشتريها واكتبي عليها أي أوامر انتي تبينها يا بقلم ذهبي او ملونة وتراها مثل الجاهزة


طبعا حطي لك ميك اب ناعم ويفضل انك تفردين شعرك وانتظري زوجك وأول ما يجي لا تتحركين خليه هو يشوف المكان وينبهر بالزينة وفيك وبعد العشاء انصحك انك تجربين زيوت المساج الجديدة من لاسنزا رهيبة انا استعملت اللي على فراولة مرة حلو



وبعدين انتوا عاد بكيفكم

هذي هي الفكرة باختصار بس كثري من البالونات وحاولي بقد ما تقدرين تزينين باللون الأحمر

انشاءالله تعجبكم الفكرة

تحياتي لكم